Faiq Bağırzadə

Faiq Bağırzadə
Faiq Bağırzadə
Şəxsi məlumatlar
Doğum tarixi	20 mart 1926
Doğum yeri	Bakı, Bakı qəzası, Azərbaycan SSR, ZSFSR, SSRİ;
Vəfat tarixi	30 mart 1988 (62 yaşında)
Vəfat yeri	Bakı, Azərbaycan SSR, SSRİ;
Partiya	Sovet İttifaqı Kommunist Partiyası (1957–);
Elmi fəaliyyəti
Elm sahəsi	geologiya
Elmi dərəcəsi	geologiya-mineralogiya elmləri doktoru;
Təltifləri

Bağırzadə Faiq Məmməd oğlu (20 mart 1926, Bakı – 30 mart 1988, Bakı) — geologiya elmləri doktoru (1964), Azərbaycan Milli Elmlər Akademiyasının həqiqi üzvü (1983), Əməkdar elm xadimi (1980), Bakı Dövlət Universitetinin rektoru və Azərbaycan SSR Dövlət mükafatı laureatı.^[1]^[2]

Haqqında[redaktə | mənbəni redaktə et]

Faiq Bağırzadə 20 mart 1926-cı ildə Bakı şəhərində anadan olmuş, 132 saylı orta məktəbi bitirmişdir. Ali təhsilini 1940-cı ildə Azərbaycan Dövlət Neft və Sənaye Univertitetinin Geoloji-kəşfiyyat fakültəsində alan Bağırzadə mühəndis-geoloq ixtisasına yiyələnmişdir.^[2]

Əmək fəaliyyəti[redaktə | mənbəni redaktə et]

Faiq Bağırzadə əmək fəaliyyətinə 1949-cu ildə "Qobustanneftqaz kəşfiyyatı" trestinin kontorunda mühəndis-geoloq olaraq başlamışdır. O, həmçinin 1949-cu ildə Azərbaycan Dövlət Neft və Sənaye Univertitetinin Neft və qaz yataqlarının geologiyası kafedrası nəzdində aspiranturaya daxil olmuşdur. 1951–1953-cü illərdə "Azneft" Birliyinin "Dənizdə kəşfiyyat qazması" trestinin "Neft Daşları" idarəsində mühəndis-geoloq işləmişdir. Habelə Azərbaycan Elmi Tədqiqat Neft Geoloji-Kəşfiyyat İnstitutunun çöl tematik partiyasında mühəndis-geoloq və partiya rəisi vəzifəsində çalışmışdır.^[2]

Faiq Bağırzadə 1952–1954-cü illərdə Azərbaycan Dövlət Neft və Sənaye Univertitetinin Neft və qaz yataqlarının geologiyası kafedrasında assistent vəzifəsini icra etmiş, 1954–1962-ci illərdə kafedranın baş müəllimi və dosenti işləmiş, 1962–1965-ci illərdə isə Azərbaycan Neft və Kimya İnstitutunun Geoloji-kəşfiyyat fakültəsinin dekanı olaraq fəaliyyət göstərmişdir.^[2]

Faiq Bağırzadə 1964–1965-ci illərdə Myanma İttifaqı Respublikasın Ali və Orta İxtisas Təhsili Nazirliyinin xətti ilə Ranqun Texnoloji İnstitutunun professoru vəzifəsinə təyin olunmuşdur. Həmin institutda məruzələrlə çıxış edən Bağırzadə ingilis dilində "Neft və yeraltı geologiya" mühazirələr məcmuəsini çap etdirmişdir.^[2]

Professor 1965–1970-ci illərdə Azərbaycan Dövlət Neft və Sənaye Univertitetinin Xarici vətəndaşların təhsili üzrə fakültəsinin dekanı vəzifəsini icra etmişdir. Eyni zamanda 1966–1970-ci illərdə Neft və qaz yataqlarının geologiyası kafedrasının professoru və kafedranın müdiri təyin olunmuşdur.^[2]

Faiq Bağırzadə 1970-ci ildə Bakı Dövlət Universitetinin rektoru vəzifəsinə təyin edilmişdir.^[3] Onun fəaliyyəti dövründə Tətbiqi riyaziyyat fakültəsi təşkil olunmuş, yeni kafedralar açılmış və institutlararası elmi-tədqiqat hesablama mərkəzi fəaliyyətə başlamışdır.^[2]

Faiq Bağırzadə Bakı Dövlət Universitetinin Elmi Şurasının sədri vəzifəsini icra etmişdir. O. həmçinin Sovet-İraq Dostluğu Cəmiyyətinin Azərbaycan bölməsinin, və Azərbaycan Ali Məktəb Rektorları Şurasının sədri olmuşdur.

Faiq Bağırzadə Bakı Dövlət Universitetinin Elmi Şurasının sədri vəzifəsini icra etmişdir. O, həmçinin Sovet-İraq Dostluğu Cəmiyyətinin Azərbaycan bölməsinin, və Azərbaycan Ali Məktəb Rektorları Şurasının sədri olmuşdur. Azərbaycan Sovet Ensiklopediyasının baş redaksiya heyətinin üzvü olan Bağırzadə Ali Sovetin VIII, IX, X və XI çağırışlarında deputat seçilmişdir.

Elmi fəaliyyəti[redaktə | mənbəni redaktə et]

Faiq Bağırzadə 1953-cü ildə "Abşeron yarımadasının sahilboyu və bitişik sahələrində Qala dəstəsinin kəşfiyyatı" mövzusunda geologiya-minerologiya elmləri üzrə namizədlik dissertasiyasını müdafiə edərək elmlər namizədi, 1964-cü ildə "Abşeron neft-qazlı sahəsinin Şərq hissəsində məhsuldar qatın alt şöbəsində neft və qaz yataqlarının yerləşmə və formalaşmasının qanunauyğunluqları" mövzusunda doktorluq dissertasiyasını müdafiə edərək elmlər doktoru elmi dərəcəsini almışdır.^[2]

Professor Faiq Bağırzadə 100-dən artıq elmi əsər, habelə 12 monografiya, dərslik və dərs vəsaiti çap etdirmişdir.^[2]

Mükafatları[redaktə | mənbəni redaktə et]

Faiq Bağırzadə elmin, təhsilin inkişafındakı xidmətlərinə görə S. İ. Vavilov adına medalla, həmçinin "Oktyabr İnqilabı" və "Qırmızı Əmək Bayrağı" ordenləri ilə təltif edilmişdir. 1980-ci ildə Azərbaycanın Əməkdar elm xadimi fəxri adına layiq görülən Bağırzadə Azərbaycan SSR Dövlət mükafatı laureatı olmuşdur.^[2]

Vəfatı[redaktə | mənbəni redaktə et]

Faiq Bağırzadə 24 mart 1988-ci ildə Bakıda vəfat etmiş və II Fəxri Xiyabanda dəfn edilmişdir.^[2]

İstinadlar[redaktə | mənbəni redaktə et]

↑ Ermənistan Azərbaycanlılarının tarixi coğrafiyası // Tərtib edəni: S. Əsədov; Elmi red. B. Budaqov, Q. Qeybullayev. Bakı: "Gənclik", 1995. ISBN 5-8020-0852-0
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ "Bağırzadə Faiq Məmməd oğlu" (Azərbaycan). science.gov.az. 10-09-2021 tarixində arxivləşdirilib.
↑ "Bakı Dövlət Universitetinin rektorları" (Azərbaycan). bsu.edu.az. 25-06-2014 tarixində arxivləşdirilib.

Xarici keçidlər[redaktə | mənbəni redaktə et]

BAĞIRZADƏ FAİQ MƏMMƏD OĞLU
Faiq Məmməd oğlu Bağırzadə
Bağırzadə Faiq Məmməd oğlu Arxivləşdirilib 2021-10-05 at the Wayback Machine

[1] Ermənistan Azərbaycanlılarının tarixi coğrafiyası // Tərtib edəni: S. Əsədov; Elmi red. B. Budaqov, Q. Qeybullayev. Bakı: "Gənclik", 1995. ISBN 5-8020-0852-0

[:0-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ "Bağırzadə Faiq Məmməd oğlu" (Azərbaycan). science.gov.az. 10-09-2021 tarixində arxivləşdirilib.

[3] "Bakı Dövlət Universitetinin rektorları" (Azərbaycan). bsu.edu.az. 25-06-2014 tarixində arxivləşdirilib.

[1]

[2]

[3]

Bakı Dövlət Universiteti
Fakültələri	Beynəlxalq münasibətlər və iqtisadiyyat • Biologiya • Coğrafiya • Ekologiya və torpaqşünaslıq • Filologiya • Fizika • Geologiya • Hüquq • Jurnalistika • Kimya • Kitabxanaçılıq-informasiya • Mexanika-riyaziyyat • Sosial elmlər və psixologiya • Şərqşünaslıq • Tarix • Tətbiqi riyaziyyat və kibernetika. Keçmiş: Fizika-riyaziyyat • Geologiya-coğrafiya • İlahiyyat
Rektorları	Vasili Razumovski (1919–1920) • Sergey Davidenkov (1920–1923) • Aleksandr Qulyayev (1923–1926) • Tağı Şahbazi Simurğ (1926 – may 1929) • Müseyib Şahbazov (22 iyun 1929 – avqust 1929) • Vladimir Yelpatyevski (1929) • Maqsud Məmmədov (1929–1930) • Məmmədkazım Ələkbərli (1934–1935) • Bala bəy Həsənbəyov (1935–1937) • Əziz Əliyev (1937) • Cəbrayıl Ələsgərov (1937–1941) • Şamil Əliyev (1941–1944) • Abdulla Qarayev (1944–1950) • Cəfər Hacıyev (1950–1954) • Yusif Məmmədəliyev (1954–1958) • Şəfaət Mehdiyev (1958–1965) • Mehdi Əliyev (1965–1970) • Faiq Bağırzadə (1970–1987) • Yəhya Məmmədov (1987–1989) • Cəmil Quliyev (1989–1990) • Mirabbas Qasımov (1990–1992) • Firudin Səməndərov (1992–1993) • Murtuz Ələsgərov (1993–1996) • Misir Mərdanov (1996–1998) • Abel Məhərrəmov (1999–2018) • Firudin Qurbanov (2018-2019) • Elçin Babayev (2019-)
Digər	Qazax filialı • Şəki filialı • Gənc İstedadlar liseyi • "Bakı Universiteti" qəzeti • "Mənim universitetim" filmi • "Bizim universitet" filmi • Konfutsi İnstitutu • TDV BTL • Yunus Əmrə İnstitutu Bakı Türk Mədəniyyət Mərkəzi • İqtisadiyyat və Humanitar Kolleci