Nəsir İmanquliyev

Vikipediya, azad ensiklopediya
Jump to navigation Jump to search
Nəsir İmanquliyev
Nəsrulla Əsədulla oğlu İmanquliyev[1]
Nəsir İmanquliyev.jpg
Digər adı Nəsrulla İmanquliyev
Doğum tarixi
Doğum yeri Bakı, Bakı quberniyası, Rusiya İmperiyası
Vəfat tarixi (86 yaşında)
Vəfat yeri Bakı, Azərbaycan
Dəfn yeri
Vətəndaşlığı Rusiya İmperiyası Rusiya İmperiyası
Azərbaycan AXC
SSRİ SSRİ
Azərbaycan Azərbaycan
Uşağı
Fəaliyyəti jurnalist
Mükafatları "Azərbaycan SSR əməkdar jurnalisti" fəxri adı — 1990 "Azərbaycan SSR əməkdar mədəniyyət işçisi" fəxri adı — 1976

Nəsir Əsədulla oğlu İmanquliyev (22 dekabr 1911(1911-12-22), Bakı7 mart 1998(1998-03-07)[2], Bakı) — Azərbaycan jurnalisti, elm xadimi və ictimai xadim, Azərbaycan SSR əməkdar jurnalisti (1990), Azərbaycan SSR əməkdar mədəniyyət işçisi (1976).

Həyatı[redaktə | əsas redaktə]

Nizami küçəsində Nəsir İmanquliyevin yaşadığı binanın üzərində xatirə lövhəsi

22 dekabr 1911-ci ildə Bakıda anadan olub. Dövri mətbuatda ilk yazıları tələbəlik illərində çap olunmağa başlayır. Tələbəlik illərində "Kommunist", "Yeni yol", "Gənc işçi" qəzetlərində çalışır. İkinci dünya müharibəsi zamanı, 1942-ci ildə Nəsir İmanquliyev siyasi işçi kimi Krım cəbhəsinə göndərilir, orada o, "Vuruşan Krım" qəzetinin məsul katibi kimi çalışır, həmçinin hərbi hissədə tərcüməçi kimi kömək edir.

Bir il sonra Nəsir İmanquliyev "Kommunist" qəzetinə məsul katib təyin edilir, bu qəzetdə onun vətənpərvərlik mövzusuna həsr edilmiş bir çox məqalələri işıq üzü görür. 1947-ci ildə o, Bakı Dövlət Universitetində pedaqoji fəaliyyətə başlamışdır.[3]

1958-ci ildə Nəsir İmanquliyev "Bakı" qəzetini yaradır və 10 yanvar 1958-ci il tarixində qəzetin ilk nömrəsi işıq üzü görür. 1963-cü ildə isə "Баку" qəzeti rus dilində fəaliyyətə başlayır. Nəsir İmanquliyev uzun illər yaratdığı bu iki qəzetin baş redaktoru vəzifəsində çalışmışdır.

Nəsir İmanquliyev uzun illər Bakı Dövlət Universitetində pedaqoji fəaliyyətlə məşğul olmuş, müəllim, dosent, professor olmuşdur. O, respublika üçün gənc jurnalist kadrlarının hazırlanması işində aktiv iştirak etmişdir.[4] Professor Nəsir İmanquliyev 1998-ci ildə Bakı şəhərində vəfat etmişdir.

Nəsir İmanquliyev Balahəsənli bəylərindən olan Yusif bəy Sultanovun qızı Gövhər Sultanzadə ilə ailə həyatı qurmuş və bu evlilikdən onların yeganə qız övladı, görkəmli şərqşünas alim Aida İmanquliyeva dünyaya gəlmişdir. Aida xanım Azərbaycan Respublikasının Birinci vitse-prezidenti Mehriban Əliyevanın anasıdır.[5]

2011-ci ilin dekabrında Azərbaycan Respublikasının Prezidentinin sərəncamına əsasən Azərbaycanda Nəsir İmanquliyevin 100 illiyinə həsr olunmuş silsilə yubiley tədbirləri keçirilmişdir.

Mükafatları[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. Azərbaycanın tanınmış ictimai-siyasi xadimi və publisisti, Əməkdar jurnalist NƏSİR İMANQULİYEV (PDF).
  2. 1 2 http://anl.az/el/emb/NESIR_Imanquliyev/haqqinda/kitab/N.I.-100.pdf
  3. http://pda.1news.az/articles.php?sec_id=4&item_id=20111210015846159 Состоялась конференция по случаю 100-летнего юбилея корифея национальной печати Насира Имангулиева
  4. http://www.azxeber.com/news/10991.htm Nəsir İmanquliyevin 100 illik yubileyi ilə əlaqədar konfrans keçirildi
  5. http://www.adam.az/az.php?misc=search&subaction=showfull&id=1215261600&archive=&cnshow=news&ucat=8,37&start_from=&go=search Aida İmanquliyeva