Yunus Əmrə İnstitutu Bakı Türk Mədəniyyət Mərkəzi

Vikipediya, açıq ensiklopediya
Keçid et: naviqasiya, axtar

Yunus Əmrə İnstitutu Bakı Türk Mədəniyyət MərkəziBakı Dövlət Universitetinin tabeçiliyində olan qurumlardan biri. Universitetin 1 saylı tədris binasında yerləşir. Direktoru Əli Curadır.

Tarixi[redaktə | əsas redaktə]

Mərkəz Azərbaycan Respublikasının Prezidenti İlham Əliyev və Türkiyə Respublikasının Baş naziri Rəcəb Tayyib Ərdoğan arasında imzalanan əməkdaşlıq müqaviləsi çərçivəsində adıçəkilən Yunus Əmrə İnstitutu ilə Bakı Dövlət Universiteti arasında imzalanmış 13 sentyabr 2012-ci il[1] tarixli müqaviləyə əsasən yaradılmışdır.

Fəaliyyəti[redaktə | əsas redaktə]

Mərkəz təhsil və tədris fəaliyyətləri ilə yanaşı, elmi tədqiqat və tətbiqlərini icra etməkdədir. Burada türk mədəniyyətinin, tarixinin, dilinin və ədəbiyyatının daha yaxşı təbliği və öyrədilməsi məqsədi ilə tədqiqatlar aparmaq, fərqli təşkilatlarla əməkdaşlıq edərək elmi işləri dəstəkləmək və əldə edilən nəticələri müxtəlif qəzet və jurnallar vasitəsilə ictimaiyyətə çatdırmaq məqsədinə nail olmaq üçün müxtəlif fəaliyyətlər həyata keçirilir.

Mərkəz türk dili, tarixi, mədəniyyəti və musiqisi sahəsində bacarıqlı alim və tədqiqatçıların yetişməsinə kömək etməyi, sertifikat proqramları ilə təhsil və tədris işlərini reallaşdırmağı əsas hədəf kimi götürür.

Xarici əlaqələri[redaktə | əsas redaktə]

Hər il başda Bakı Dövlət Universiteti olmaqla Türkiyə Respublikasının Xaricdə Yaşayan Türklər və Türkdilli Birliklər Nazirliyi ilə birlikdə Türk dili Yay Məktəbləri çərçivəsində Azərbaycandan Türkiyəyə tələbə göndərir. Bu layihə çərçivəsində tələbələr Türkiyədə davamlı olaraq türk dili kurslarına qatılmaq imkanı əldə edir və Türkiyənin müxtəlif bölgələrində təşkil edilən mədəniyyət gəzintilərində iştirak edirlər. Proqram ödənişsizdir, proqrama qatılan tələbələrə 250 dollar təqaüd verilir.

Həmçinin bax[redaktə | əsas redaktə]

Mənbə[redaktə | əsas redaktə]

İstinadlar[redaktə | əsas redaktə]

  1. BDU-nun Yunus Əmrə İnstitutunda konfrans. trend.az, 19.02.2015  (azərb.)