Domeniko Çimaroza
 | |
| it. Domenico Cimarosa | |
 Domeniko Çimaroza | |
|
| |
| Doğum tarixi | 17 dekabr 1749 |
|---|---|
| Doğum yeri | Aversa, Neapol |
| Vəfat tarixi | 11 yanvar 1801 (51 yaşında) |
| Vəfat yeri | Venesiya |
| Təhsili | “Santa-Mariya di Loreto” konservatoriyası |
| Fəaliyyəti | bəstəkar |
VikiAnbarda  audio, foto və videofayllar | |
Domeniko Çimaroza (17.12.1749, Neapol yaxınlığında Aversa– 11.1.1801, Venesiya) — italyan bəstəkarı, buffa-operanın görkəmli nümayəndələrindən biri.[1]
Mündəricat
Həyatı[redaktə | əsas redaktə]
Qeyri-adi musiqi istedadı olan Çimaroza 1761-ci ildə “Santa-Mariya di Loreto” konservatoriyasına daxil olmuş və 1772-ci ildə oranı bitirmişdir. 1772-ci ildə Neapolda “Qrafın qəribəlikləri” adlı ilk buffa-operası tamaşaya qoyul muşdur. Çimaroza 1787-ci ildə Peterburqa dəvət olunmuş və 1791-ci ilə qədər saray kapel meysteri işləmişdir. Burada “Günəş qızı” (1788), “Kleopatra” (1789) operalarını yazmış və tamaşaya qoymuşdur.
Fəaliyyəti[redaktə | əsas redaktə]
1791– 92-ci illərdə Avstriya imperatorunun saray kapelmeysteri olmuş və burada dünya şöhrəti qazanmış, ən məşhur “Gizli nikah” (1792; bu əsər 1984-cü ildə Azərbaycan Dövlət Konservatoriyası yanında Ş. Məm - mədova adına Opera studiyasında tamaşaya qoyulmuşdur) buffa-operasını yaratmışdır. 1793-cü ildə Çimaroza İtaliyaya qayıtmış, Neapolda saray kapelmeysteri vəzifəsini tutmuşdur. 1799-cu ildə Neapolda respublika elan olunmasını sevinclə qarşılamış, bu hadisə ilə bağlı “Patriotik himn”i (sözləri L. Rossinindir) yazmışdır. Çimaroza həmçinin “Olimpiada” (1784), “Horatsilər və Kuriatsilər” (1796) seria- operalarının, oratoriyaların, kantataların, orkestr və kamera-instrumental əsərlərin və s. müəllifidir.[1]
İstinadlar[redaktə | əsas redaktə]
- ↑ 1,0 1,1 Çimaroza// Azərbaycan Milli Ensiklopediyası (25 cilddə). — V cild. Bakı, 2009. — Səh.: 579.
