Elvin Məmmədov (əsgər)

Vikipediya, azad ensiklopediya
Naviqasiyaya keçin Axtarışa keçin
Vikipediyada bu ad-soyadlı digər şəxslər haqqında da məqalələr var; bax: Elvin Məmmədov.
Elvin Məmmədov
Şəxsi məlumatlar
Doğum tarixi
Doğum yeri
Vəfat tarixi (28 yaşında)
Vəfat yeri
Vəfat səbəbi Şəhid olmuşdur
Dəfn yeri
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2014 – 2015 / 2020
Rütbəsi Əsgər
Döyüşlər İkinci Qarabağ müharibəsi
Təltifləri "Vətən uğrunda" medalı — 2020 "Cəsur döyüşçü" medalı — 2021

Elvin Mahmud oğlu Məmmədov (3 oktyabr 1992, Zaqatala rayonu – 15 oktyabr 2020, Tərtər rayonu) — Azərbaycan Silahlı Qüvvələrinin əsgəri,İkinci Qarabağ müharibəsi şəhidi.[1]

Həyatı[redaktə | mənbəni redaktə et]

Məmmədov Elvin Mahmud oğlu 1992-ci il oktyabr ayının 3-ü Zaqatala şəhərində anadan olub. Ailədəki üç qardaşın ən kiçiyi olmuşdur. 1999-cu ildə Zaqatala rayon Şıxəli Qurbanov adına 3 saylı orta məktəbin 1-ci sinfinə daxil olmuş, 2010-cu ildə həmin məktəbin 11-ci sinfini bitirmişdir.

2010–2014-cü illərdə Gürcüstanın Şərqi Avropa İnstitunun Maliyyə-kredit fakültəsində ali təhsil almışdır. Hərbi xidmət vəzifəsini bitirdikdən sonra bir çox yerlərdə işləmiş və boş zamanlarında idmanın müxtəlif formaları ilə məşğul olmuşdur (judo, qaydasız döyüş və s.). İkinci Qarabağ müharibəsinə yollanmazdan öncə Vays Parim şirkətində satış və reklam üzrə mütəxəssis işləyirdi. Səmimi və mehriban xarakteri ilə hər zaman hər kəsin rəğbətini qazanmışdır. 2019-cu ildə ailə həyatı qurmuşdur. Bir qız övladı var.

Hərbi xidməti[redaktə | mənbəni redaktə et]

Ali təhsilini başa çatdırdıqdan sonra 2014-cü ildə hərbi xidmətə yollanıb. Hərbi xidməti zamanı orada fəal snayperçi olub. Bunun üçün o əlavə təhsil də almışdır. Hərbi xidməti zamanı xüsusi təyinatlılar kursunu müvəffəqiyyətlə başa çatdırmışdır. Hərbidə göstərdiyi nailiyyətlərinə görə bir çox dəfə fəxri fərmanlar və təşəkkürnamələr ilə təltif edilmişdir. 2015-ci ildə həqiqi hərbi xidmət vəzifəsini başa vurmuşdur. 2020-ci il sentyabrın 21-də könüllü olaraq yenidən hərbi xidmətə yollanmış, sentyabr ayının 27-də İkinci Qarabağ müharibəsi başlayanda orada da qəhrəmancasına vuruşmuşdur. Qızğın döyüşlər zamanı ön cəbhədə xidmət etmişdir. 15 oktyabr 2020-ci ildə Ağdərə istiqamətində yaralı əsgər yoldaşlarını döyüş bölgəsindən çıxardarkən özü də qəhrəmancasına həlak olmuşdur.

Təltif və mükafatları[redaktə | mənbəni redaktə et]

  • Fəxri fərman (30.06.2016): Döyüş və ictimai-siyasi hazırlıqda əldə etdiyi nailiyyətlərə görə;
  • "N" saylı hərbi hissənin komandiri polkovnik leytenant Əflatun Nurəliyev tərəfindən – Təşəkkür məktubu;
  • (15.12.2020) — "Vətən uğrunda" medalı (ölümündən sonra)[2]
  • (24.06.2021) — "Cəsur döyüşçü" medalı (ölümündən sonra)[3]

İstinadlar[redaktə | mənbəni redaktə et]

  1. ↑ "İkinci Qarabağ müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycan Respublikası Müdafiə Nazirliyinin rəsmi saytı). 08.12.2020. 2020-12-08 tarixində arxivləşdirilib (PDF). İstifadə tarixi: 22.12.2020.
  2. ↑ "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az (Azərbaycan Prezidentinin rəsmi saytı). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  3. ↑ "Azərbaycan Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.mod.gov.az (Azərbaycan Respublikası Müdafiə Nazirliyinin rəsmi saytı). 24.06.2021. 2021-06-26 tarixində arxivləşdirilib. İstifadə tarixi: 24.06.2021.
Mənbə — "https://az.wikipedia.org/w/index.php?title=Elvin_Məmmədov_(əsgər)&oldid=7556992"