Şirməmməd Hüseynov

Vikipediya, azad ensiklopediya
Jump to navigation Jump to search
Şirməmməd Hüseynov
Şirməmməd Hüseynov.jpg
Doğum tarixi 17 dekabr 1924(1924-12-17)
Doğum yeri
Vəfat tarixi 24 iyun 2019(2019-06-24) (94 yaşında)
Vəfat yeri
Vətəndaşlığı SSRİ SSRİ
Azərbaycan Azərbaycan
Elm sahəsi mətbuat
Elmi adı professor
İş yeri Bakı Dövlət Universiteti
Mükafatları "Şərəf" ordeni

Şirməmməd Ağaməmməd oğlu Hüseynov (17 dekabr 1924(1924-12-17), Nuxa24 iyun 2019(2019-06-24), Bakı) — Azərbaycanın görkəmli alim və mətbuat tədqiqatçısı, Ali Media Mükafatı laureatı, Prezident təqaüdçüsü, Bakı Dövlət Universitetinin mətbuat tarixi və ideoloji iş metodları kafedrasının professoru.

Həyatı[redaktə | əsas redaktə]

Şirməmməd Hüseynov 1924-cü ildə Şəkidə anadan olub. 1940-cı ildə orta məktəbi bitirib. 1941-1943-cü illərdə Şəki Müəllimlər İnstitutunun fizika-riyaziyyat fakültəsinə daxil olub. İkinci dünya müharibəsi dövründə Zaqatalada və Şəkidə müəllim işləyib. 1945-1950-ci illərdə Bakı Dövlət Universitetinin filologiya fakültəsinin jurnalistika şöbəsini bitirib. 1950-1954-cü illərdə M.V.Lomonosov adına Moskva Dövlət Universitetinin jurnalistika fakültəsinin aspiranturasında təhsilini davam etdirib. 1954-cü ildə MDU, jurnalistika fakültəsində namizədlik dissertasiyası müdafiə edib. 1954-1961-ci illərdə BDU, filologiya fakültəsi jurnalistika kafedrasının müəllimi, dosent vəzifələrində çalışıb. 1962-1969-cu illərdə BDU, filologiya fakültəsinin dekan müavini, 1961-1971-ci illərdə BDU, jurnalistikanın nəzəriyyə və təcrübəsi kafedrasının dosenti, 1971-1976-cı illərdə isə BDU, Jurnalistika fakültasinin dekanı vəzifəsində çalışıb. 1971-1988-ci illərdə BDU, mətbuat tarixi kafedrasının dosenti, 1976-1988-ci illərdə BDU, mətbuat tarixi kafedrasının müdiri 1988-ci ildən isə BDU, mətbuat tarixi kafedrasının professoru olmuşdur.[1][2]

Mükafatları[redaktə | əsas redaktə]

  • 1948 — "Nizami təqaüdü"
  • 1966 — 1972: "Qızıl qələm" mükafatı
  • 1988 — "Əməkdar jurnalist" fəxri adı
  • 1991 — Zərdabi adına mükafat
  • 1992 — Y.Məmmədəliyev adına mükafat
  • 1998 — M.Ə.Rəsulzadə adına mükafat
  • 2014 — "Şərəf" ordeni

Kitabları[redaktə | əsas redaktə]

  • Məhəmməd Əmin Rəsulzadə əsərləri (5 cild). Bakı, 1992-2018
  • Azərbaycan legionerləri. Bakı, 2003
  • Milli haqq və ədalət axtarışında. Bakı, 2004
  • Mənəvi irsimiz və gerçəklik. Bakı, 2004

Ölümü[redaktə | əsas redaktə]

24 iyun 2019-cu ildə Bakıda dünyasını dəyişib.[3] İkinci Fəxri Xiyabanda dəfn olunub. [4]

Ailəsi[redaktə | əsas redaktə]

Şirməmməd Hüseynovun böyük qızı Fərəh Əliyeva Mədəniyyət və İncəsənət Universitetinin rektoru, daha sonra isə Azərbaycan Respublikası Prezidentinin Administrasiyasının humanitar siyasət məsələləri şöbəsinin müdiri təyin edilib.[5] Kiçik qızı Lalə Hüseynova Azərbaycan Milli Konservatoriyasının Elmi İşlər üzrə prorektorudur.[6]

İstinadlar[redaktə | əsas redaktə]

  1. "Жизнь, посвященная науке, образованию и печати" (rus. ). azertag.az. 22 dekabr 2014.
  2. "Şirməmməd Hüseynovla vida mərasimi keçirilir". ona.az. 25 iyun 2019.
  3. "Şirməmməd müəllimi itirdik..." azertag.az. 24 iyun 2019.
  4. "Şirməmməd Hüseynov vəfat etdi". realtv.az. 24 iyun 2019.
  5. "F.Ş.Əliyevanın Azərbaycan Respublikası Prezidentinin Administrasiyasının humanitar siyasət məsələləri şöbəsinin müdiri təyin edilməsi haqqında Azərbaycan Respublikası Prezidentinin Sərəncamı". president.az. 11 may 2018.
  6. "Hüseynova Lalə". konservatoriya.az.

Xarici keçidlər[redaktə | əsas redaktə]