Elmira Əmrahqızı

Vikipediya, açıq ensiklopediya
Jump to navigation Jump to search
Elmira Əmrahqızı
Elmira Əmrahqızı.jpg
Doğum tarixi 24 sentyabr 1952(1952-09-24)
Doğum yeri Ağstafa
Vəfat tarixi 27 fevral 1998 (45 yaşında)
Vəfat yeri Bakı şəhəri
Dəfn yeri II Fəxri Xiyaban
Atası Əmrah
Peşəsi jurnalist
Milliyyəti azərbaycanlı
Fəaliyyəti jurnalist

Elmira Əmrahqızı - Tanınmış Azərbaycan jurnalisti, “Azadlıq” radiosunun Bakı nümayəndəliyinin rəhbəri (1993-1998), "Qızıl qələm" mükafatı laureatı. “Həsən Bəy Zərdabi” və “İlin qadını” mükafatlarına layiq görülüb.

Həyatı[redaktə | əsas redaktə]

Elmira Əmrah qızı Əhmədova 24 sentyabr 1952-ci ildə Ağstafa şəhərində anadan olub. 1958-ci ildə 24 saylı Dəmiryolu məktəbinə gedib. 1962-ci ildə məktəbi dəyişərək təhsili 1 saylı orta məktəbdə davam edib.

1969-1974-cü illərdə Azərbaycan Dövlət Universitetinin ( indiki Bakı Dövlət Universiteti) Jurnalistika fakültəsində təhsil alıb.

1974-cü ildə Azərbaycan Dövlət Televiziya və Radio Verilişləri Komitəsinin Proqramların tərtibi şöbəsində işləyib.

“Bakı”, “Baku”, “Nezavisimaya qazeta” “Azərbaycan gəncliyi”, “Ulduz”, “Azərbaycan qadını” və digər qəzet və jurnallarında işləyib.

1989-1990-cı illərdə “Azadlıq” qəzetində çalışıb.

1989-cu ildə “Kosmos uşaqlar üçün” adlı SSRİ jurnalistlərinin kosmosa göndərilməsi ilə əlaqədar proqramının qaliblərindən biri olub.

1990-cı ildə “Azadlıq” radiosu ilə əməkdaşlığa başlayır.

1993-1998-ci illərdə “Azadlıq” radiosunun Bakı nümayəndəliyinin rəhbəri olub.

“Qızıl qələm”, “Həsən Bəy Zərdabi” və “İlin qadını” mükafatlarına layiq görülüb. 27 fevral 1998-ci ildə dünyasını dəyişib. II Fəxri Xiyabanda dəfn edilib.

İki oğlu və iki nəvəsi var.

İstinadlar[redaktə | əsas redaktə]