Elşən Həşimov

Vikipediya, azad ensiklopediya
Jump to navigation Jump to search
Elşən Həşimov
Doğum yeri

Həşimov Elşən Qiyas oğlu (, Lənkəran rayonu) — milli təhlükəısizlik və hərbi elmlər doktoru (2019), professor (2017).

Həyatı[redaktə | əsas redaktə]

Elşən Həşimov 02 noyabr 1970-ci ildə Lənkəran rayonunun Boladi kəndində anadan olmuşdur. 1988–ci ildə Boladi kənd orta məktəbini bitirmişdir[1]. Xarkov şəhərində yerləşən Raket Qoşunlarının Ali Hərbi Komandirlər-Mühəndislər Məktəbinə daxil olmuşdur. 1992-ci ildə Ukrayna Silahlıqüvvələrində aparılan struktur islahatlarından sonra təhsilini Xarkov Hərbi Universitetində davam etdirmiş və 1994-cü ildə oranı “qızıl medalla” və fərqlənmə (qırmızı) diplomu ilə bitirmişdir. Rəisləri onu buraxılışdan sonra Universitetin adyunkturasında (aspiranturada) saxlamaq istəsələr də, o, imtina etmiş, qoşunlarda – raket diviziyasında xidmət etmişdir. 1995-ci ildə qəbul imtahanlarını əla qiymətlərlə verərək əyani adyunkturaya qəbul edilmiş, 1998-ci ildə oranı müvəffəqiyyətlə bitirərək həmin Universitetin müəllimi kimi xidmətini davam etdirmişdir. 1998-ci ilin dekabrında dissertasiya işini müvəffəqiyyətlə müdafiə etmiş, Ukrayna Ali Attestasiya Komissiyası tərəfindən “texnika elmləri namizədi” alimlik dərəcəsinə və diplomuna layiq görülmüşdür.

1999-cu ildə Ukrayna Silahlı qüvvələrində müqavilə müddəti bitdikdən sonra məktubla Azərbaycan Respublikasının prezidenti, Ümimmilli lider Heydər Əliyevə müraciət etmiş, Vətəndə xidmət etmək arzusunda olduğunu bildirmişdir. Ali Baş Komandanın tövsiyəsi ilə Vətənə qayıtmış, dərhal da Hərbi Ali Məktəbdə xidmətə başlamışdır. 2002-ci ildən Ali Hərbi Məktəbdə kafedra rəisinin müavini, 2007-ci ildən kafedra rəisinin vəzifələrini icra etmişdir.

2010-cu ildə “Dosent” elmi adına layiq görülmüşdür.

2013-cü ildə Müdafiə Nazirliyi rəhbərliyinin tövsiyyəsi ilə Silahlı Qüvvələrin Hərbi Akademiyasında elmi və elmi-pedaqoji kadrların hazırlanması məqsədilə Adyunkturanın yaradılması üçün Hərbi Akademiyaya ezam olunmuş, 2014-cü ilin mart ayından orada yaradılmış Adyunktura və elm şöbəsində dosent vəzifəsində, avqust ayından isə həmin şöbənin rəisi vəzifəsində xidmətini davam etdirmişdir. 24 dekabr 2014-cü ildə polkovnik rütbəsi almışdır.

2015-ci ilin yanvar ayında Adyunkturada elmlər doktoru hazırlığı üzrə təhsil almağa başlamışdır.

2017-ci ilin iyun ayında "Professor" elmi adına layiq görülmüşdür.

2017-ci ilin sonunda elmi tədqiqat işlərini tamamlayaraq dissertasiya işini müdafiə üçün təqdim etmişdir. Dissertasiya işini 2018-ci ilin noyabr ayında müdafiə etmiş, 02 iyul 2019-cu il tarixində Azərbaycan elmi tarixində ilk dəfə olaraq Milli təhlükəsizlik və hərbi elmlər doktoru diplomu almışdır.

Xaricdə və respublikanın dövri mətbuatında mütəmadi olaraq elmi və elmi-metodiki məqalələri ilə çıxış edir. Dərc edilmiş 160-dan çox elmi məqalənin, dərslik və metodiki vəsaitlərin, o cümlədən 4 monoqrafiyanın (onlardan 2 - xaricdə) və 1 patentin müəllifidir. Xaricdə dərc edilmiş 20-dən çox məqalənin 10 indeksləşdirilmiş jurnallarda çıxmışdır.

Hazırda "Milli təhlükəsizlik və hərbi elmlər" və "Hərbi icmal" jurnallarının baş redaktoru, "Hərbi bilik" jurnalının məsul katibidir. Bir sıra xarici jurnalların redaksiya heyətinin üzvüdür.

Ailəlidir, iki qızı vardır.

İstinadlar[redaktə | əsas redaktə]