Elçin Cavadov

Vikipediya, azad ensiklopediya
Naviqasiyaya keç Axtarışa keç
Elçin Cavadov
Doğum tarixi 3 iyun 1969(1969-06-03) (55 yaş)
Doğum yeri
Elm sahələri riyaziyyat, texniki elmlər, fizika
Elmi dərəcəsi
Elmi adı
İş yeri
Təhsili
Üzvlüyü
Mükafatları Azərbaycan Respublikasının qabaqcıl təhsil işçisi
Vikianbarın loqosu Vikianbarda əlaqəli mediafayllar

Elçin Məhəmməd oğlu Cavadov (3 iyun 1969, Böyük Qaramurad, Gədəbəy rayonu) — Gəncə Dövlət Universitetinin "Ümumi texniki fənnlər və texnologiya" kafedrasının müdiri, texnika üzrə fəlsəfə doktoru, dosent, texnika elmləri doktoru, professor.

Həyatı

[redaktə | mənbəni redaktə et]

Elçin Cavadov 3 iyun 1969-cu ildə Gədəbəy rayonunun Böyük Qaramurad kəndində ziyalı ailəsində anadan olmuşdur. 1986-cı ildə Gədəbəy rayonunun İnəkboğan kənd orta məktəbini qızıl medalla bitirmiş və Azərbaycan Kənd Təsərrüfatı Akademiyasının kənd təsərrüfatının mexanikləşdirilməsi fakültəsinə daxil olmuşdur.[1]

Tələbəlik illərində riyaziyyat fənnindən keçirilən respublika olimpiadasında 1-ci yeri tutmuşdur. 1993-cü ildə Azərbaycan Kənd Təsərrüfatı Akademiyasını Lenin təqaüdü və fərqlənmə diplomu ilə bitirmişdir. Elmi yaradıcıllıqla tələbə vaxtlarından məşğul olmuş, hələ tələbə ikən 10-a qədər elmi məqaləsi dərc olunmuşdur.

1993-cü ildən Gəncə Dövlət Universitetinin müəllimidir. Riyaziyyat fənnini çox sevdiyi üçün E. M. Cavadov Bakı Dövlət Universitetinin "Tətbiqi riyaziyyat" fakültəsinə daxil olmuş və həmin fakültəni də fərqlənmə diplomu ilə bitirmişdir.

1993-cü ildən 1995-ci ilədək Gəncə Dövlət Universitetinin "İstehsalat əsasları və əmək təlimi metodikası" kafedrasında tədris ustası və saat hesabı müəllim, 1995-ci ildən 1998-ci ilədək stajor – müəllim, 1998-ci ildən 2000-ci ilədək müəllim, 2000-ci ildən həmin kafedrada baş müəllim, 2008-ci ildən isə dosent vəzifəsində işləyir. 2016-cı ildə "ÜTF və texnologiya" kafedrasının müdiri vəzifəsinə seçilmişdir.

2002-ci ildə Azərbaycan Elmi – Tədqiqat "Aqromexanika" İnstitutunun dissertantı olmuş, 2005-ci ildə görkəmli professor Həsən Quliyevin rəhbərliyi ilə dissertasiya işini yerinə yetirmiş, "Üzümlüklərdə filloksera zərərvericisinə qarşı mübarizə texnologiyasının və maşınının təkmilləşdirilməsi" mövzusunda dissertasiya[2] işini müdafiə edərək, texnika elmləri namizədi alimlik dərəcəsi almışdır. Tədqiqat işinin nəticələri AKTA – nın Elmi – Texniki şürasında müzakirə edilib, bəyənilib, respublikanın fermer və müəssisə təsərrüfatlarının üzüm bağlarında tətbiqi buna aid təkliflərin tövsiyə formasında nəşr olunması məqsədəuyğun hesab edilmişdir. "Torpağa fumiqantları verən maşın" adlı ixtirası Gəncə Üzümçülük və Şərabçılıq Təcrübə stansiyasının "Bağmanlar" qəsəbəsində olan üzüm bağında tətbiq edilmiş, respublika üzrə kənd təsərrüfatı işləri sərgisində 1-ci yer tutmuşdur.

E. M. Cavadovun 100-dən artıq elmi əsəri, bir neçə ixtirası və 10-dan artıq dərs vəsaitləri var. Bundan başqa E. M. Cavadov ali məktəblərə qəbul imtahanlarına hazırlaşanlar üçün "Riyaziyyat" adlı dərs vəsaitinin, habelə STEAM- a aid azərbaycan dilində ilk dərs vəsaitinin müəllifidir. E. M. Cavadovun müəllifi olduğu 6 adda dərs vəsaiti Azərbaycan Respublikasının Prezident kitabxanasına yerləşdirilmişdir.

https://ebooks.az/az/book/DAnU0q1

https://ebooks.az/az/book/y0vio4U

https://ebooks.az/az/book/DAnU0q1

https://ebooks.az/az/book/cf0GQBh

https://ebooks.az/az/book/It5slYk

https://ebooks.az/az/book/9XUWcJz

Ədəbi yaradıcıllıqla məşğuldur, "Duyğu yarpaqları" adlı şeir kitabı çap olunmuşdur.

2000-ci ildən Yeni Azərbaycan Partiyasının üzvüdür. Gəncə Dövlət Universitetinin Fizika və texniki fənlər fakültəsi Tələbə Elmi Cəmiyyətinin sədri,[3] Fakültə Elmi şürasının, Gəncə Dövlət Universiteti Elmi Şurasının, Universitet və fakültə metodiki komissiyasının üzvüdür.

Hazırda doktorluq dissertasiyası üzərində işləyir.

Ailəlidir, iki övladı var.

Təltifləri

[redaktə | mənbəni redaktə et]
  • Yüksəkixtisaslı kadrların hazırlanmsındakı xidmətlərinə görə Azərbaycan Respublikası Təhsil Naziri Ceyhun Bayramovun 01 noyabr 2018-ci il 3565 №-li qərarı ilə Azərbaycan Respublikası Təhsil Nazirliyinin Fəxri fərmanı ilə təltif olunmuşdur.
  • "Azərbaycan Respublikasının qabaqcıl təhsil işçisi" döş nişanı ilə təltif edilmişdir.

İstinadlar

[redaktə | mənbəni redaktə et]
  1. ↑ "Arxivlənmiş surət". 2023-05-07 tarixində arxivləşdirilib. İstifadə tarixi: 2023-05-07.
  2. ↑ "Arxivlənmiş surət". 2023-05-11 tarixində arxivləşdirilib. İstifadə tarixi: 2023-05-11.
  3. ↑ "Arxivlənmiş surət". 2023-05-10 tarixində arxivləşdirilib. İstifadə tarixi: 2023-05-10.

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Elçin_Cavadov&oldid=7781035"