Emin Mahmudov (yazıçı)

Vikipediya, açıq ensiklopediya
Keçid et: naviqasiya, axtar
Emin Mahmudov
Emin Qasıməli oğlu Mahmudov
Doğum tarixi 1 yanvar 1925(1925-01-01)
Doğum yeri Göyçay
Vəfatı 2009(2009-Şablondakı doğum və ya ölüm tarixində texniki yanlışlıq var!-00)
Vəfat yeri ABŞ

Mahmudov Emin Qasıməli oğlu — nasir, tərcüməçi, 1954-cü idən Azərbaycan Yazıçılar Birliyinin üzvü

Həyatı[redaktə | əsas redaktə]

Emin Mahmudov 1925-ci il yanvarın 1-də Azərbaycanın Göyçay şəhərində anadan olmuşdur. Burada 1 saylı orta məktəbi bitirib bir il uşaq evində tərbiyəçi işləmiş, sonra ordu sıralarında olmuşdur (1943-1945). Tərxis edildikdən sonra ADU-nun filologiya fakültəsinin jurnalistika şöbəsində təhsil almışdır (1945-1950).

Ədəbi yaradıcılığa şeirlə başlasa da, elmi fantastikaya və bədii tərcüməyə üstünlük vermişdir. "RT-1" adlı ilk elmi-fantastik hekayəsi 1952-ci ildə "Pioner" jurnalında dərc olunmuşdur. "Günəş şəhəri" adlı ilk elmi-fantastik hekayələr məcmuəsi isə 1953-cü ildə Uşaqgəncnəşrdə çapdan çıxmışdır. O, Bakıda Baş mətbuat idarəsində senzor (1948-1952), "Azərbaycan qadını" jurnalı redaksiyasında məsul katib (1955-1966), "Ədəbiyyat və incəsənət" qəzeti redaksiyasında ədəbi işçi (1953-1954), "Azərbaycan pioneri" qəzeti redaksiyasında məsul katib (1967-1971), Azərbaycan Dövlət Televiziya və Radio Verilişləri Şirkətində böyük redaktor (1973-1982) olmuşdur. 1982-1992- ci illərdə orada ştatdankənar müxbir işləyib. Xidmətlərinə görə medallarla təltif olunmuşdur.

1954-cü ildən Azərbaycan Yazıçılar Birliyinin üzvü olub.

Ömrünün son illərini Amerika Birləşmiş Ştatlarında yaşayıb və 31 avqust 2013-cu ildə, Santa Monika şəhərində vəfat edib.

Əsərləri[redaktə | əsas redaktə]

  1. Muğanda qütb parıltısı. Bakı: Uşaqgəncnəşr, 1954, 59 səh.
  2. Kainat gəmisi. Bakı: Uşaqgəncnəşr, 1957, 189 səh.
  3. Veneranın göyləri od içindədir. Bakı: Uşaqgəncnəşr, 1960, 211 səh.
  4. Qeyb olmuş səslər. Bakı: Azərnəşr, 1964, 87 səh.
  5. Dəmir necə ayaq açdı. Bakı: Gənclik, 1967, 41 səh.
  6. Zülmət dənizi. Bakı: Gənclik, 1972, 174 səh.
  7. Ulduzlar yolumuzu gözləyir. Bakı: Gənclik, 1975, 93 səh.
  8. Qüdrətli pillə. Bakı: Gənclik, 1985, 56 səh.
  9. Günün nəfəsi. Bakı: Gənclik, 1986, 60 səh.
  10. Atlant qızı. Bakı: Yazıçı, 1986, 230 səh.

Tərcümələri[redaktə | əsas redaktə]

(ruscadan)

  1. V.Zaxarçenko. Elektrik beyni ilə söhbət. Bakı: Gənclik, 1970, 293 səh.
  2. V.Levi. Fikir ardınca. Bakı: Gənclik, 1972, 308 səh.
  3. R.Baxtamov. Qanun qanundur. Bakı: Gənclik, 1974, 292 səh.
  4. Z.Seyidməmmədova. Təyyarəçinin qeydləri. Bakı: Gənclik, 1976, 93 səh.
  5. Şişpapaq (povest). Bakı: Azərnəşr, 1964, 196 səh.
  6. Dağlarda şimşək çaxır (povest). Bakı: Gənclik, 1967, 202 səh.
  7. Yağış mahnısı. Bakı: Gənclik, 1968, 174 səh.
  8. Povest və hekayələr. Bakı: Gənclik, 1976, 198 səh.
  9. Baba nağılı (povest və hekayələr). Bakı: Gənclik, 1978, 248 səh.
  10. Teleqram (povest və hekayələr). Bakı: Gənclik, 1982, 164 səh.