Feyzulla Qasımzadə

Feyzulla Qasımzadə
Feyzulla Qasımzadə
Doğum tarixi	22 fevral 1898(1898-02-22)
Doğum yeri	Mərdəkan, Bakı
Vəfat tarixi	29 mart 1976 (78 yaşında)
Vəfat yeri	Mərdəkan, Bakı
Vətəndaşlığı	Azərbaycan
Elmi dərəcəsi	filologiya elmləri doktoru,
Elmi adı	professor
Üzvlüyü	Azərbaycan Milli Elmlər Akademiyası
Mükafatları

Feyzulla Qasımzadə — Azərbaycan EA-nın həqiqi üzvüi (akademik), filologiya elmləri doktoru, professor, Azərbaycanın Əməkdar elm xadimi və Əməkdar müəllimi.

Həyatı

1898-ci ildə Bakının Mərdəkan kəndində anadan olmuşdur.

Azərbaycan ziyalılarının böyük bir ordusunun müəllimi olmuş, bir neçə nəsl onun dərslikləri ilə təhsil almışdır.

O uzun müddət Bakı Dövlət Universitetində tarix kafedrasının və Azərbaycan Dövlət Pedaqoji İnstitutunda Azərbaycan ədəbiyyatı tarixi kafedrasının müdirləri olmuşdur. 30 elmlər doktoru və 120 elmlər nazmizədi yetişdirmişdir.

SSRİ-nin bir sıra orden və medalları ilə təltif olunmuşdu.

600-dək çap edilmiş elmi məqalənin, onlarla dərslik və monoqrafiyaların müəllifidir.

Onun 50 il pedaqoji və elmi sahədə xidmətləri dövlət tərəfindən yüksək qiymətləndirilmiş, üç dəfə “Qırmızı Əmək Bayrağı” ordeni, “Qafqazın müdafiəsinə görə” (1944) və “Böyük Vətən müharibəsində əmək igidliyinə görə” medalları ilə təltif edilmişdir. 1958-ci ildə “Əməkdar elm xadimi” fəxri adına layiq görülmüşdür.

Feyzulla Qasımzadə 1976-cı ilin 29 martında vəfat etmiş və Mərdəkan kəndində dəfn edilmişdir.

Xarici keçidlər

• [1]