Drakula (Marvel Comics)

Vikipediya, açıq ensiklopediya
Jump to navigation Jump to search
Drakula
Dracula-MC.PNG
NəşriyyatMarvel Comics
Yayım tarixi"Drakulanın qəbri" #1 (aprel, 1972)
YaradanCerri Konuey
Cin Kolan
Bioqrafiya
Əsl adıVlad Təpəş Drakula/Dreyk
Doğum yeriŞasburq, Transilvaniya
Cinsikişi
Boyu196 sm
Çəkisi100 kq
Göz rəngiqırmızı
Saç rəngi
Növüvampir
Komiks bioqrafiyası
Dünyapis
KomandalarıVampirlər
Yaşamayan Legion
Müdafiəçilər
LəqəbləriQraf Drakula, Dreyk

Drakula (ing. Dracula) — Marvel Comics personajlarından biri. Brem Stoker tərəfindən 1897-ci ildə yazılmış Drakula əsəri əsasında hazırlanmışdır.

Nəşr olunma tarixi[redaktə | əsas redaktə]

"Drakulanın qəbri" komiksinin ilk sayı (aprel, 1972)

Marvel Comics Atlas Comics adlanarkən "Qeyri-müəyyənlik" komiksinin 7-ci sayında Drakula personajı görünmüşdü. Müasir Drakula personajı isə 1972-ci ildə Cerri Konuey və Cin Kolan tərəfindən yaradılaraq aprel ayında "Drakulanın qəbri"[1] komiksinin ilk sayına daxil edilmişdi.

"Drakulanın qəbri" komiksi 1979-cu ilə qədər nəşr olunmuş və Drakula personajı komiksin əsas personajı olmuşdur. Doktor Strenc personajının məşhurlaşmasından sonra dəbdən düşsə də, personaj yenidən özünə komiks tapmışdır. Marvel Comicsin çap etdirdiyi 4 saylıq "Drakulanın qəbri" komiksində Drakula ilə yanaşı Qurd adam və Kolan da yer almışdılar. 1990-cu illərdə qısa müddət "Naytstralkers""Bleyd" komikslərində görünmüşdür. Daha sonra "Drakula: Ölümsüzlük lordu" mini-seriyası nəşr olunmuşdur.

"İks-adamlar: Apokalipsis Drakulaya qarşı" komiksində Drakula Viktoriya dövründə Londonda İks-adamların böyük düşməni Apokalipsis ilə döyüşmüşdür.

Drakula "Kapitan Britaniya və MI13"[2] adlı komiks hekayəsinin "Vampir dövləti" adlı hissəsində Doktor Dumla birlikdə peyda olmuşdur.[3][4]

2010-cu ildə Viktor Qişler tərəfindən yazılan "Drakulanın ölümü" komiksi çap olunmuşdur.[5][6][7]

Bioqrafiya[redaktə | əsas redaktə]

Əsl adı Vlad Drakuladır. 1430-cu ildə Transilvaniyanın Şasburq şəhərində anadan olur. Transilvaniyalı ziyalının 2-ci oğludur. Hələ uşaq ikən Transilvaniyanın lideri olur. Bir neçə il Osmanlı türklərinə qarşı döyüşür, məğlub olur, taxtını yenidən qazanmağa məcbur olur. Zofiya adlı qadınla evlənir və Lilit adlı qızı olur. Amma daha sonra Zofiyadan ayrılır və Mariya adlı qadınla evlənir, Vlad Təpəlus adlı oğlu dünyaya gəlir. Üçüncü həyat yoldaşı Dominidən Yanus adlı oğlu olur.

1459-cu ildə Drakula türk lideri Turaka qarşı döyüşdə ağır yaralanır. Turak ona mərhəmət edir, onu Lianda adlı qaraçının yanına aparıb sağaltmasını xahiş edir. Amma Lianda bir vampir idi, Turakın qaraçılara etdiyi zülmlərin əvəzini çıxmaq üçün Drakulanı vampirə çevirir. Turak Drakulanın arvadı Mariyaya təcavüz edir, sonra öldürür. Drakula Turakı tapıb vampirə çevirir, öz oğlu Vlad Təpəlusu qaraçılara tapşırır.

Drakula bir döyüşdə digər vampir Nimroda qalib gələrək dünyadakı bütün vampirlərin başçısı olur. Varna Drakulaya digər vampirlərdə olmayan əlavə güclər verir. 1471-ci ildə Drakula taxtından əl çəkir.

XIX əsrdə Drakula İngiltərədə Abraham van Helsinq və Conatan Harker ilə qarşılaşır, bu hadisələrdən ilhamlanan Stoker 1897-ci ildə Drakula romanını yazır. Amma insanlar tərəfindən məhv edilib qayada gizlədilmiş tabuta yerləşdirilir.

XX əsrdə Drakula Klifton Qreyvs tərəfindən həyata döndürülür və Drakula Frank Dreyk ilə döyüşməli olur.[8]

Digər mediada[redaktə | əsas redaktə]

Dominik Persel "Bleyd: Üçlük" (2004) filmində Drakula rolunda.

Film[redaktə | əsas redaktə]

Drakulanın Marvel Comics versiyası 1980-ci ildə çəkilən animasiya filmində yer almışdır. Filmin sujet xətti "Drakulanın qəbri"[9] komiksinə əsaslanmışdır. Film isə "Drakula: Qaranlığın vampir imperatoru" adlanırdı.

2004-cü ildə çəkilən "Bleyd: Üçlük" filmində də Drakulanın Marvel Comics versiyası yer almış və Drakulanı filmdə Dreyk adı ilə görünmüşdür. Drakulanı filmdə Dominik Persel oynamışdır.

Televiziya[redaktə | əsas redaktə]

  • "Hörümçək-qadın"
  • "Hörümçək-adam və onun heyranedici dostları"
  • "Super qəhrəman heyət şousu"
  • "Qisasçılar birlikdə"[10]
  • "Mükəmməl Hörümçək-adam"[11]
  • "Halk və SMASH cəsusları"

Video oyunlar[redaktə | əsas redaktə]

  • "Marvel Super Hero Squad Online"
  • "Marvel: Avengers Alliance"

İstinadlar[redaktə | əsas redaktə]

  1. Tomb of Dracula ran from issue No. 1 to #70
  2. Appearing first at the end of the previous arc Captain Britain and MI13 #9
  3. Bloody Hell: Cornell on Captain Britain, Comic Book Resources, January 21, 2009
  4. Newsarama 9: Paul Cornell, Newsarama, February 11, 2009
  5. Nomad (May 6, 2010). "The X-Men Get All Fanged Up in Curse of the Mutants". DreadCentral. http://www.dreadcentral.com/news/37386/the-x-men-get-all-fanged-up-the-curse-mutants.
  6. "Victor Gischler talks DEATH OF DRACULA and X-MEN". Comic Monsters. May 12, 2010. http://www.comicmonsters.com/features-1120-Victor_Gischler_talks_DEATH_OF_DRACULA_and_X-MEN.html. İstifadə tarixi: May 26, 2010.
  7. Richards, Dave (May 19, 2010). "Victor Gischler Plots "The Death of Dracula"". Comic Book Resources. http://www.comicbookresources.com/?page=article&id=26302. İstifadə tarixi: May 26, 2010.
  8. Tomb of Dracula Vol. 1 #1
  9. Jones, Stephen. The Essential Monster Movie Guide. Billboard Books, 2000. p. 119
  10. http://io9.com/5989494/first-look-at-disneys-new-avengers-assemble-cartoon
  11. http://www.comicbookresources.com/?page=article&id=48001

Xarici keçidlər[redaktə | əsas redaktə]