Duvr

Vikipediya, açıq ensiklopediya
Jump to navigation Jump to search
Qəsəbə
Picto infobox map.png
Duvr
ing. Dover
Dover from air.jpg
Duvr limanının aereal görüntüsü

51°7′39″N 1°18′44″E / 51.12750°N 1.31222°E / 51.12750; 1.31222Koordinatlar: 51°7′39″N 1°18′44″E / 51.12750°N 1.31222°E / 51.12750; 1.31222


Ölkə Flag of the United Kingdom.svg Böyük Britaniya
Statistik region İngiltərə
Rayon Kent
Rayon [[Duvr]]
Rayon [[Duvr]]
Əvvəlki adıDubris
Sahəsi10,2 km2
İqlimiRütubətli, yağıntılı və buludlu
Saat qurşağıUTC±0
Əhalisi43,806[1] nəfər (2016)
Sıxlığı4,283 nəf./km²
Milli tərkibiingilislər, irlandiyalılar, ərəblər
EtnoxronimDuvrlı
Rəsmi diliingilis dili
Telefon kodu01304
Poçt indeksiDOVER
Rəsmi saytWhiteCliffsCountry.org.uk  (ing.)
Xəritə
Duvr — yerləşdiyi ərazi Böyük Britaniya
Duvr
Duvr — yerləşdiyi ərazi İngiltərə
Duvr
VikiAnbarda Commons-logo.svg əlaqəli mediafayllar
Vikidatada redaktə et: Vikidatada redaktə et

Duvr (ing. Dover [ˈdoʊvər]fr. Douveres, lat. Dubris) — Böyük Britaniyanın Kent qraflığında liman qəsəbə və eyniadlı rayonun inzibati mərkəzi. Qəsəbə Duvr boğazının (və ya Pa-de-Kale boğazı) sahilində, Kenterberi şəhərinin cənub-şərqində, Meydston qəsəbəsinin şərqində və Hastinqs qəsəbəsinin şimal-şərqində yerləşir. Qəsəbənin sahilində yerləşən təbaşir uçurumlar "Duvrın Ağ Uçurumları" adlanır.

Qəsəbənin strateji mövqeyi tarixi boyu bəllidir. Arxeoloji tapıntılar ərazinin Britaniyaya daxil olan və tərk edən xalqlar üçün vacib olduğunu aşkar etmişdir. Qəsəbənin adı Daur çayından gəlir. Arxeoloji tapıntılar qəsəbənin daş dövründən bəri əhaliyə malik olduğunu sübut edir. Duvr Britaniyadakı fransız dilində qarşılığı olan bir neçə yaşayış məntəqələrindən biridir.

Duvrda bir hərbi kazarma var idi. Bu kazarma 2007-ci ildə bağlanmışdır.[2] Qəsəbədəki bərə servislərinin çoxunun tənəzzül olmasına baxmayaraq, Duvr limanı ilə əlaqədar olan işlər qəsəbənin məğulluğunun əksəriyyətini təşkil edir. Limanı özəlləşdirmə layihəsi 2012-ci ildə ləğv edilmişdir. Bunun səbəbi layihəyə olan yerli müxalifət idi.[3]

Etimologiya[redaktə | əsas redaktə]

İlk dəfə latınlaşmış formasında (Portus Dubris) qeyd edilmiş Duvr adı, Britan dilində sular (Şablon:Lang-wlmkorn dowr)[4] mənasını verən bir sözdən gəlir. Həmin element qəsəbə adının fransız (Douvres) və müasir vall dilindəki (Dofr) formalarında mövcuddur.

Qəsəbənin müasir adı Uilyam Şekspirin "Kral Lir" (16031606) əsərindən bəri istifadə edilir. Duvra su vasitəsilə səyahət edən zaman görünən ağ rəngli uçurumlar Britaniya adasının qədim zamanlarda "Albion" adlandırılmasının səbəbi ola bilər.

Tarix[redaktə | əsas redaktə]

Əsas məqalə: Duvr tarixi
Duvr qalasının Kasl-stritdən görünüşü.
Duvrdakı bir küçənin köhnə şəkli (təx. 1860).

Duvr tarix boyu Fransaya olan qısa məsafəsinə görə Britaniya üçün önəmli bir yaşayış məntəqəsi olmuşdur. Arxeoloji tapıntılar bu ərazidə daş dövrü insanlarının yaşadığı sübut edir. Tunc dövründə məntəqədə dəniz nəqliyyatı böyük əhəmiyyət kəsb edirdi. Ərazidə bəzi dəmir dövrünə aid tapıtılar da mövcuddur. Romalıların Duvra gəlməsi ilə məntəqə Roma İmperiyasının kommunikasiya şəbəkəsinin əhəmiyyətli bir parçası olmuşdur. Roma dövründə məntəqənin adı "Portus Dubris" olmuşdur. Məntəqə Roma hakimiyyəti dövründə liman qalası olmuşdur. Limanın üzərində tikilən qalalar, gəmilərə bələdçilik edən mayaklar və Britaniyadakı ən yaxşı qorunan Roma villaları Duvrda idi.

Duvr "Qiyamət günü kitabı"nda əhəmiyyətli bir şəhərcik olaraq təsvir edilmişdir. Məntəqə fərqli-fərqli hücumçulara qarşı möhkəm bir dayaq olmuşdur. Duvr orta əsrlərbeşlik limanlarının paytaxtı olmuşdur.

Coğrafiya və iqlim[redaktə | əsas redaktə]

Duvr qəsəbəsi DilFolkston qəsəbələri arasında olub, Böyük Britaniyanın cənub-şərqi küncündə yerləşir. Qəsəbə ilə Fransanın Kale şəhərinin yaxınlığında yerləşən Qris-Nyo burunu arasındakı məsafə sadəcə 34 kilometrdir. Qəsəbə Daur çayının vadisində yerləşir. Duvr körfəzi demək olar ki, dalğalarla əhatə olunmuşdur. Qəsəbənin iqlim təsnifatı dəniz iqlimidir (Koppen təsnifatı ilə Cfb). Qəsəbədə qeydə alınmış ən yüksək istilik dərəcəsi 31 °C (88 °F), ən soyuq istilik dərəcəsi isə −8 °C-dir (18 °F). Məntəqənin orta illik yağıntısı təxminən 570 mm-dir.

Demoqrafiya[redaktə | əsas redaktə]

Eduard Hastedin (1732–1812) verdiyi məlumata əsasən, Böyük Britaniyanın ilk ümummilli əhali siyahıyaalmasından bir il əvvəl, 1800-cü ildə Duvr qəsəbəsində 10,000 nəfərə yaxın insan yaşayırdı.[5]

2001-ci ildə keçirilən əhali siyahıyaalmasına əsasən, Duvr qəsəbəsində 28,156 nəfər yaşayırdı, halbuki Milli Statistika İdarəsinin verdiyi məlumata əsasən, Duvrun bütün urbanistik əhalisi 39,078 nəfər idi.[6] Duvrun gənişləməsi ilə ucqar kəndlər qəsəbə ilə birləşmişdir. Müqəddəs Məryəm, Müqəddəs Ceyms, Baklend və Çarlton icmaları qəsəbə ilə birləşmişdir.

2016-cı ildə qəsəbədə 43,806 nəfər yaşayırdı. Bunların 21,921 nəfəri (50%) kişi, 21,885 nəfəri (50%) isə qadın idi. Qəsəbə əhalisinin 22,5%-i (9,858) 0-17 yaşlılardan, 59,5%-i (26,074) 18-64 yaşlılardan, 18%-i (7,874) isə 65 yaşdan yuxarı olanlardan ibarət idi. Qəsəbə əhalisinin əksəriyyəti ağdərili britaniyalılardan ibarət idi. Duvr əhalisinin əksəriyyətinin protestant xristian (67,5%; 26,062 nəfər) olmasına baxmayaraq, əhəmiyyətli bir dinsiz əhalisi var. Qəsəbədə xristiandizsizlərdən başqa, müsəlmanlar, hindular, buddaçılar, siqhlər və yəhudilər də var.[1]

Tanınmış şəxslər[redaktə | əsas redaktə]

Əsas məqalə: Duvrlıların siyahısı

Ədəbiyyatda[redaktə | əsas redaktə]

Monteqyu Rods Ceyms Duvrın tarixi binası olan "Lord Warden Hotel"dən ilk dəfə 1911-ci ildə "Daha çox ruh hekayələri" kitabında nəşr olunan "Ryonları tökmək" qısa ruh-mövzulu əsərinin əsas mövqeyi olaraq istifadə etmişdir.

Qardaş şəhərlər[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 "DOVER". https://www.citypopulation.de/php/uk-england-southeastengland.php?cityid=E34004398. İstifadə tarixi: 10 yanvar 2018.
  2. "Barracks leave Army legacy behind". http://news.bbc.co.uk/1/hi/england/kent/4790512.stm.
  3. Niyt, Rupert (20 dekabr 2012). "White cliffs of Dover: locals repel buyout by the French". The Guardian. https://www.theguardian.com/world/2012/dec/20/white-cliffs-dover-buyout. İstifadə tarixi: 21 noyabr 2017.
  4. "English Words" (en). cornishdictionary.org.uk. http://www.cornishdictionary.org.uk/english-wordz?populate=water. İstifadə tarixi: 2018-01-04.
  5. "Hasted description of Dover". British-history.ac.uk. 29 yanvar 1998. http://www.british-history.ac.uk/report.aspx?compid=63592. İstifadə tarixi: 26 avqust 2011.
  6. "KS01 Usual resident population: Census 2001, Key Statistics for urban areas". National Statistics. Arxivləşdirilib: [1] saytından 11 mart 2005 tarixində. https://web.archive.org/web/20050311050212/http://www.statistics.gov.uk/statbase/ssdataset.asp?vlnk=8271&More=Y. İstifadə tarixi: 8 iyun 2007.
  7. "British towns twinned with French towns via [WaybackMachine.com"]. Archant Community Media Ltd. Arxivləşdirilib: [2] saytından 5 iyul 2013 tarixində. https://web.archive.org/web/20130705094933/http://www.completefrance.com/language-culture/twin-towns. İstifadə tarixi: 20 iyul 2013.
  8. "Gradovi prijatelji Splita" (Croatian). Grad Split [Split Official City Website]. Arxivləşdirilib: [3] saytından 24 mart2012 tarixində. https://web.archive.org/web/20120324035937/http://www.split.hr/Default.aspx?sec=526. İstifadə tarixi: 19 December 2013.

Biblioqrafiya[redaktə | əsas redaktə]

  • Statam, S.P.H. (1899). The history of the castle, town, and port of Dover. London: Longmans Green & Co, 462 p..
  • Fut, Uilyam (2006). Beaches, fields, streets, and hills ...: the anti-invasion landscapes of England, 1940, CBA research report 144. York: Council for British Archaeology. ISBN 1-902771-53-2.

Xarici keçidlər[redaktə | əsas redaktə]

Vikianbarda Duvr ilə əlaqəli mediafayllar var.