Endo Şusaku Ədəbiyyat Muzeyi

Vikipediya saytından
Naviqasiyaya keç Axtarışa keç
Endo Şusaku Ədəbiyyat Muzeyi
遠藤周作文学館
Xəritə
Əsası qoyulub 13 may 2000
Təsisçi
Mövzu Şusaku Endo[d]
Ölkə
Yerləşir Naqasaki, Naqasaki prefekturası
Telefon +81-959-37-6011[1]
Bilet 360 ¥[1], 200 ¥[1]
32°50′09″ şm. e. 129°42′09″ ş. u.
city.nagasaki.lg.jp/endo…
Vikianbarın loqosu Vikianbarda əlaqəli mediafayllar

Endo Şusaku Ədəbiyyat Muzeyi (遠藤周作文学館, Endo Şusaku Bunqaku-kan?) – Yaponiyanın Naqasaki şəhərində yerləşən ədəbiyyat muzeyi. Yaponiya romançısı Şusaku Endonun həyat və yaradıcılığına həsr olunmuşdur.

Tarixi

[redaktə | mənbəni redaktə et]
Muzeyin interyeri kilsəni xatırladır.

Şusaku Endonun 1996-cı ildəki ölümündən sonra həyat yoldaşı Cunko Endo və digər ailə üzvləri yazıçı üçün muzeyin açılması ideyası ilə çıxış etmişdirlər. Muzey 2000-ci ilin mayında açılmışdır. Muzeyin ilkin adı "Sonome Qəsəbə Endo Şusaku Ədəbiyyat Muzeyi" olsa da, 2005-ci ildə "Naqasaki Şəhər Endo Şusaku Ədəbiyyat Muzeyi" olaraq adlandırılmışdır.[2]

Muzeydə yazıçının bir sıra nəşr olunmamış əsərləri kəşf olunmuşdur. 2020-ci ildə muzey Endonun "Kölgəyə" adlı romanının əlyazmasını kəşf etdiyini açıqlamışdır. 2022-ci ildə muzeydə yazıçının nəşr olunmamış 3 pyesinin əlyazması aşkarlanmışdır.[3]

Xüsusiyyətlər

[redaktə | mənbəni redaktə et]

Şusaku Endo xristianlar mövzusunda yazdığı "Səssizlik" və "İsanın həyatı" romanlarına görə tanınır. Bu səbəbdən muzey Yaponiyada xristianlığın vətəni hesab olunan Naqasaki şəhərinin Sotome rayonunda, Sumonada dənizinin sahilində yaradılmışdır. Bu ərazi keçmişdə xristian kəndi olmuşdur və "Səssizlik" romanındakı bəzi hadisələr burada baş verir.[2]

Muzeydə Endonun həyat və yaradıcılığından bəhs edən 25.000-dən çox eksponat sərgilənir. Muzeyin sərgi otağında yazıçının əlyazmaları, ləvazimatları, iş masası nümayiş etdirilir. Əsas sərgi "Uşaqlıq", "Kollec illəri", "Fransada təhsil", "Yazıçı yolu", "Həyat və yaradıcılığının kuliminasiyası" kimi bölmələrə ayrılır.[4] Giriş zalının interyeri kilsəni xatırladacaq formada dizayn edilmişdir.[5]

2023-cü ildə muzeydə yazıçının 100 illiyi qeyd olunmuş, "Səssizlik" romanının film adaptasiyasının rejissoru Martin Skorseze kimi şəxslərin mesajları daimi sərgiyə əlavə olunmuşdur.[5]

İstinadlar

[redaktə | mənbəni redaktə et]
  1. ↑ 1 2 3 お問い合わせ.
  2. ↑ 1 2 "施設紹介". Muzeyin rəsmi saytı (yaponca). 17 iyun 2024 tarixində arxivləşdirilib. İstifadə tarixi: 17 iyun 2024.
  3. ↑ "3 unpublished plays by Shusaku Endo found in author's museum". The Asahi Shimbun (ingiliscə). 19 yanvar 2022. 17 iyun 2024 tarixində arxivləşdirilib. İstifadə tarixi: 17 iyun 2024.
  4. ↑ "常設展示". Muzeyin rəsmi saytı (yaponca). 17 iyun 2024 tarixində arxivləşdirilib. İstifadə tarixi: 17 iyun 2024.
  5. ↑ 1 2 "Start of a Journey: Nagasaki's Literature Museum by the Sea". Nippon.com (ingiliscə). 25 dekabr 2023. 17 iyun 2024 tarixində arxivləşdirilib. İstifadə tarixi: 17 iyun 2024.

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Endo_Şusaku_Ədəbiyyat_Muzeyi&oldid=7671746"