Dorukxan Toköz

Vikipediya, açıq ensiklopediya
(Dorukhan Toköz səhifəsindən istiqamətləndirilmişdir)
Jump to navigation Jump to search
Dorukxan Toköz
Dorukxan Toköz.jpg
Ümumi məlumatlar
Tam adı Dorukxan Toköz
Doğum tarixi 21 may 1996(1996-05-21)[1] (23 yaş)
Doğum yeri
Vətəndaşlıq Türkiyə Türkiyə
Boyu 1.80 sm
Çəkisi 73 kq
Mövqeyi yarımmüdafiə
Klub haqqında məlumat
Klub Beşiktaş
Nömrəsi 26
Karyerası
Həvəskar karyerası
2009-2015 Əskişəhərspor
Peşəkar karyerası[* 1]
2015-2018 Əskişəhərspor 60 (3)
2018- Beşiktaş 18 (3)
Milli yığma[* 2]
2019- Türkiyə Türkiyə 2 (0)

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı.

Dorukxan Toköz (türk. Dorukhan Toköz; 21 may 1996, Əskişəhər) — "Beşiktaş PFK"da yarımmüdafiə mövqeyində çıxış edən türk futbolçu.

Klub karyerası[redaktə | əsas redaktə]

Əskişəhərspor[redaktə | əsas redaktə]

Dorukxan futbola "Əskişəhərspor" klubunda başlamışdır. 2015-ci ilin yanvar ayında peşəkar karyerasına başlamışdır. 2014-2015-ci illər mövsümündə rəsmi qarşılaşmalarda forma geyinməmişdir. Klubunda ilk rəsmi oyununa 3 dekabr 2015-ci ildə Türkiyə kubokunda "Mənəmən Bələdiyyəspor" ilə oynadıqları qarşılaşmada çıxmışdır. Həmin qarşılaşma "Əskişəhərspor"un 1-0 üstünlüyü ilə başa çatmış, qolu da məhz Dorukxan vurmuşdur. Türkiyə Super Liqasında ilk oyununa isə 20 dekabr 2015-ci ildə 2-1 hesabı ilə məğlub olduqları "Başakşəhər" qarşılaşmasında çıxmışdır. 2016-2017-ci illər mövsümündə Türkiyə 1-ci Liqasına düşən "Əskişəhərspor"da daha çox forma geyinməyə başladı. Həmin mövsümdə 24 qarşılaşmada forma geyinmiş və 2 qol vurmağı bacarmışdır. Super Liqaya yüksəlmə pley-off turunda finalda "Göztəpə"yə penaltilər seriyasında məğlub oldular. 2017-2018-ci illər mövsümündə 32 qarşılaşmada meydana çıxaraq komandasının əsas oyunçularından birinə çevrildi. Mövsüm boyunca 9 məhsuldar ötürmə ilə yadda qalmışdır.

Beşiktaş[redaktə | əsas redaktə]

Futbolçu 9 iyul 2018-ci ildə "Beşiktaş"a transfer olundu. 26 iyul 2018-ci ildə UEFA Avropa Liqasının təsnifat mərhələsində "B36 Torşavn" komandası ilə oynadıqları qarşılaşmada "Beşiktaş"da ilk rəsmi oyununa çıxmışdır. Bu həmçinin Dorukxanın avrokuboklarda ilk oyunu idi. Türkiyə Super Liqasında "Beşiktaş" forması ilə ilk oyununu isə 11 noyabr 2018-ci ildə "Sivasspor"a qarşı oynamışdır. 18 yanvar 2019-cu ildə oynanan "Akhisarspor" matçında isə "Beşiktaş" forması altında ilk qolunu vurmuşdur.

Milli komanda[redaktə | əsas redaktə]

"AVRO-2020" təsnifat mərhələsində Türkiyə millisinin AlbaniyaMoldova ilə oynayacağı qarşılaşmaların heyətinə baş məşqçi Şənol Günəş tərəfindən daxil edilmişdir. Albaniya ilə oynanan matçın 65-ci dəqiqəsində Əmrə Belözoğlunun yerinə oyuna daxil olaraq Türkiyə milli komandasında ilk oyununa çıxmışdır.

İstinadlar[redaktə | əsas redaktə]