Məzmuna keç

Elvin Cəfərquliyev

Vikipediya, azad ensiklopediya
Elvin Cəfərquliyev
Ümumi məlumatlar
Doğum tarixi 26 oktyabr 2000(2000-10-26) (25 yaş)
Doğum yeri
Vətəndaşlığı
Boyu 180 sm
Mövqeyi Müdafiəçi
Əsas ayağı Sol
Klub haqqında məlumat
Klub Azərbaycan Qarabağ II
Nömrəsi 44
Karyerası
Gənclik karyerası
Azərbaycan İnter
Klub karyerası[* 1]
2018–2026 Azərbaycan Qarabağ 139 (8)
2019–2020 → Azərbaycan Sumqayıt 17 (2)
2026–h.h.Azərbaycan Qarabağ II 1 (1)
Milli yığma[* 2]
2018–2019 Azərbaycan Azərbaycan U-19 7 (0)
2019–2021 Azərbaycan Azərbaycan U-21 13 (0)
2021—h.h. Azərbaycan Azərbaycan 33 (1)
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 28 mart 2026 tarixində redaktə olunub.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı, 28 mart 2026 tarixində redaktə olunub.
Vikianbarın loqosu Vikianbarda əlaqəli mediafayllar

Elvin Cəfərquliyev (26 oktyabr 2000, Bakı) — Azərbaycanlı peşəkar futbolçu. Azərbaycan Premyer Liqasında çıxış edən Ağdamın "Qarabağ" klubunun əvəzedici komandası[1] və Azərbaycan milli futbol komandasının müdafiəçisi.

Bəzi mütəxəssislər onu "Azərbaycan futbol tarixinin ən istedadlı futbolçularından biri" adlandırmışdır.[2]

Karyerası

[redaktə | vikimətni redaktə et]

Elvin Eldar oğlu Cəfərquliyev[3] 26 oktyabr 2000-ci il tarixdə Bakı şəhərində anadan olub.[4] Keçmiş məşqçilərinin məlumatına görə, əslən Qəbələ rayonundandır.[5]

Akademiya

[redaktə | vikimətni redaktə et]

Elvin Cəfərquliyev peşəkar futbola qədər ilk addımlarını Bakı təmsilçisi "İnter" klubunun (sonradan "Keşlə", hazırda "Şamaxı") uşaq futbol məktəbində atmışdır. Onun ilkin məşqçiləri Mahir Əliyev və Nadir Əliyev olmuşdur. Mahir Əliyevin sözlərinə görə, Cəfərquliyev kluba təxminən 8 yaşında cəlb edilmiş, erkən yaşlarından çevikliyi və atletik xüsusiyyətləri ilə seçilmişdir. O, əsasən yarımmüdafiəçi mövqeyində çıxış etmiş və sol ayağından aktiv istifadə etməsi ilə fərqlənmişdir. Elvin Cəfərquliyev 12–16 yaş aralığında Nadir Əliyevin rəhbərliyi altında məşq etmişdir. Nadir Əliyevin qeyd etdiyinə görə, futbolçu bu dövrdə həm hücum, həm yarımmüdafiə, həm də müdafiənin hər iki cinahında sınaqdan keçirilmişdir. Məşqçi onun 13–14 yaşlarından etibarən sürət və texniki baxımdan həmyaşıdlarından seçildiyini, emosional davranışlarının isə potensialından qaynaqlandığını bildirmişdir.[5]

2015–2016-cı illərdə "İnter" klubunda yaranmış maliyyə və struktur problemləri fonunda Elvin Cəfərquliyev “Qəbələ” klubunun U-17 komandasına transfer edilmişdir. Bu keçid məşqçilərin qərarı əsasında həyata keçirilmiş və futbolçunun inkişafı üçün daha əlverişli şərait yaradılması məqsədi daşımışdır. Daha sonra o, yenidən "İnter"ə qayıtmış və burada peşəkar futbola keçid etmişdir. Həmin dövrdə əsas komandanın məşqçi heyətinin diqqətini cəlb etmiş və 18 yaşı tamam olmamış rəsmi oyunda debüt etmişdir.[5]

Keşlə

[redaktə | vikimətni redaktə et]

Elvin Cəfərquliyev Azərbaycan kubokunda 10 dekabr 2017-ci ildə "Keşlə"nin heyətində "Kəpəz"ə qarşı oyunda debüt etmişdir.[6]

Qarabağ

[redaktə | vikimətni redaktə et]

Elvin Cəfərquliyev 2018-ci ildə "Qarabağ"la müqavilə imzalamışdır. 2019-cu ilin yayında "Sumqayıt" FK Elvin Cəfərquliyevlə bir illik müqavilə imzaladığını açıqlamışdı. O, 17 avqust 2019-cu ildə Azərbaycan Premyer Liqasında "Sumqayıt"ın heyətində "Qəbələ" ilə oyunda debüt etmişdir.[7] O, 11 sentyabr 2020-ci ildə "Qarabağ"ın heyətində Azərbaycan Premyer Liqasının "Keşlə" ilə oyununda debüt etmişdir.[8][9] Elvin Cəfərquliyev 18 avqust 2020-ci ildə UEFA Çempionlar Liqasının birinci təsnifat mərhələsində "Sileks"ə qarşı oyunda Avropada debüt etmişdir.[10][11]

Milli komanda

[redaktə | vikimətni redaktə et]

Elvin Cəfərquliyev Azərbaycan milli futbol komandasının heyətində 30 mart 2021-ci ildə Serbiya ilə dünya çempionatının seçmə mərhələsi çərçivəsində debüt etmişdir.[12]

Qarabağ II

[redaktə | vikimətni redaktə et]

17 aprel 2026-cı ildə Qurban Qurbanov Elvin Cəfərquliyev və Abbas Hüseynovu əvəzedici heyətə göndərmişdir . Buna səbəb hər iki futbolçunun nizam-intizam qaydalarını pozması olaraq bildirilmişdir.[13] Mətbuatda dərc olunan yazılara görə, Elvin Cəfərquliyev futboldan kənara işlərə, o cümlədən qadınların da iştirak etdiyi xüsusi əyləncəli partilərə daha çox vaxt ayırmışdır. Qurban Qurbanov vacib oyunlardan biri öncəsi Elvin Cəfərquliyevin partidə iştirakını öyrəndikdən sonra onu əvəzedici komandaya göndərmişdir.[14]

Bir neçə gün sonra Qurban Qurbanov mətbuat konfransında bildirmişdir ki, "Elvin üçün orada oturma, burada otur, o çağırsın, bu çağırsın, verilişlər və s. çox danışılır". O, Cəfərquliyev Çempionlar Liqasında turun oyunçusu olduqdan sonrakı vəziyyətə istinadən bildirmişdir ki, "futbolçulara hər zaman deyirəm, bir oyun o demək deyil ki, missiyan tamamlandı". Qurbanov əlavə etmişdir ki, "1–2 oyun udursan, bir xal sənə mane olur. O demək deyil ki, Çempionlar Liqasında 3 oyun yaxşı oynamışam, vacib matçda intizamsızlıq edim. Bağışlanmağa gəldikdə, proses davam edir".[15]

Elvin Cəfərquliyev "Qarabağ II"nin heyətində debütünü 1 may 2026-cı il tarixində 5:1 "Qarabağ"ın lehinə yekunlaşmış "Zirə II" ilə ev oyununda keçirmişdir. Cəfərquliyev oyunun 73-cü dəqiqəsində penaltidən qol vurmuşdur.[16][17]

Uğurlar

[redaktə | vikimətni redaktə et]
Keşlə

İstinadlar

[redaktə | vikimətni redaktə et]
  1. ↑ "Elvin Cəfərquliyev". PFL. 14 sentyabr 2020. 26 oktyabr 2021 tarixində arxivləşdirilib. İstifadə tarixi: 16 fevral 2022.
  2. ↑ https://azpolitika.info/?p=825613
  3. ↑ "İlin futbolçusu-2025: 1,5 milyon avro, yığmada 33 oyun və başqa məqamlar » Football-plus.az". Football-plus.az. 3 yanvar 2026 tarixində arxivləşdirilib. İstifadə tarixi: 25 yanvar 2026.
  4. ↑ "Meydanların səmimi qəhrəmanı: Elvin niyə 'Başuvaaa' dedi? — Mem olan ifadənin TARİXÇƏSİ". Oxu24.com. 24 yanvar 2026. 25 yanvar 2026 tarixində arxivləşdirilib. İstifadə tarixi: 25 yanvar 2026.
  5. 1 2 3 ""Elvin Cəfərquliyevə görə klub prezidenti məni işdən çıxarmaq istədi" – MÜSAHİBƏ". Teleqraf. 1 noyabr 2025.
  6. ↑ "KEŞLƏ VS. KAPAZ 2 - 0". Soccerway. 10 dekabr 2017. 30 oktyabr 2021 tarixində arxivləşdirilib. İstifadə tarixi: 16 fevral 2022.
  7. ↑ "QƏBƏLƏ VS. SUMQAYIT 0 - 2". Soccerway. 17 avqust 2019. 30 oktyabr 2021 tarixində arxivləşdirilib. İstifadə tarixi: 16 fevral 2022.
  8. ↑ "KEŞLƏ VS. QARABAG 0 - 0". Soccerway. 11 sentyabr 2020. 28 oktyabr 2021 tarixində arxivləşdirilib. İstifadə tarixi: 16 fevral 2022.
  9. ↑ "II tur / 2020-09-11" (Azerbaijani). www.pfl.az. 11 sentyabr 2020. 4 sentyabr 2013 tarixində arxivləşdirilib. İstifadə tarixi: 16 fevral 2022.
  10. ↑ "2020–21 UEFA Champions League qualifying rounds matches, UEFA.com". 4 noyabr 2021 tarixində arxivləşdirilib. İstifadə tarixi: 16 fevral 2022.
  11. ↑ "Daha bir gənc futbolçumuz avrokuboklarda debüt etdi" (Azerbaijani). www.qol.az. 19 avqust 2020. 16 fevral 2022 tarixində arxivləşdirilib. İstifadə tarixi: 16 fevral 2022.
  12. ↑ "Azerbaijan v Serbia game report". UEFA. 30 mart 2021. 26 may 2022 tarixində arxivləşdirilib. İstifadə tarixi: 16 fevral 2022.
  13. ↑ https://qafqazinfo.az/news/detail/qurban-qurbanov-elvin-ceferquliyevi-esas-komandadan-qovdu-505784
  14. ↑ https://globalinfo.az/elvin-ceferquliyev-buna-gore-komandadan-qovulub-detallar/
  15. ↑ https://qafqazinfo.az/news/detail/sevindirici-terefi-odur-ki-ne-var-onu-deyib-505900
  16. ↑ https://qol.az/news/225782-elvin-ceferquliyev-evezedici-heyetde-qol-vurdu
  17. ↑ https://qafqazinfo.az/news/detail/elvin-ceferquliyev-ilk-oyununa-cixdi-qol-vurdu-yenilenibvideo-507374
Mənbə — "https://az.wikipedia.org/w/index.php?title=Elvin_Cəfərquliyev&oldid=8935308"