Dunauyvaroş Universiteti

Dunauyvaroş Universiteti
DUE^[1]
Dunauyvaroş Universiteti; DUE
	46°57′45″ şm. e. 18°55′43″ ş. u.
Əsası qoyulub	1953
Tip	Dövlət
Tələbə sayı	təxminən 3500
Şəhər	Dunauyvaroş
Ölkə	Macarıstan;
Ünvan	Dunaújváros, Táncsics M. u. 1/A. Pf. 152, H-2401
Sayt	uniduna.hu
	Vikianbarda əlaqəli mediafayllar

Dunauyvaroş Universiteti (ing. University of Dunaújváros, mac. Dunaújvárosi Egyetem) — Budapeşt yaxınlığında Dunauyvaroş şəhərində yerləşən ali məktəbdir.^[2] Son 15 ildə tələbələrin sayı artıb və hal-hazırda burada 3500 yaxın tələbə təhsil alır. 2006-cı ildən bəri universitet əcnəbi tələbələr üçün beynəlxalq proqramlar təklif edir.^[3] 1 yanvar 2017-ci ilə kimi Dunauyvaroş Kolleci (macarca "Dunaújvárosi Főiskola", ingiliscə "College of Dunaújváros") adlanırdı.

Tarixi[redaktə | mənbəni redaktə et]

Dunauyvaroşda 1953-cü ildə Metallurgiya və Mexaniki Mühəndislik Texnikumun əsası qoyulmuşdu. Məqsəd, Dunay Dəmir sənayə fabrikini (Dunaferr Rt) lazımi mütəxəssislərlə təmin etmək idi. 1969-cu ildən bəri bir çox gənc mütəxəssislər institutda aldığı təhsil əsasında metallurgiya və mexaniki mühəndislik sahələrində ixisaslaşdılar və sənayə təcrübəsi qazandılar. Daha sonra Dunaferr Rt-in əhatəsi genişləndi, artıq texniki müəllimlik, mühəndis müəllimliyi kursları və informasiya texnologiyası kursları keçən kadrlar, 1990-cı ili əvvəllərindən isə iqtisadiyyat, texniki menecment, material mühənidisliyi və 2003-cü ildən kommunikasiya və mədəniyyət menecmentliyi üzrə də təhsil alanların da cəlb edilməsi başlanıldı. İşçi və mütəxəssis ekspertlər tələbatına uyğun, iki illik olan on bir kurslar tədris olunur və müxtəlif sahələrdə ali təhsil almaq və peşəkar bilik əldə etmək imkanı yaradılır.^[4]

İxtisaslar[redaktə | mənbəni redaktə et]

Bakalavr pilləsi proqramları[redaktə | mənbəni redaktə et]

Biznes İdarəetməsi
Kommunikasiya və Mediya
Mühəndislik İnformasiya Texnologiyası
Texniki Menecment
Material Elmlər Mühəndisliyi
Mexaniki Mühəndislik

Magistratura/Master pilləsi proqramları[redaktə | mənbəni redaktə et]

Mühəndislik Müəllimliyi^[5]
Mexanika mühəndisliyi^[6]

Kapmus[redaktə | mənbəni redaktə et]

Dunauyvaroş paytaxt Budapeştdən 70 km məsafədə yerləşir. Digər şəhərlərə də çox asan çatmaq olar (Peç, Dyör, Sekeşfehervar). Şəhərə həm qatar, həm də maşınla çatmaq mümkündür.^[7]

Yataqxana[redaktə | mənbəni redaktə et]

Universitet 1450 tələbəyə müxtəlif komfortlu hostel imkanları təklif edə bilir. Bu binalar yeni təmirdən çıxıb və əsas binanın ətrafında yerləşirlər. Otaqlarda vanna kabinləri, TV və internet bağlantısı da var. Həmçinin, mətbəx yerləri, yuyucu maşınlar və quruducular da tələbələrin ixtiyarına verilir.

İnstitut xüsusi fərqlənmə ilə qəbul edilən tələbələri yataqxanalarla təmin edir. Həmçinin, institut tələbələrin yataqxana problemlərinin həllində kömək edir, 70% yataqxana müraciətlərinə müxtəlif komfortlu otaqlarla təmin etməsinə çalışır. Bu isə təxminən 1400 tələbə deməkdir.

Təhsil aldıqları zaman tələbələrin böyük hissəsi Universitetin "Kerpely Antal" Tələbə Hostelində yaşayır. Burada müxtəlif ənənəvi və özünü idarəedən aktiv dərnəklər, təşkilatlar, həmçinin, tələbələrin Özünüidarəetmə sistemi fəaliyyət göstərir. Yeddi mərtəbəli hostel binalarının iki mərtəbəsində 450-yə yaxın tələbələr, iki, üç və dörd çarpayılı otaqlarda yaşaya bilərlər. Otaqlarda internet bağlantısı da var. Hostellərdə 35 kompüter otağı da tələbələrin ixtyarına verilib.

Yay vaxtı tələbə hostelləri, yay məktəblərinə, konfranslara, idman tədbirlərinə, intensiv kurslara gələnlər üçün təklif edilir. Hostelə bağlı olan restoran 800-ə yaxın tələbəni qəbul edə bilər. Burada, həmçinin geniş tədbirlər də keçirilir.^[8]

Park[redaktə | mənbəni redaktə et]

Keçmiş idman meydanında hal-hazırda yeni parkın salınması işləri gedir. 1,1 akr sahəsi olacaq park, ali təhsil institutunun əsas komplekslərindən biri olacaq. Geniş yaşıl ərazi, istirahət yerləri, fontan, bio-hovuz və günəş saatı, populyar istirahət güşəsi olacaq. Parkın özəlliyi, proqramlaşdırılmış müsiqili su göstərişidir. Həmçinin, bu park gələcəkdə Dunauyvaroşun ictimai parkı kimi də itifadəyə veriləcək.

Kitabxana və İnformatika[redaktə | mənbəni redaktə et]

Bina A-da kitabxana və kompüter infrastrukturası genişlənəcək. İnsan Resursları İnkişafı Operativ Proqramın və Təhsil və Mədəniyyət Nazirliyinin dəstəyi ilə edilən işlər yarımmilliard forint büdcə əsasında aparılır.

"Mərkəzi Transdunay regionunun İntellektual həyatı" proyektinin nəticəsi olaraq, individual və komanda şəklində olan tətqiqatlar üçün çox funksiyalı kitabxananın da əsası qoyulub. Burada oxu zalında tələbələrn ixtiyarına 75-ə yaxın kompüter verilib, həmçinin birinci mərtəbədə təhsil və araşdırma otaqlarında 25 ədəd kompüter də yerləşdirilib.

İkili optik internet xətti Kampusun beş binasında istifadəyə verilib. Bu xətt adi şəbəkədən 2000 dəfə yükəkdir. Yeni Bina A-nın laboratoriyasında yeni kitabxanada 270 kompüter terminalı quraşdırılıb. Mediya server TV studiyanın operator otağında yerləşir. İnstitutun bütün binalarına mediya faylların axınını yüksək sürətdə təmin edir. Bu texnologiya əsasında canlı proqramların və konfransların internet yayımı mümkündür.

Tələbə hostellərinin bütün otaqlardan və ümumi yerlərdə yüksək sürətli internet terminalları universitetin yerli şəbəkəsinə qoşulub. Buna görə də tələbələr öz kompüterlərini yaşadıqları yerlərdə istifadə edə bilərlər. Həmçinin, universitetin ərsəyə getirdiyi HotSpot, bütün parkı əhatə edir. Burada yerli sakinlər öz şəxsi laptopları ilə internetdən istifadə edə bilərlər.

İdman Zalı[redaktə | mənbəni redaktə et]

Yeni idman zalı 2008-ci ildə tələbələrin istifadəsinə verildi. Burada bir sıra beynəlxalq yarışlar və televiziya yayımları aparıla bilər. Bundan başqa burada sağlamlıq və əyləncəli proqramlar da təşkil edlir.

Məşğuliyyət və Fitnes Mərkəzi[redaktə | mənbəni redaktə et]

Bu idman mərkəzndə müxtəlif idman növləri ilə məşğul olma təklif olunur. Tələbələr, həmçinin skvoş, boulinq, billiard, darts, trenajor, aerobika mərkəzindən də istifadə edə bilər.

Kafeteriya və Pab[redaktə | mənbəni redaktə et]

Tələbələr tərəfindən Menza adlandırılan kafeteriya kiçikdir və az tələbələri qəbul edə bilir. İndi isə 2007-ci ildə istifadəyə verilmiş yeni iki mərtəbəli Kafeteriya və Pab tələbələrin istifadəsindədir. Burada 3500 yaxın tələbə məkandan istifadə edir. Həmçinin, konfrans zamanı qonaqlar da burada yerləşə bilər.

Qonaq Evi[redaktə | mənbəni redaktə et]

Kallós Dezső küçəsində 12 otel otaqları kimi yaşayış binasının tikilişi planlaşdırılıb. Burada, həmçinin Turizm sahəsində təhsil alan tələbələr təcrübə keçə bilərlər.

Texniki Praktika Zalı[redaktə | mənbəni redaktə et]

Kallós Dezső küçəsinin arxasında, Mexaniki Mühəndislik sahəsində təhsil alan tələbələr üçün anbarın tikilişi gedir. Burada tələbələrin praktiki dərsləri üçün şərait yaradılıb.^[9]

Tələbə həyatı[redaktə | mənbəni redaktə et]

Təşkilatlanma[redaktə | mənbəni redaktə et]

Dunauyvaroş Universitetinin tələbə həyatı çox aktivdir. Bu kollektivdə müəllim və tələbə heyətinin özünəməxsus ənənələri var. Bu kollektivə qoşulan əcnəbi tələbələr daima macar tələbələr tərəfindən, həmçinin müəllimlər tərəfindən tam dəstək görürlər. Beynəlxalq Münasibətlər departamenti, Tələbələrin Özünü İdarəetmə Təşkilatı, Universitetin xüsusi heyəti və digər qurumlar, tələbələrin müxtəlif proqramlara adaptasiya olunmasına kömək edirlər.

Xarici tələbə komitələri, tələbə mütəxəssis klubları və digər təşkilatlar institut tərkibində fəaliyyət göstərir: Texniki Təcrübə məqsədiylə Tələbə Mübadiləsi üçün Beynəlxalq Assosiasiya (IAESTE), High-tech Klub (THC), Kerpely Antal adına Xüsusi Kompyuter Kolleci (KAC), İqtisadiyyat və Ticarət Elmləri sahəsində Tələbələrin Beynəlxalq Assosiasiyası (AIESEC), Çağırış Dünyası (World of Challenge, W.O.C), Texniki Mütəxəssis Xüsusi Kolleci, Texniki Menecment Xüsusi Kolleci, Pedaqoji və Kommunikasiya Xüsusi Kolleci. Həmçinin, foto klub, futbol klubu, reqbi klubu, kreativ hobbi klubu, ekzotik müasir rəqs klubu, qadın xoru kimi digər klublar da institutda var.

Mədəniyyət və peşə dərnəkləri və təşkilatları da sadalamaq olar. Məsələn, Musiqi sevənlər dərnəyi, Universitetin orkestr və musiqi qrupu dərnəyi, Rəqs dərnəyi, Folklor rəqs dərnəyi, Həvəskar Teatr dərnəyi, Mədəniyyət dərnəyi, Foto dərnəyi, Yoqa dərnəyi, Ekskursiya dərnəyi, Ətraf mühit dərnəyi, Kerpely Antal Həvəskar Radio klub (KARC) və s.

Həmçinin, Dunauyvaroş Universitetində Karyera Ofisi də fəaliyyət göstərir. Burada tələbələrə və yeni məzun olanlara karyera planlaşdırmasında, iş tapılmasında, hüquqi və vergi məsləhətləri verilir.

İdman[redaktə | mənbəni redaktə et]

Dunauyvaroş, "millətin idman şəhəridir ". Burada tələbələr peşəkar və həvəskar səviyyədə atletika, üzgüçülük, reslinq, qimnastika, döyüş idman növləri (karate, kunq fu, tay boksu, kapoeyra), həndbol, basketbol, volleybol, su polosu, avarçəkmə, futbol, buz üstü hokkey, boulinq və sürətli qayıqla məşğul ola bilərlər.

Bir çox peşəkar idmançılar və 11 Olimpiya mükafatçıları da burada təhsil alıblar. Ali məktəb öz tələbə idmançılarına idman qrantları ilə, təqaüdləri ilə və hostellərlə dəstək verir. İnstitut, Milli Universiter və Kollec Çempionatından 11 idman kateqoriyasında ilk üç sırada yerləşir.

Dünya çempionu qadınlardan ibarət milli su polosu komandası DF qadın komandasında yerləşir. 1999–2005-ci illər arasında bu komanda Kubok finalını qazandı və Macarıstanın beşqat çempionudur. Həmçinin, bu komanda Avropa Çempionları Kubokunun yarımfinalarına dörd dəfə vəsiqə qazanıb.

Dunauyvaroş Universitetində təhsil alan hər bir tələbə, təhsil zamanı Fiziki Hazırlıq dərsləri çərçivəsində istədiyi idman növünə yazıla bilər. Bu dərslərdən əlavə, tələbələr universitet çərçivəsində və ya kənarda da idmanla məşqul ola bilərlər.^[10]