Mərdəkan

Vikipediya, açıq ensiklopediya
Keçid et: naviqasiya, axtar
MƏRDƏKAN
Xəritə
Xəzər rayonu
Xəzər rayonu
Məlumatlar
Əhali 23 600[1] (2013)
Koordinatlar
İnzibati İdarə
Ölkə Azərbaycan
Coğrafi bölgə Abşeron
Rayon Xəzər rayonu
Şəhər Bakı

MərdəkanAzərbaycan Respublikasının Xəzər rayonunun inzibati ərazi vahidində qəsəbə.

Tarixi[redaktə | əsas redaktə]

Mərdəkan şəhər tipli qəsəbə olmaqla yanaşı müalicə-istirahət zonalarından biridir.

Mərdəkanın adı "Mərdlər məkanı" kimi tərcümə olunur, bu da yaşayış məskəninin qədim Mard tayfaları tərəfindən salınmasına işarədir. Mardların adına isə ilk dəfə Qafqaz Albaniyasında yaşayan tayfaların sırasında rast gəlinir. Mərdəkan yaxınlığında qayalarda tunc dövrünə (e.ə. 3-2-ci minilliklər) aid keçi, kaman və s. təsvirləri, habelə qədim yaşayış yerləri aşkar edilmişdir. Hələ qədimdən xalq memarlığının mərkəzi sayılan Mərdəkan haqqında müxtəlif xarici səyyahların salnamələrində məlumatlar var. Bakı milyonçularından Hacı Zeynalabdin Tağıyev, Musa Nağıyev, Şəmsi Əsədullayev və başqalarının burada bağları, yaraşıqlı binaları olmuşdur. Məşhur rus şərqşünası İ.N.Berezin "Abşeron yarımadasına səyahət" (1845) adlı əsərində Mərdəkanda olmasından, bu kəndin tarixi-memarlıq abidələrinin qeyri-adiliyindən yazmışdır. O, 1720-21-ci illərdə Bakı hakimi Mİrzə Məhəmməd xan tərəfindən tikdirilmiş bir qalanı (hazırda dağılmışdır) təsvir etmişdir. Tədqiqatçılar bildirirlər ki, Herodot, Strabon kimi səyyahların da Mərdəkan haqqında yazıları olub.[2]

Dördkünc Mərdəkan qalası

Mədəniyyəti[redaktə | əsas redaktə]

Mərdəkanın qədim tikililərinə dördkünc Mərdəkan qalası-1 (XIV əsr), dairəvi Mərdəkan qalası-2 (1232), Xanbaba hamamı (XIX əsr), Şeyx Kazım hamamı, Pir-Həsən məqbərəsi (1612), Tağıyevin imarəti (1900-cü illər), Tuba Şahi məscidi (1482) ,türbələr (XV və XVII əsrlər) və sair daxildir.Mərdəkan qəsəbəsinin axundu Hacı Saleh Qafarovdur.

Mərdəkanda 4 ümümtəhsil məktəbi, 5 uşaq bağçası, internat, musiqi evi, mədəniyyət sarayı, kitabxana, dendrologiya parkı, xəstəxana, bir neçə sanatoriya və pansionat, eləcə də Avtomat Telefon Stansiyası yerləşir.

Dördkünc qala[redaktə | əsas redaktə]

Dördkünc qala dördkünc həyətin içərisində tikilib. Həyət yeddi metr hündürlüyündə qala divarları ilə əhatə olunmuşdur. Qalanın hündürlüyü 22 m. Kvadrat qalanın üzərindəki yazıda belə məlumat verilir: Müdrik İslamın şahı, Şirvanşah Ahsitan, II Mənuçöhrün oğlu hicri ilə 583-cü il (1187-1189 illər).

Coğrafiyası və iqlimi[redaktə | əsas redaktə]

Xəzər Dənizinin sahilində yerləşir.

Əhalisi[redaktə | əsas redaktə]

Əhalisi 15,760 nəfər.

İstinadlar[redaktə | əsas redaktə]

Mənbə[redaktə | əsas redaktə]

  • Azərbaycan Sovet Ensiklopediyası

Həmçinin bax[redaktə | əsas redaktə]

Xarici keçidlər[redaktə | əsas redaktə]

Vikianbarda Mərdəkan ilə əlaqəli mediafayllar var.

İstinadlar[redaktə | əsas redaktə]