Elşad Qoca

Vikipediya, azad ensiklopediya
Jump to navigation Jump to search
Elşad Qoca
Elşad Qoca.jpg
Doğum tarixi 2 may 1959 (1959-05-02) (60 yaş)
Doğum yeri Qərbi Azərbaycanın İncəsu rayonunun (indiki Ermənistan, Noyemberyan) Yuxarı Körpülü kəndi
Milliyyəti azərbaycanlı
Fəaliyyəti ədəbiyyat, publisistika və elmi-tarixi araşdırma işi

Elşad Qoca — yazıçı, publisist, tərcüməçi və tədqiqatçı jurnalist.

Həyatı[1][redaktə | əsas redaktə]

Elşad Qoca oğlu İsayev - 1959-cu ilin may ayının 2-də Qərbi Azərbaycanın (indiki Ermənistan, Noyemberyan) İncəsu rayonunun Yuxarı Körpülü kəndində müəllim ailəsində doğulub.

Əmək fəaliyyəti[redaktə | əsas redaktə]

1976-1977-ci illərdə Yuxarı Körpülü kəndində fəhlə işləyib.

Təhsili[redaktə | əsas redaktə]

1966-1976-cı illərdə Yuxarı Körpülü kənd orta məktəbində oxumuşdur. 1977-1982-ci illərdə indiki Bakı Dövlət Universitetinin (keçmiş ADU) jurnalistika fakültəsini bitirib.

Hərbi xidmət[redaktə | əsas redaktə]

1982-1984-cü illərdə leytenant rütbəsində sovetlər birliyinin Sibir və Ural Hərbi Dairələrində vzvod komandiri, rota komandirinin müavini vəzifələrində hərbi xidmət keçib. Bir müddət həmin dairələrin "Boyevoye Znamya" və "Sovetskiy voin" qəzetləri ilə hərbi müxbir kimi yaxından əməkdaşlıq edib.

Uzun illər dövlət təhlükəsizliyi orqanlarında xidmət edib.

Azərbaycan Vətən müharibəsi veteranıdır.

Jurnalist fəaliyyəti[redaktə | əsas redaktə]

Əmək fəaliyyətinə "Kənd həyatı" jurnalında (1984-88-ci illər) müxbir kimi başlayıb.

1988-1990-cı illərdə "Pioner" (indiki "Günəş") jurnalında korrektor, ədəbi işçi vəzifələrində çalışıb.

1990-1991-ci illərdə "Səhər" qəzetinin müxbiri olub.

1991-1992-ci illərdə Azərbaycan Gənc Publisistlər və Poliqrafçılar Cəmiyyətində mədəni əlaqələr direksiyasının direktoru vəzifəsində işləyib.

Döyüş bölgələrindən yazdığı reportajlara görə Respublika Həmkarlar İttifaqının təsis etdiyi mükafata layiq görülüb.

Ədəbi fəaliyyəti[redaktə | əsas redaktə]

İlk mətbu əsərləri "Pioner" (indiki "Günəş"), "Göyərçin", "Mərhəmət", "Kirpi", "Azərbaycan qadını" jurnallarında, "Sovet Ermənistanı", "Sovet kəndi", "Molodyoj Azerbaydjana", "Vışka", "Sərhəd" qəzetlərində və "Vətən nəğməsi" almanaxında dərc olunub. Bəzi hekayələri rus və özbək dillərinə tərcümə edilib.

"Azərbaycanfilm" kinostudiyasının dublyaj redaksiyası ilə yaxından əməkdaşlıq etmiş, bir sıra bədii-kütləvi filmləri, o cümlədən uşaqların böyük maraqla baxdığı "Lenfilm"in istehsal etdiyi məşhur "Bumbo da gəldi" filmini dilimizə çevirmişdir.

İctimai fəaliyyəti və üzvlüyü[redaktə | əsas redaktə]

1986-cı ildən Azərbaycan Jurnalistlər Birliyinin, 1999-cu ildən Azərbaycan Yazıçılar Birliyinin üzvü.

"Günəş" uşaq jurnalının redaksiya heyətinin üzvü.

"Hərbi mövzular üzrə ixtisaslaşmış Jurnalistlər" İctimai Birliyinin İdarə Heyətinin üzvü.

Azərbaycan Yazıçılar Birliyinin hərbi vətənpərvərlik komissiyasının üzvü.

Ailə vəziyyəti[redaktə | əsas redaktə]

Ailəlidir, 2 övladı, 4 nəvəsi var.

Kitabları[redaktə | əsas redaktə]

  • "Oğlum mənim, arxam mənim", (1998), nəsr-tərcümə kitabı, Bakı, "Şuşa" nəşriyyatı, 168 səhifə, 1000 nüsxə.
  • "Cəllad etirafı" (1999), publisistika, Bakı, "Azərbaycan" nəşriyyatı, 232 səhifə, 500 nüsxə.
  • "Sibir dərsi" (2000), publisistika, Bakı, "Şuşa" nəşriyyatı, 320 səhifə, 1000 nüsxə.
  • "Azərbaycan təhlükəsizlik və xüsusi xidmət orqanları", (2000), elmi-publisistik və tarixi kitab, Bakı, "Şuşa" nəşriyyatı, 144 səhifə, 500 nüsxə.
  • "Tariximiz və taleyimiz", (2001), elmi-publisistik və tarixi kitab, Bakı, "Şuşa", nəşriyyatı, 176 səhifə, 500 nüsxə.
  • "Azərbaycan xüsusi xidmətləri", (2004), miniatür kitab, Bakı, "Şuşa" nəşriyyatı, 208 səhifə, 500 nüsxə.
  • "Azərbaycan kəşfiyyatı və əks-kəşfiyyatı", (2018), tarixi-məlumat kitabı, Bakı, "Elgün" nəşriyyatı, 88 səhifə (azərbaycan, rus və ingilis dillərində), 500 nüsxə.
  • "Yüz ilin işığında", (2018), tarixi-publisistik kitab, Bakı, DTX-nın nəşriyyat-poliqrafiya mərkəzi, 152 səhifə, 500 nüsxə.
  • "Körpülüyə gəlirəm", (2018), tarixi-publisistik kitab, "Şuşa" nəşriyyatı, 68 səhifə, 500 nüsxə.

Tərcümə kitabı[redaktə | əsas redaktə]

  • "Gizli xidmətin sirləri" (rus dilindən tərcümə), (2001), Bakı, "Şuşa" nəşriyyatı, 208 səhifə, 500 nüsxə.


Haqqında yazılanlar[redaktə | əsas redaktə]

Q.Əziz İki "əla" qanadında, "525-ci qəzet" (02.05.2014)

İstinadlar[redaktə | əsas redaktə]