Bakı Dövlət Universitetinin Jurnalistika fakültəsi

Vikipediya, açıq ensiklopediya
Keçid et: naviqasiya, axtar

BDU Jurnalistika fakültəsi - 1945-ci ildə Azərbaycan Dövlət Universitetin filologiya fakültəsi nəzdində jurnalistika şöbəsi açılmışdır. Sistemli şəkildə jurnalist kadrları hazırlığı prosesinə dövrün tanınmış praktikləri İsrafil Nəzərov, Nəsir İmanquliyev, Qılman İlkin, Cümşüd Əzimov və başqaları cəlb olunmuşlar. Şöbəyə dosent Həsən Şahgəldiyev rəhbərlik etmişdir.

Ümumi məlumat[redaktə | əsas redaktə]

1969-cu ildə şöbə müstəqil fakültəyə çevrilmişdir. Fakültənin ilk dekanı prof. Nurəddin Babayev olmuşdur. Sonrakı illərdə dekan vəzifəsinə prof. Şirməmməd Hüseynov, prof. Seyfulla Əliyev, prof. Tofiq Rüstəmov, dos. Nəriman Zeynalov, dos. Akif Rüstəmov, dos. Yalçın Əlizadə seçilmişlər.

Hazırda fakültənin dekanı filologiya elmləri doktoru, professor, əməkdar jurnalist Şamil Vəliyevdir.

Yarandığı dövrdən fakültəni 4 minə qədər məzuna bitirmişdir. Yüksək ixtisaslı milli kadrların hazırlığında Nəsir İmanquliyev, Nurəddin Babayev, Şirməmməd Hüseynov, Qulu Xəlilov, Famil Mehdi, Tofiq Rüstəmov, Əliş Nəbili, Cahangir Məmmədli, Qulu Məhərrəmli, Zeynal Məmmədli və digər alim-pedaqoqların böyük xidmətləri olmuşdur.

Elmi tədqiqatların əsas istiqamətləri[redaktə | əsas redaktə]

Fakültədə elmi tədqiqatların əsas istiqamətləri aşağıdakılardır:

  • Müasir dövr Azərbaycan jurnalistikasının sənətkarlıq problemləri;
  • Televiziya və radiojurnalistikası XXI əsrdə: meyllər, perspektivlər;
  • Azərbaycan jurnalistikası tarixinin problemləri;
  • Beynəlxalq jurnalistikanın aktual problemləri.

Təhsil azərbaycan (əyani və qiyabi) və rus (əyani) dillərində aparılır.

Bakalavr pilləsində 400-ə qədər, magistr pilləsində 46 tələbə təhsil alır. 7 doktorant, 35 dissertant elmi-tədqiqat işləri üzərində çalışır.

Fakültədə 4 kafedra var: jurnalistikanın nəzəriyyəsi və təcrübəsi; mətbuat tarixi; televiziya və radiojurnalistikası; beynəlxalq jurnalistika. Bundan əlavə tədris televiziya və radio studiyası, qəzet laboratoriyası fəaliyyət göstərir.

Bakalavr pilləsində jurnalistika ixtisası üzrə kadrlar hazırlanır.

Magistratura pilləsində aşağıdakı ixtisaslar üzrə kadrlar hazırlanır:

  1. Beynəlxalq jurnalistika
  2. Radio-telejurnalistika
  3. Publisistik jurnalistika
  4. Mətbuat tarixi