Bakı Dövlət Universitetinin Sosial elmlər və psixologiya fakültəsi

Vikipediya, açıq ensiklopediya
Keçid et: naviqasiya, axtar

BDU
Sosial elmlər və psixologiya fakültəsi

Sosial elmlər və psixologiya fakültəsi

BDU Sosial elmlər və psixologiya fakültəsi.jpg
Yaranma tarixi 1991
Şəhər Bakı
Ölkə Azərbaycan
Ünvan BDU, II korpus, 8 və 9-cu mərtəbələr
Vebsayt facebook.com/BDU.SEP

Tarixi[redaktə | əsas redaktə]

1990-cı ildə Bakı Dövlət Universitetinin tarix fakültəsinin tərkibində sosiologiya (Azərbaycan və rus bölmələri) və tarix-psixologiya, tarix və sosial-psixologiya, tarix-etnopsixologiya (Azərbaycan bölməsi) ixtisaslarına tələbə qəbulu keçirilmişdir. Bir il sonra həmin ixtisasların (sosiologiya və psixologiya) bazasında, habelə fəlsəfə və iqtisadi nəzəriyyə ixtisaslarından ibarət yeni fakültə – sosial elmlər və psixologiya fakültəsi yaradıldı.

Keçən əsrin 80-ci illərinin axırı, 90-cı illərinin əvvəllərində Azərbaycanda baş verən sosial-siyasi hadisələr, sosial-siyasi münasibətlər nəzəriyyəsi ixtisası üzrə kadr hazırlığına ehtiyac yaradırdı. Həmin təlabatı ödəmək məqsədi ilə sosial elmlər və psixologiya fakültəsində 1992–ci ildə sosial-siyasi münasibətlər nəzəriyyəsi ixtisası (sonralar bu ixtisas politologiya adlandırılmışdır) üzrə tələbə qəbulu keçirildi. Beləliklə, universitetdə beş yeni ixtisas üzrə kadr hazırlayan mürəkkəb quruluşlu tədris-elm strukturu - sosial elmlər və psixologiya fakültəsi təşəkkül tapdı.

Psixologiya elmləri doktoru, Əməkdar elm xadimi professor Bayramov Əkbər Salman oğlu fakültənin ilk dekanı olmuş və 20 noyabr 1992-ci ilədək bu və­zifədə işləmişdir. Həmin vaxtdan 2006–cı il dekabr ayına qədər fakültəyə fəlsəfə elmləri namizədi, dosent Vahidov Fazil Qulammirzə oğlu rəhbərlik etmişdir. 2006-cı ilin dekabr ayında pedaqoji elmlər doktoru professor Əlizadə Hikmət Əbdül oğlu fakültə dekanı seçilmişdir.

Fakültə yaradılarkən onun bilavasitə tabeliyində bir kafedra – fəlsəfə və sosiologiya kafedrası olmuşdur. Lakin fakültə hazırladığı ixtisaslara uyğun olaraq, öz fəaliyyətini bu kafedra ilə yanaşı, 1992-ci ildə ixtisas-buraxılış kafedralarına çevrilən daha üç ümumuniversitet kafedrasının (psixologiya, iqtisadiyyat, politologiya və sosiologiya kafedraları) bazasında təşkil etmişdir. Fakültənin fəaliyyət göstərdiyi illərin təcrübəsi tam aydınlığı ilə sübut edirdi ki, onun təşkilati strukturunun optimallaşdırılması zəruri tələbata çevrilmişdir.

1999-cu ilin iyununda fakültənin daha səmərəli işləməsi və təşkilati baxımdan möhkəmləndirilməsi istiqamətində mühüm addımlar atılmışdır: BDU rektorunun əmri ilə psixologiya, pedaqogika, politologiya və sosiologiya, iqtisadiyyat, fəlsəfə tarixi və mədəniyyətşünaslıq, təbiət fakültələri üzrə fəlsəfə, humanitar fakültələr üzrə fəlsəfə kafedraları sosial elmlər və psixologiya fakültəsinin tərkibinə daxil edilmişdir. Hal-hazırda fakültədə on kafedra, iki laboratoriya, iki tədqiqat mərkəzi fəaliyyət göstərir. Sosial elmlər və psixologiya fakültəsində 6 istiqamətdə bakalavr pilləsinə tələbələr qəbul olunur:

  1. Sosiologiya
  2. Psixologiya
  3. Politologiya
  4. Fəlsəfə
  5. Təhsildə sosial psixologiya xidmətləri
  6. Sosial iş

Müasir dovrümüzdə inkişaf edən Azərbaycanda sosial işçilərə kəskin şəkildə tələbat artmışdır. Bunu nəzərə alan rəhbərlik ilk əvvəl sosial iş ixtisası üzrə magistratura pilləsini açmış, 2008-ci ildən isə adı çəkilən ixtisasın bakalavr pilləsinə tələbələr qəbul etmişdir.

Professor-müəllim heyəti: Fakültənin professor-müəllim heyəti 121 nəfərdən ibarətdir. Bunların müxtəlif kateqoriyalar üzrə statistikası belədir:

  • AMEA – nın həqiqi üzvü 1 nəfər;
  • AMEA – nın müxbir üzvü 1 nəfər;
  • Elmlər doktoru, professor 15 nəfər;
  • Elmlər doktoru, dosent 2 nəfər;
  • Elmlər namzədi, professor əvəzi 1 nəfər;
  • Elmlər namizədi, dosent 72 nəfər;
  • Elmlər namizədi, baş müəllim 22 nəfər;
  • Elmlər namizədi, müəllim 19 nəfər;
  • Müəllim – 19 nəfər.

Tələbə kontingenti. Sosial elmlər və psixologiya fakültəsinin müstəqil struktur kimi təşkil edildiyi 1991/92-ci dərs ilində cəmi 2 kurs fəaliyyət göstərirdi və 117 nəfər tələbə (o cümlədən birinci kursda 72 nəfər, ikinci kursa isə 45 nəfər) təhsil alırdı. Sosial elmlər və psixologiya fakültəsinin ilk buraxılışı 1995-ci ildə iki ixtisas (sosiologiya və psixologiya) üzrə olmuş və 43 nəfəri əhatə etmişdir. Bunların 21 nəfəri sosiologiya ixtisasına, 22 nəfəri isə psixologiya ixtisasına yiyələnmişlər. Hazırda fakültədə 893 nəfər tələbə əyani, 190 nəfər isə qiyabi şöbədə təhsil alır. O cümlədən fakültədə 139 nəfər xarici vətəndaşı əyani şöbədə oxuyur. Fakültədə qiyabi şöbə 1999-cu ildə fəaliyyətə başlamışdır. Hal-hazırda üç ixtisas üzrə (fəlsəfə, iqtisadi nəzəriyyə və psixologiya) fakültədə qiyabi şöbə üzrə tələbələr təhsil alırlar.

Magistratura. 1997-ci ildə ilk dəfə magistraturaya qəbul aparılmışdır. Hazırda magistraturanın əyani şöbəsində 45 nəfər tələbə təhsil alır. Əyani şöbədə təhsil alan magistrantlardan 6 nəfəri əcnəbi vətəndaşlardır. Magistraturanın qiyabi şöbəsində oxuyan tələbələrin sayı 31 nəfərdir. Əyani şöbə ilə yanaşı qiyabi şöbədə də əcnəbilə təhsil alır. Onların sayı 8 nəfərdir. Ümumilikdə fakültədə 90 nəfər magistrant təhsil alır. Magistratura üzrə ilk buraxılış 1999-cu ildə olmuşdur.

Aspirantura. Hal-hazırda Sosial elmlər və psixologiya fakültəsində 88 nefer aspirant təhsil alır. Ümumilikdə Əyani təhsil alan aspirantların sayı 15, qiyabilərin ki isə 12 nəfərdir. Fakültədə təhsil alan bakalavr və magistrantlar kimi aspirantların adları arasında da əcnəbilərin adlarına rast gəlmək olar. Əcnəbilərin ümumi sayı 61 nəfərdir, o cümlədən əcnəbi əyani aspirantların sayı 18, qiyabilərin ki isə 43 nəfərdir. Əcnəbilərin daha çox psixologiya istiqamətində elmi araşdırmalar aparırlar.

Tədrisin təşkili və yüksək ixtisaslı kadr hazırlığı. Fakültə tədris prosesinin təkmilləşdirilməsini, tələbələrin müstəqil işlə məşğul olmasını, mütəxəssis kadrların hazırlanmasında keyfiyyət göstəricilərinin yaxşılaşdırılmasını, tədris planlarında ixtisaslar üzrə elmin müasir sahələrinin və problemlərinin öz əksini tapmasını daim diqqət mərkəzində saxlayır. Bu cəhətdən təhsilin bakalavr pilləsi üçün altı ixtisas üzrə, magistratura pilləsi üçün isə 10 ixtisaslaşma üzrə tədris planlarının hazırlanması və təkmilləşdirilməsi xüsusi qeyd olunmalıdır. Bu planların hazırlanmasında və təkmilləşdirilməsində respublika Təhsil Nazirliyinin, universitetin tədris hissəsinin, tədris-metodiki şurasının və müvafiq kafedraların təklifləri, rəyləri diqqətlə öyrənilmiş və nəzərə alınmışdır. Fakültənin Elmi Şurası və tədris-metodiki şurası bu işdə mühüm rol oynamış, müxtəlif variantları hərtərəfli müzakirə etmiş, Avropa-Asiya Universitetləri Assosiasiyasının bir sıra sənədlərindən yaradıcılıqla bəhrələnmişlər. Fakültədə təhsil islahatlarının aparılmasına xüsusi əhəmiyyət verilir. Fakültənin Facebook-dakı rəsmi səhifəsinə qoşulmaq üçün http://www.facebook.com/BDU.SEP adresinə gedin.

Dekanlıq[redaktə | əsas redaktə]

Hikmət Əlizadə

Dekan[redaktə | əsas redaktə]

Hikmət Əbdül oğlu Əlizadə. Pedaqoji elmlər doktoru, professor Hikmət Əlizadə Əbdül oğlu 1973-1978-ci illərdə V.I.Lenin adına API-nin (indiki N.Tusi adına ADPU) ümumi texniki fənlər fakültəsində təhsil almış və fərqlənmə diplomu ilə bitirmişdir. Universiteti bitirdikdən sonra Əlizadə 9 saylı internat məktəbində pedaqoji fəaliyyətə başlamışdır. 2 il internat məktəbində çalışan Hikmət Əlizadə 1980-1984-cu illərdə SSRI-nin 50 illiyi adına APXDI-nda (indiki ADDU-i) pedaqogika ixtisas üzrə aspirant olmuşdur. Təhsilini başa vurub geri qayıtdıqdan sonra Bakı Dövlət Universitetinin "Pedaqogika və psixologiya" kafedrasında pedaqoji fəaliyyətinə davam edən Hikmət Əlizadə 1985-ci ildə Tbilisi şəhərində N.Qodebaşvili adına Elmi Tədqiqat Pedaqoji Elmlər İnstitutunda pedaqoji elmlər namizədiliyi dissertasiyasını müdafiə etmişdir. Elmi inkişaflarını davam etdirən Əlizadə 1996-cı ildə "Tərbiyənin demoqrafik problemləri" mövzusunda dissertasiyanı müdafiə edərək pedaqoji elmlər doktoru dərəcəsinə yiyələnmişdir. Bir çox elmi əsərlərin müəllifi olan Hikmət Əlizadənin 1998-ci ildə yazdığı "Sosial pedaqogikanın aktual məsələləri" adlı kitabı pedaqogika sahəsində yeniliklərdən idi. Əsərdə müsair dövrün tələblərinə uyğun olaran mövzular araşdırılmış, həmin problemlərin aradan qaldırılması yolları göstərilmişdir. 2006-cı ildən "Sosial elmlər və psixologiya" fakültəsinin dekanıdır. Dekanlıq etdiyi qısa müddət ərzində fakültədə bir sıra yeniliklər etmişdir.

Qızılgül Abbasova

Elmi işlər üzrə dekan müavini[redaktə | əsas redaktə]

Qızılgül Abbasova 1973-cü ildə Bakı Dövlət Universitetinin filologiya fakultəsini (rus dili və ədəbiyyat ixtisaslaşması üzrə) bitirmiş, 1977-ci ilə qədər BDU-nun və Oktyabr (indiki Yasamal) rayon qənclər təçkilatlarına (komsomol) başçılıq etmiş, 1977-1980-ci illərdə elmi kommunizm (indiki politologiya və sosiologiya kafedrası) kafedrasının əyani aspiranturasında təhsil almışdır. 1981-ci ildə namizədlik dissertasiyanı ("Cinslərin tam ictimai bərabərliyi və sosialist həyat tərzinin daha da inkişaf etdirilməsi") müdafiə etmişdir. Həmin ildən tarixi materializm (indiki humanitar fakultələr üzrə fəlsəfə kafedrası) kafedrasında müəllim, baş müəllim, dosent vəzifələrində çalışmışdır. 1997-ci ildən etibarən sosiologiya kafedrasının dosentidir. Elmi maraqlar dairəsi sosial fəlsəfə və sosiologiya problemləri ilə bağlıdır. Tədris prosesinin təkmilləşdirilməsi məqsədi ilə bir çox programlar, dərs vəsaitləri, dərsliklər üzərində çalışmış, tərcümələr etmişdir.Hal-hazırda doktorluq dissertasiyanı yekunlaşdırmışdır ("Fəlsəfə müasir mədəniyyət sistemində"). Bir çox fənləri tədris etmiş, o cümlədən "Sosial fəlsəfə", "XX əsr fəlsəfə tarixi", "Ekologiya", "Ritorika", bakalavr və maqistr pillələri üçün bir sıra xüsusi kursları. Bakalavr buraxılış işlərinə, maqistrlik dissertasiyalara, aspirantların elmi işləmələrinə rəhbərlik edir. Ailəlidir, iki övladı var.

Humanitar məsələlər üzrə dekan müavini[redaktə | əsas redaktə]

Üzeyir Şəfiyev 1972-ci il dekabr ayının 27-də Azərbaycan Respublikası Lerik rayonu Zvuç kəndində ziyalı ailəsində anadan olub. Orta təhsilini Lerik rayon Zvuç kənd orta məktəbində fərqlənmə diplomu ilə bitirmişdir. 1991-ci ildə Bakı Dövlət Universitetində Sosial elmlər və psixologiya fakültəsinin Sosiologiya ixtisasına qəbul olmuş və 1996-cı ildə həmin fakültəni fərqlənmə diplomu ilə bitirmişdir. 1996-cı ildə BDU-nun Sosiologiya kafedrasında sosiologiya ixtisası üzrə aspiranturaya daxil olmuşdur. "Sosial kollektivlər və onların həlli yolları" adlı namizədlik dissertasiyasını vaxtından əvvəl tamamlamış, müdafiə edərək sosiologiya elmləri namizədi alimlik dərəcəsi almışdır. Ailəlidir. 2 övladı var.

Tədris işləri üzrə dekan müavini[redaktə | əsas redaktə]

Daxil Vəliyev 1980-ci ilin 18 sentyabrında Ermənistan Respublikasının Basarkeçər rayonunda anadan olmuşdur.1989-1999-cu illərdə Abşeron rayonunun Mehdiabad qəsəbəsində 1 №-li orta məktəbdə oxumuşdur.1999-2003-cu illərdə BDU-nun Sosial elmlər və psixologiya fakültəsində fəlsəfə ixtisası üzrə (bakalavr) təhsil almışdır.2003-2005-ci illərdə BDU-nun Sosial elmlər və psixologiya fakültəsində Sosiologiya tarixi ixtisası üzrə (magistr) təhsil almışdır.2005-ci ildən fəlsəfə tarixi və mədəniyyətşünaslıq kafedrasının qiyabi aspirantıdır.2006-cı ildən BDU-da çalışır.

Kafedralar[redaktə | əsas redaktə]

Sosial elmlər və psixologiya fakültəsi müasir Azərbaycan üçün müxtəlif sahələrdə kadrlar hazırlayır.Fakültənin kafedraları bu işdə böyük rol oynayır.Sosial elmlər və psixologiya fakültəsinin nəzdində 10 kafedra fəaliyyət göstərir:

Laboratoriya və mərkəzləri[redaktə | əsas redaktə]

Sosial elmlər və psixologiya fakültəsinin nəzdində 2 laboratoriya və 2 mərkəz fəaliyyət göstərir:

  • Sosioloji tədqiqatlar
  • Eksperimental psixologiya
  • İslamşünaslıq mərkəzi
  • İnkişaf mərkəzi

Fakültənin tələbə həyatı[redaktə | əsas redaktə]

Tələbə Gənclər Təşkilatı[redaktə | əsas redaktə]

  • Tələbələr arasında maarifləndirmə işinin aparılması;
  • Tələbələrin asudə vaxtının səmərəli təşkil edilməsi;
  • Respublika daxilində və xaricində keçirilən müsabiqələrdə, olimpiadalarda, sərgilər və festivallarda istedadlı və yaradıcı tələbələrin iştirakının təmin edilməsi.

Azad Tələbə Həmkarlar İttifaqı[redaktə | əsas redaktə]

  • Tələbələrin hüquqlarının təmin edilməsi;
  • Universitetin ictimai həyatında tələbələrin iştirakının təmin edilməsi;
  • İmkansız tələbələrə yardım edilməsi.

Tələbə elmi cəmiyyəti[redaktə | əsas redaktə]

  • Tələbələrin iştirakı ilə elmi konfransların, müsabiqələrin, forumların, toplantıların, dəyirmi masaların, seminarların, diskussiya klublarının, mühazirələrin, simpoziumların, intellektual oyunların, ixtisaslararası dialoqun keçirilməsi;
  • Tələbələrin maraq və meyillərini, intellektual inkişafını təmin etmək üçün dərnəklərin, studiyaların, klubların, kursların təşkil edilməsi.

Tələbə Elm Cəmiyyəti daxilində "Xarici dil mərkəzi" fəaliyyət göstərir ki, bu mərkəz fakültə tələbələrinə ingilis, fransız, rus, ərəb və s. dillərin öyrədilməsilə məşğul olur.

Əlaqə[redaktə | əsas redaktə]

Dekanlıqla[redaktə | əsas redaktə]

  • Dekan Hikmət Əlizadə - 439 02 41
  • Elmi işlər üzrə dekan müavini Qızılgül Abbasova - 438 14 47
  • Bakalavr pilləsi üzrə dekan müzvini Daxil Vəliyev - 438 14 47
  • Humanitar məsələlər üzrə dekan müavini Üzeyir Şəfiyev - 438 14 47

Kafedralarla[redaktə | əsas redaktə]

  • Fəlsəf tarixi və mədəniyyətşunaslıq - 439 15 81
  • Psixologiya - Bəxtiyar Əliyev - 439 01 12
  • Pedaqogika - Nübar Muxtarova - 438 40 98
  • Sosiologiya - İzzət Rüstəmov - 438 04 21
  • Fəlsəfə - Hüseyn Məmmədov - 439 03 87
  • Gender və tətbiqi psixologiya - Rəna İbrahimbəyova - 510 63 05

Laboratoriya və mərkəzlərlə[redaktə | əsas redaktə]

  • Eksperimental psixologiya - Bəxtiyar Əliyev - 439 01 12
  • İslamşunaslıq mərkəzi - Əsədulla Qurbanov - 439 03 97
  • İnkişaf mərkəzi - Rəna İbrahimbəyova - 510 63 05

Mənbə[redaktə | əsas redaktə]

[1]

Xarici keçidlər[redaktə | əsas redaktə]