Türkiyə Dəyanət Vəqfi Bakı Türk Liseyi

Vikipediya, azad ensiklopediya
Jump to navigation Jump to search
Türkiyə Dəyanət Vəqfi Bakı Türk Liseyi
Əsası qoyulub 13 iyun 1994
Tip Orta təhsil müəssisəsi
Direktor Kadir Bektaşoğlu[1]
Şəhər Bakı
Ünvan Bakı şəhəri, Nəsimi Rayonu ,Bəsti Bağırova küçəsi,Zabitlər bağının yanı

Türkiyə Dəyanət Vəqfi Bakı Türk Liseyi və ya qısaca TDV BTLBakı şəhərində yerləşən ümumtəhsil məktəbi.

Tarixi[redaktə | mənbəni redaktə et]

Lisey Bakı Dövlət Universiteti rektorunun və Türkiyə Dəyanət Vəqfinin səlahiyyətli şəxslərinin 13 iyun 1994-cü ildə imzaladığı protokola əsasən Azərbaycan Respublikası təhsil nazirinin 3 avqust 1994-cü il tarixli, 502 saylı əmri ilə Bakı Dövlət Universiteti nəzdində dünyəvi təhsil həyata keçirən lisey olaraq fəaliyyətə başlamışdır.[2]

Liseyin bütün xərcləri Türkiyə Dəyanət Vəqfi tərəfindən qarşılanmaqdadır.

Fəaliyyəti[redaktə | mənbəni redaktə et]

Ümumi orta təhsil məktəblərində tədris olunan dərs proqramına uyğun olaraq burada dərslər Azərbaycan dilindədir. Liseydə şagirdlər siniflər şəklində dərs almaqda, ingilis dili və ya ərəb dili kimi dərslərdə isə yarımqruplara bölünməkdədirlər. Liseydə mütəmadi olaraq müdür yoxlamaları və ya şagirdlərin ifadəsi ilə müdüryanılar keçirilməkdədir. Sinifdən sinifə sayı dəyişən müdür yoxlamaları bir rüb ərzində ortalama 2-3 dəfə keçirilir. İstisna hallarda isə 11-ci sinif şagirdlərinin daha yaxşı nəticə göstərmələri üçün ayda 1 dəfə keçirildiyi də olmaqdadır. Müdür yoxlamalarından əlavə şagirdlərin dərsdə aktivliyi və davranışları da rüblük qiymətlərinə təsir etməkdədir.

Dərslər[redaktə | mənbəni redaktə et]

Təhsil Nazirliyinin təlimatı ilə proqrama uyğun bütün dərslər keçilməklə bərabər burada əlavə olaraq ərəb dili, ərəb fonetikası, mənəviyyat kimi dərslər də keçilməkdədir.

Ərəb dili[redaktə | mənbəni redaktə et]

Bu dərs 6,7-ci siniflər ərzində keçilməkdədir. Şagirdlərə əlifba, ərəb dilində yazma, tərcümə və başqa təməl nüanslar keçilir, lakin şagirdin ərəb dilini sonradan inkişaf etdirməsi özünə buraxılır. Dərslər yarımqrup formatında keçilir və 40 dəqiqə çəkir.

Ərəb fonetikası[redaktə | mənbəni redaktə et]

Bu dərsdə isə şagirdlərə ərəb dilində Quran oxumaq öyrədilir.

Maliyyələşdirilməsi[redaktə | mənbəni redaktə et]

Liseydə təhsil pulsuzdur.[3][2] Liseyin bütün maddi xərclərini (müəllim və işçi maaşları, təmir işləri, vergi, yeməkxana, təhsil haqları, cari xərclər) Türkiyə Dəyanət Vəqfi təmin edir.[2]

Rəhbərlik[redaktə | mənbəni redaktə et]

2004-cü ildən liseyin müdiri Kadir Bektaşoğludur.[2]

Məzunları[redaktə | mənbəni redaktə et]

Liseyin ilk məzun buraxılışı 2001-ci ildə olmuşdur. Məzunlar Azərbaycanın ali məktəbləri başda olmaqla, Türkiyə, Rusiya, ABŞ, Almaniya, Fransa, İsveç, İngiltərə, Polşa, Bolqarıstan və başqa Avropa universitetləri daxil olmaqla dünyanın 40-dan çox ölkəsində təhsilini başa vurmuş, ya da hal-hazırda təhsillərini davam etdirirlər.[2]

Müxtəlif illərdə liseyin bir sıra məzunları qızıl və ya gümüş medalla təltif olunmuş və onların adları oxuduqları məktəbin "Şərəf kitabı"na yazılmışdır.

2018-ci ildə DİM-in təşkil etdiyi Ümumi təhsil məktəblərindən buraxılış imtahanından IV ixtisas qrupu üzrə 2 məzun maksimum-300 bal toplamışdır. Həmin il ölkə üzrə yalnız həmin 2 şagird maksimum bal toplaya bilmişdi.

İl Qızıl medal Gümüş medal
2011 7[4] 1[5]
2012 15[6]
2013 8[7] 2[8]
2014 25[9]
2015 11[10]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. TDV Bakı Türk Liseyindən rekord imtahan NƏTİCƏLƏRİ. modern.az, 16.07.2014  (az.)
  2. 1 2 3 4 5 Lisey haqqında. tdv1994.wordpress.com  (az.)
  3. Sitat səhvi: Yanlış <ref> teqi; ŞAGİRD QƏBULU adlı istinad üçün mətn göstərilməyib
  4. "Ümumi təhsil məktəbləri məzunlarının tam orta təhsil səviyyəsi üzrə qızıl medalla təltif edilməsi barədə" Azərbaycan Respublikası təhsil nazirinin 20 iyun 2011-ci il tarixli Əmri.  (az.)
  5. "Ümumi təhsil məktəbləri məzunlarının tam orta təhsil səviyyəsi üzrə gümüş medalla təltif edilməsi barədə" Azərbaycan Respublikası təhsil nazirinin 20 iyun 2011-ci il tarixli Əmri.  (az.)
  6. QIZIL MEDALÇILARIMIZ: 2012. tdv-btl.edu.az  (az.)
  7. "Ümumtəhsil məktəblərinin məzunlarının qızıl medalla təltifi haqqında" Azərbaycan Respublikası təhsil nazirinin 17 iyul 2013-cü il tarixli, 738 nömrəli Əmri.  (az.)
  8. "Ümumtəhsil məktəblərinin məzunlarının gümüş medalla təltifi haqqında" Azərbaycan Respublikası təhsil nazirinin 17 iyul 2013-cü il tarixli, 737 nömrəli Əmri.  (az.)
  9. "Ümumtəhsil məktəblərinin məzunlarının qızıl və gümüş medalla təltifi haqqında" Azərbaycan Respublikası təhsil nazirinin 11 avqust 2014-cü il tarixli, 872 nömrəli Əmri.  (az.)
  10. "Ümumtəhsil məktəblərinin məzunlarının qızıl və gümüş medalla təltifi haqqında" Azərbaycan Respublikası təhsil nazirinin 7 avqust 2015-ci il tarixli, 862 nömrəli Əmri.  (az.)

Xarici keçidlər[redaktə | mənbəni redaktə et]