Duvr Atletik FK

Vikipediya, azad ensiklopediya
Jump to navigation Jump to search
Duvr Atletik FK
Duvr Atletik FK loqo.png
Klubun tam adı Duvr Atletik Futbol Klubu
Ölkə İngiltərə İngiltərə
Ləqəb(lər) Ağlar (ing. The Whites)[1]
Yaranma tarixi 1983[1]
Stadionu Krebbl Atletik stadionu[2]
Tutumu 5,745 (1,010 oturacaq sayı)[3]
Prezidenti Cim Parmenter[4]
Baş məşqçisi Kris Kinner
Liqa Milli liqa
2017–18 8
Rəsmi saytı
Commons-logo.svg Vikianbarda əlaqəli mediafayllar

"Duvr Atletik" FK (ing. Dover Athletic F.C.) — İngiltərənin Kent qraflığının Duvr şəhərini təmsil edən futbol klubu. Klub 1983-cü ildə, şəhərin əvvəlki təmsilçisi "Duvr"un dağılmasından sonra yaradılıb. "Duvr Atletik" 1989-1990 mövsümündə Cənub liqası çempionatının qalibi olsa da, Milli liqaya yüksələ bilməyib. Buna səbəb, klubun stadionunun tələb olunan standartlara uyğun gəlməməsi olub. Üç mövsüm sonra komanda yenidən Cənub liqasında qələbə qazanmış və bu dəfə Milli liqaya yüksələ bilmişdir. Klub burada doqquz mövsüm keçirdikdən sonra yenidən Cənub liqasına yuvarlanıb. "Duvr Atletik" 2008-ci ilin aprelində Birinci divizionun cənub çempionatının qalib olmuş və İstmiy liqasının premyer-divizionuna yüksəlmişdir. Klub növbəti il bu divizionun çempionatının qalibi olub və Cənub Milli liqasına yüksəlib. Komanda bu səviyyədə beş mövsüm keçirib. "Duvr Atletik" 2013-2014 mövsümündə yuxarı liqaya vəsiqə verən turnirin finalında "Ebbsflit Yunayted"i məğlub edərək turnirin qalibi olmuş və bununla da 2001-2002 mövsümündən bu yana ilk dəfə olaraq Milli liqaya yüksəlmişdir.

Komandanın oyunçuları adətən ağ formada çıxış etdiyindən Ağlar (ing. The Whites) ləqəbini daşıyırlar. Komanda yarandığı andan indiyədək ev oyunlarını Krebbl stadionunda keçirir. Klubun İngiltərə Kubokunda ən yaxşı çıxışı, 2010-11 və 2014-2015-ci illər mövsümlərində üçüncü mərhələyə çıxmaq olub. Komandanın Futbol assosiasiyası mükafatında (İngiltərənin yarıpeşəkar klublarının arasında keçirilən kubok turniri) ən yaxşı çıxışı, 1997-1998 mövsümündə yarımfinala çıxmaq olub.

Tarixi[redaktə | əsas redaktə]

"Duvr Atletik" futbol klubu 1983-cü ildə, şəhərin əvvəlki təmsilçisi "Duvr"un borclar üzündən dağılmasından sonra yaradılıb. "Duvr Atletik" Cənub Futbol liqasının birinci divizionunda dağılmış klubun — "Duvr"un yeri tutmuşdur.[2] Komandanın məşqçisi "Duvr"un sabiq oyunçusu Alan Cons olub. Yeni komandanın əsas hissəsini "Duvr"un ehtiyat oyunçuları təşkil edib.[5] "Duvr Atletik" 1984-1985 mövsümündə, yekun turnir cədvəlində yalnız sonuncudan əvvəlki yeri tuta bilib.[5][6] 1985-ci ilin noyabrında bir il əvvəl Alan Consu əvəzləyən komandanın baş məşqçisi Stiv Makrey istefaya göndərilib və onun yerinə Kris Kinner gətirilib.[5]

Piter Teylor 1990-cı illərin ortalarında qısa müddət ərzində kluba rəhbərlik edib.

Komanda Kris Kinnerin rəhərliyi altında Cənub Futbol liqasının birinci divizionunda yerini möhkəmlədə bilib. 1987-1988 mövsümündə isə yekun turnir cədvəlində birinci yeri tutaraq Premyer-divizionuna yüksəlib.[7] "Duvr Atletik" Premyer-divizionuna yaxşı başlayıb və mövsümü altıncı yerdə başa vurub. 1989-1990 mövsümündə isə divizionun qalibi olub və Milli liqaya çıxmaq imkanı qazanıb. Lakin Krebbl stadionunun bu liqada tələb olunan standartlara qədər modernləşdirilməsi üzrə işlər vaxtında başa çatdırılmadığından, klub liqaya buraxılmayıb.[2] Sonrakı iki mövsümdə müvafiq olaraq dördüncü və ikinci yerləri tutan komanda, 1992-1993 mövsümündə yenidən Milli liqanın qalibi olub. Bu dəfə iki il öncəkindən fərqli olaraq klubun Milli liqada iştirakına icazə verilib.[7]

"Duvr Atletik" Milli liqada ilk mövsümünü səkkizinci yerdə bitirib.[8] Növbəti mövsümdə klub liqada qalmaq uğrunda mübarizə aparıb. Komandanın pis nəticələr göstərməsi və şəxsi problemlər baş məşqçi Kris Kinneri istefa verməyə vadar edib.[5][9] Kinnerin əvəzinə baş məşqçi postuna Con Rayan gətirilib,[10] lakin komanda onun rəhbərliyi altında çox çıxış etməyib: "Duvr Atletik" 1995-1996 mövsümündə səkkiz oyunun yeddisində məğlub olduqdan sonra, Rayan istefaya göndərilib.[11] Komandanın növbəti məşqçisi İngiltərə yığmasının sabiq üzvü Piter Teylor olub. "Duvr Atletik" onun rəhbərliyi altında çempionatı 22 komanda arasında 20-ci yerdə bitirdiyindən aşağı liqaya düşəcəkdi.[12] Lakin, Premyer-divizionunda ikinci yeri tutan "Boston Yunayted" sənədləşdirmə işlərini vaxtında həll etmədiyindən, "Duvr Atletik" Milli liqadakı yerini qoruyub.[11]

1997-ci ildə baş məşqçi postunu Bill Uilyams tutub. Sonrakı illərdə o, klubun tarixində ən uğurlu məşqçilərindən biri kimi özünü doğruldub. Onun sayəsində "Duvr Atletik" 1997-1998 mövsümündə Futbol assosiasiyası mükafatında yarımfinala yüksəlib, 1999-2000 mövsümündə isə Milli liqada altıncı yeri tutub.[7][13] 2001-ci ildə Uilyams komandanı tərk edib, O, "Duvr Atletik"in Milli liqada rəqibi olan "Kinqstonian" komandasına keçib.[13] Bu dönəmdə "Duvr"un ciddi maliyyə çətinlikləri yaranıb — klubun borcları 100 000 funtu ötüb. 2001-ci ilin oktyabrında "Duvr Atletik"in idarə heyəti istefa verib.[14] Yeni təyin olunmuş baş məşqçi Qeri Bellami işə başladıqdan altı ay sonra istefaya göndərilib.[15][16] Onun əvəzinə baş məşqçi vəzifəsinə "Everton"un və Uels millisinin sabiq qapıçısı Nevill Sautoll təyin olunub. Lakin o da bu vəzifədə çox qala bilmədi və cəmi üç aydan sonra istefaya göndərildi. 2002-ci ilin martında Klayv Uoker "Duvr Atletik"in yeni baş məşqçisi təyin olunub. O, klubun "sükanı arxasına" keçdiyi zaman komanda turnir cədvəlinin aşağı hissəsində qərarlaşmışdı.[17] Nəticədə klub mövsümü sonuncu yerdə bitirib və Cənub liqasının premyer-divizionuna yuvarlanıb.[18]

"Duvr Atletik" Milli liqanı tərk etdikdən sonra premyer-divizionunda keçirdiyi ilk mövsümü, çempion "Tamuort"dan 17 xal geri qalaraq üçüncü pillədə başa vurub.[19] Pis start üzündən növbəti mövsümdə Klayv Uokeri baş məşqçi postunda Riçard Lenqli əvəzləyib.[20] "Duvr Atletik" 2003-2004 mövsümünü 19-cu pillədə bitirib və İstmiy liqasının premyer-divizionuna düşüb.[7] Yeni mövsüm altı oyunluq ardıcıl məğlubiyyət seriyası ilə başladığından baş məşqçi Riçard Lenqli istefaya göndərilib.[21] "Duvr Atletik" mövsümün nəticələrinə görə yenidən aşağı liqaya (İstmiy liqasının birinci divizionu) düşüb.[7] Komandanın maliyyə problemləri dərinləşirdi və klubun dağılma təhlükəsi də yaranmışdı,[22] lakin 2005-ci ilin yanvarında komandaya "Duvr Atletik"in sabiq direktoru Cim Parmenter qayıdıb. O, klubun maliyyə məsələlərini öz üzərinə götürən birliyə rəhbərlik edib.[23] Parmenter komandanın məşqçisi vəzifəsinə təyin olunan Stiv Braunu istefaya göndərib və onun əvəzinə klubun sabiq məşqçisi Klayv Uokeri yenidən "Duvr Atletik"in "sükanı arxasına" gətirib.[24]

"Duvr Atletik" (ağ futbolkalarda) "Steyns Taun"a qarşı. 16 mart, 2009-cu il.

"Duvr Atletik" 2005-2006 mövsümünü beşinci yerdə bitirdiyindən pley-off oyunlarında iştirak etmək hüququ qazanıb, lakin bu mərhələdə "Tonbric Eyncels" klubuna məğlub olub.[25] Növbəti mövsümdə "Duvr Atletik" yenidən pley-off oyunlarında iştirak etmək hüququ qazanıb, lakin bu dəfə yarımfinalda "Hastinqs Yunayted" klubuna məğlub olub. Bundan sonra komandanın baş məşqçi Klayv Uoker ilə müqavilə müddəti uzadılmayıb və onun yerinə "Cillingem"in keçmiş məşqçisi Endi Hessentaller təyin olunub.[4] Hessentaller yeni klubda ilk mövsümündə "Duvr Atletik"i İstmiy liqasının birinci cənub divizionunda qələbəyə daşıyıb və onu Premyer-divizionuna çıxarıb.[26] "Duvr Atletik" növbəti mövsümdə çempionatda növbəti qələbəsini qazanıb və Cənub Milli Liqasına yüksəlib.[27] 2009-2010 mövsümündə "Duvr Atletik" Milli liqaya yüksəlmək imkanı verən pley-off oyunlarında iştirak etmək hüququ qazansa da, yarımfinalda "Uokinq"ə məğlub olub.[28] Növbəti mövsümündə "Duvr Atletik" İngiltərə Federasiya Kubokunun üçüncü mərhələsinə qədər yüksəlməyi bacarıb. Birinci mərhələdə "Cillingem"i, ikinci mərhələdə isə "Olderşot Taun"u məğlub edən "Duvr Atletik", üçüncü mərhələdə "Haddersfild Taun"a məğlub olub.[29][30] 2012-2013 mövsümündə "Duvr Atletik" yenidən pley-off oyunlarında iştirak hüququ qazansa da, finalda "Solsberi Siti" klubuna məğlub olub.[31] "Duvr Atletik" 2013-2014 mövsümündə Cənub liqasını beşinci yerdə bitirərək üçüncü dəfə Milli liqaya yüksəlmək imkanı verən pley-off oyunlarında iştirak hüququ qazanıb. 10 may 2014-cü ildə "Ebbsflit Yunayted"ə qarşı keçirilən görüşün ikinci hissəsində Natan Elderin vurduğu qol, "Duvr Atletik"ə finalda qələbə qazandırıb. Bununla da komanda 2001-2002 mövsümündən bu yana ilk dəfə olaraq Milli liqaya yüksəlib.[32] Klub İngiltərə Federasiya Kubokunun 2014-2015 mövsümündə bu turnirdə özünün ən yaxşı nəticəsini təkrarlayıb: Kubokun birinci mərhələsində 1:0 hesabı ilə "Morkam" məğlub edilib, ikinci mərhələdə "Duvr Atletik" eyni hesabla "Çeltnem Taun"a qalib gəlib, üçüncü mərhələdə komanda Premyer Liqa təmsilçisi Kristal Palas tərəfindən 0:4 hesabı ilə darmadağın edilib.[33][34] 2015-2016 mövsümündə "Duvr Atletik" İngiltərə ikinci liqasına yüksəlmək imkanı verən pley-off oyunlarında iştirak hüququ qazansa da,[35] iki matçın nəticəsinə görə yarımfinalda "Forest Qrin Rovers" komandasına məğlub olub.[36]

Klubun rəngləri və emblemi[redaktə | əsas redaktə]

"Duvr Atletik" klubunun ənənəvi rəngləri qaradır,[37] eyni rəngli formalardan daha əvvəllər "Duvr" klubunun oyunçuları istifadə edirdilər.[38] Klub səfər oyunlarında müxtəlif vaxtlarda qırmızı, sarımavi rəngli formalardan istifadə edib.[37][1] "Duvr Atletik"in emblemində dairə içərisində klubun adı və şəhərin iki ən məşhur görməli yeri təsvir olunub: Duvr qalasıDuvrun ağ qayaları. Müxtəlif vaxtlarda "Criccieth Homes", "Hoverspeed", "SeaFrance" və başqaları klubun sponsorları olmuş və onların reklamları klubun futbolkalarında əks olunmuşdur.[1][37][39]

Stadionu[redaktə | əsas redaktə]

Azarkeşləri[redaktə | əsas redaktə]

Statistika və rekordları[redaktə | əsas redaktə]

Heyəti[redaktə | əsas redaktə]

Məşqçiləri[redaktə | əsas redaktə]

Uğurları[redaktə | əsas redaktə]

Rəqabət[redaktə | əsas redaktə]

İstinadlar[redaktə | əsas redaktə]

  1. 1 2 3 4 Williams, Tony (2007). Non-League Club Directory 2007. Tony Williams Publications Ltd. səh. 515. ISBN 1-869833-55-4. (#parameter_ignored)
  2. 1 2 3 "Дувр Атлетик ФК". Pyramid Passion. 2013-08-30 tarixində orijinalından arxivləşdirilib. İstifadə tarixi: 2013-08-07.
  3. Stuart Croll (2007-09-25). "Ground of the Week: The Crabble Stadium". BBC. 2013-08-30 tarixində orijinalından arxivləşdirilib. İstifadə tarixi: 2013-08-07.
  4. 1 2 "Hessenthaler named Dover manager". BBC. 2007-05-29. İstifadə tarixi: 2013-08-07.
  5. 1 2 3 4 "John Husk". Dover Athletic F.C. 2013-08-30 tarixində orijinalından arxivləşdirilib. İstifadə tarixi: 2013-08-07.
  6. "England – Southern League Final Tables". RSSSF. 2005-07-04. 2013-08-30 tarixində orijinalından arxivləşdirilib. İstifadə tarixi: 2013-08-07.
  7. 1 2 3 4 5 "Dover Athletic". The Football Club History Database. 2013-08-30 tarixində orijinalından arxivləşdirilib. İstifadə tarixi: 2013-08-07.
  8. "Football Conference 1993–94". The Football Club History Database. 2013-08-30 tarixində orijinalından arxivləşdirilib. İstifadə tarixi: 2013-08-08.
  9. Rupert Metcalf (1995-01-13). "NON-LEAGUE FOOTBALL: Stamco ready to ride the hard road". London: The Independent. İstifadə tarixi: 2013-08-08.
  10. Rupert Metcalf (1995-02-17). "Sittingbourne net Lovell". London: The Independent. İstifadə tarixi: 2013-08-08.
  11. 1 2 "Football: Taylor's a fast mover". The Argus. 2000-11-15. 2013-08-30 tarixində orijinalından arxivləşdirilib. İstifadə tarixi: 2013-08-08.
  12. "Football Conference 1995–96". The Football Club History Database. 2013-08-30 tarixində orijinalından arxivləşdirilib. İstifadə tarixi: 2013-08-08.
  13. 1 2 "Bill Williams Resigns". Dover Athletic F.C. 2001-05-14. 2013-08-30 tarixində orijinalından arxivləşdirilib. İstifadə tarixi: 2013-08-10.
  14. "Dover appoint Southall". BBC. 2001-12-18. İstifadə tarixi: 2013-08-10.
  15. Harling, Nicholas (2001-11-01). "Nationwide Conference: Dover on the brink". London: The Daily Telegraph. İstifadə tarixi: 2013-08-10.
  16. Luscombe, Richard (2001-11-11). "Nationwide Conference: Dover win lifts gloom". London: The Daily Telegraph. İstifadə tarixi: 2013-08-10.
  17. "Dover appoint Walker". BBC. 2002-03-13. İstifadə tarixi: 2013-08-10.
  18. "Football Conference 2001–02". The Football Club History Database. 2013-08-30 tarixində orijinalından arxivləşdirilib. İstifadə tarixi: 2013-08-10.
  19. "Southern League 2002–03". The Football Club History Database. 2013-08-30 tarixində orijinalından arxivləşdirilib. İstifadə tarixi: 2013-08-10.
  20. "Walker goes at Dover". Non-League Daily. 2003-10-29. 2013-08-30 tarixində orijinalından arxivləşdirilib. İstifadə tarixi: 2013-08-10.
  21. Simon Wigmore (2004-09-13). "Kemp bows to pressure over Langley". London: Daily Telegraph. İstifadə tarixi: 2013-08-10.
  22. "Club must raise £48,000 or close". BBC. 2004-11-25. İstifadə tarixi: 2013-08-10.
  23. Justin Allen (2005-01-06). "Jim's Takeover Bid Confirmed". Dover Athletic F.C. 2013-08-30 tarixində orijinalından arxivləşdirilib. İstifadə tarixi: 2013-08-10.
  24. "Whites are Clive and kicking". Dover Athletic F.C. 2005-01-17. 2013-08-30 tarixində orijinalından arxivləşdirilib. İstifadə tarixi: 2013-08-10.
  25. "Club History". Tonbridge Angels F.C. December 18, 2007 tarixində orijinalından arxivləşdirilib. İstifadə tarixi: 2008-02-05.
  26. "Dover ease to Ryman South title". BBC. 2008-04-05. İstifadə tarixi: 2013-08-10.
  27. Howard, Tom (2009-03-28). "Dover Athletic crowned Ryman Premier champions". Eastern Daily Press. 2013-08-30 tarixində orijinalından arxivləşdirilib. İstifadə tarixi: 2013-08-10.
  28. "Football Conference 2009–2010". The Football Club History Database. 2013-08-30 tarixində orijinalından arxivləşdirilib. İstifadə tarixi: 2013-08-19.
  29. Pritchard, David (2010-11-06). "Dover dump ailing Gills out of FA Cup". Eastern Daily Press. 2013-08-30 tarixində orijinalından arxivləşdirilib. İstifadə tarixi: 2013-08-10.
  30. "Dover 2 – 0 Aldershot". BBC News. 2010-11-27. 2013-08-30 tarixində orijinalından arxivləşdirilib. İstifadə tarixi: 2013-08-10.
  31. "Blue Square Bet South play-offs: Salisbury promoted". BBC News. 2013-05-12. 2013-08-30 tarixində orijinalından arxivləşdirilib. İstifadə tarixi: 2013-08-10.
  32. "Dover promoted to Conference after Ebbsfleet play-off victory". BBC News. 2014-05-10. İstifadə tarixi: 2016-10-29. (#parameter_ignored)
  33. "Cheltenham Town 0:1 Dover Athletic". BBC News. 2014-12-07. İstifadə tarixi: 2016-10-29. (#parameter_ignored)
  34. "Dover Athletic 0:4 Crystal Palace". BBC News. 2015-01-04. İstifadə tarixi: 2016-10-29. (#parameter_ignored)
  35. "Dover Athletic 0:1 Forest Green Rovers". BBC News. 2016-04-30. İstifadə tarixi: 2016-10-29. (#parameter_ignored)
  36. "Forest Green Rovers 1:1 Dover Athletic". BBC News. 2016-05-07. İstifadə tarixi: 2016-10-29. (#parameter_ignored)
  37. 1 2 3 Matthew Clements (2007-01-08). "SeaFrance on board". Dover Athletic F.C. 2013-08-30 tarixində orijinalından arxivləşdirilib. İstifadə tarixi: 2013-08-10.
  38. "Team Photos". The History of Dover Football Club. 2013-08-30 tarixində orijinalından arxivləşdirilib. İstifadə tarixi: 2013-08-10.
  39. "New sponsor deal for Dover". BBC. 2000-07-25. İstifadə tarixi: 2013-08-10.

Xarici keçidlər[redaktə | əsas redaktə]