Empire Ants
| "Empire Ants" | |
|---|---|
 | |
| İfaçılar | Gorillaz və Yukimi Naqano |
| Albom | Plastic Beach |
| Yayımlanıb | 3 mart 2010 |
| Janr |
|
| Dil | ingilis dili |
| Müddət | 4:43 |
| Bəstəkar |
|
| Sözlərin müəllifi |
|
| Prodüser | Gorillaz |
| Studiya | Studio 13, London |
Empire Ants — Böyük Britaniyanın virtual musiqi qrupu olan Gorillaz-ın sayca üçüncü studiya albomu "Plastic Beach"-də səsləndirilmiş mahnı. Mahnıda İsveçin trip-hop qrupu Little Dragon-un solisti Yukimi Naqano xüsusi qonaq qismində çıxış edir. Mahnının musiqi tərtibatı Deymon Albarn və Little Dragon qrupunun üzvləri tərəfindən yaradılmışdır.
|
Little memories, marching on
Your little feet, working the machine Soon like a wave that pass will fall |
|
Yazılması
[redaktə | mənbəni redaktə et]
Deymon Albarn Little Dragon qrupu haqqında ilk dəfə onların musiqisinin pərəstişkarı olan partnyoru Suzi Vinstenlidən eşitmişdi.[1] Little Dragon-un vokalisti Yukimi Naqano etiraf edir ki, əməkdaşlığa başlamazdan əvvəl Gorillaz haqqında ümumiyyətlə heç bir məlumatı olmayıb. Yukimi Naqano əvvəlcə Gorillaz ilə əməkdaşlıq ideyasına açıq deyildi və tərəddüd edirdi. Yukiminin meneceri ona məlumat verib ki, Gorillaz-ın arxasında dayanan şəxs 1990-cı illərin tanınmış İngiltərə rok qrupu olan Blur-un üzvü Deymon Albarndır. Bu xəbəri alanda Yukimi, Deymonun hələ də musiqi hazırladığını öyrənəndə təəccüblənib. O, ifadəsində bildirib ki, "əvvəlcə Gorillaz ilə əməkdaşlıq etməyin nə qədər böyük bir iş olduğunu başa düşməyib, çünki onların nə qədər məşhur olduğunu bilmirdi".[2]
Yukimi Naqano bir neçə gün boyunca Albarnın Londondakı şəxsi studiyası "Studio 13"-də onunla birlikdə çalışıb. Naqano sessiyalar zamanı yazılan "Empire Ants" və "To Binge" mahnılarına öz töhfələrini verib. Deymon Albarn studiyada Yukimi Naqano üçün bir neçə müxtəlif instrumental treklər təqdim edib — onun bu layihədə istifadə etmək istəyəcəyi musiqini seçməsinə icazə verib. Naqano ifadə edir ki, Albarn ilə musiqi üzərində işləmək müsbət təcrübə olub, onu müxtəlif ideya və üslublara açıqlığına görə təqdir edir.[3]
İstinadlar
[redaktə | mənbəni redaktə et]- ↑ "Damon Albarn & Yukimi Nagano Interview". Dazed. 2010. 2021-12-15 tarixində arxivləşdirilib. İstifadə tarixi: 14 August 2017 – Youtube vasitəsilə.
- ↑ Cragg, Michael. "A fairytale unicorn roadtrip with Little Dragon". dazeddigital.com. 14 February 2014. 23 September 2015 tarixində arxivləşdirilib. İstifadə tarixi: 14 August 2017.
- ↑ Hanek, Joel. "GORILLAZ GET TOUR AND STUDIO SUPPORT FROM LITTLE DRAGON". mtv.com. 11 October 2010. August 14, 2017 tarixində orijinalından arxivləşdirilib. İstifadə tarixi: 14 August 2017.