Elxan Əliyev (jurnalist)
| Elxan Əliyev | |
|---|---|
| Əliyev Elxan Hacıağa oğlu | |
 | |
| Doğum tarixi | 24 dekabr 1933 |
| Vəfat tarixi | 10 oktyabr 2001 (67 yaşında) |
| Vəfat yeri | Bakı şəhəri |
| Vətəndaşlığı |
 SSRİ→ Azərbaycan |
| Həyat yoldaşı | Kərimova İffət Cəfər qızı |
| Uşaqları | Elman, İsmət, Nəzakət, Elşən |
| Atası | Əlıyev Hacıağa |
| Anası | Əlıyeva Ceyran |
| Milliyyəti | azərbaycanlı |
| Təhsili | ali - Azərbaycan Dövlət Universitetinin Filologiya fakültəsi, 1950-1955 ci il. |
| Fəaliyyəti | jurnalist |
| Mükafatları | "Azərbaycan Respublikasının əməkdar jurnalisti" |
Əliyev Elxan Hacıağa oğlu — Azərbaycan Respublikasının əməkdar jurnalisti[1].
Həyatı və fəaliyyəti[redaktə | əsas redaktə]
Elxan Hacıağa oğlu Əliyev 24 dekabr 1933-cü ildə Naxçıvan şəhərində anadan olmuşdur. O, 1949-cu ildə musiqi məktəbini, 1950-ci ildə isə orta məktəbi bitirmişdir.
1955-ci ildə Azərbaycan Dövlət Universiteti filologiya fakültəsinin jurnalistika şöbəsini bitirdikdən sonra tə`yinatla göndərildiyi Şahbuz rayon gəzeti redaksiyasında məs`ul katib kimi işə başlamışdır.
1957-ci ildə o, “Şərq Qapısı“ qəzetində işləməyə göndərilir və 1965-ci ilədək redaksiyada məktublar, mədəni-məişət və kənd təsərrüfatı şö`bələrinin müdiri kimi fəaliyyət göstərir. Bu arada o, SSSRİ Jurnalistlər İttifaqının üzvü olur.
1965-ci ildən 1972-ci ilədək Naxçıvan MSSR Nazirlər Soveti Dövlət Televiziya və Radio Verilişləri Komitəsinin baş redaktor vəzifəsində, 1972-1974-cü illərdə isə Azərbaycan KP Naxçıvan şəhər Komitəsi şö`bə müdiri vəzifəsində çalışır.
Jurnalistika sahəsində zəngin təcrübəyə malik olduğu, işgüzarlığı və təşkilatçılıq qabiliyyəti nəzərə alınaraq 1974-cü ilin mart ayında Naxçıvan MSSR Nazirlər Soveti Dövlət Televiziya və Radio Verilişləri Komitəsinin sədri vəzifəsinə tə`yin olunur. Elə həmin il o, Ulya Noraşen seçki dairəsindən Naxçıvan MSSR Ali Sovetinə deputat seçilir.
1989-1992-ci illərdə o, jurnalist fəaliyyətinə qayıdaraq Naxçıvan Muxtar Respublikasının "Şərq qapısı" qəzetinin baş redaktor müavini vəzifəsində işləmişdir[1].
1992-ci ilin sonunda ailesi ilə Baki şəhərinə köçür.
1994-2000-ci illərdə həyat və iş təcrübəsinə uyğun olaraq paytaxtda fəaliyyət göstərən müxtəlif yerlərdə baş redaktor, baş məsləhətçi vəzifəsində çalışıb.
2001-ci ilin oktyabr ayının 10 da rəhmətə gedib.
1956-ci ildən rəhmətə gedənədək Kərimova İffət Cəfər qızı ilə evli olub.
Onların 4 övladı olub.
Mükafatları[redaktə | əsas redaktə]
- 04.05.1991 —
"Azərbaycan Respublikasının əməkdar jurnalisti" fəxri adı[1]
İstinadlar[redaktə | əsas redaktə]
- ↑ 1 2 3 "Azərbaycan Dövlət Teleradio Verilişləri Şirkətinin və Naxçıvan Muxtar Respublikası kütləvi informasiya vasitələrinin işçilərinə Azərbaycan Respublikasının fəxri adlarının verilməsi haqqında" Azərbaycan Respublikasının Prezidentinin 4 may 1991-ci il tarixli, 200 nömrəli Fərmanı. e-qanun.az (azərb.)
|
Şəxs haqda olan bu məqalə qaralama halındadır. Məqaləni redaktə edərək Vikipediyanı zənginləşdirin. |
