Etimad Başkeçid
| Etimad Başkeçid | |
|---|---|
| Etimad Murtuz oğlu Başkeçid | |
| Doğum adı | Etimad Muradov |
| Təxəllüsü | Etimad Başkeçid |
| Doğum tarixi | 14 iyul 1966 (57 yaş) |
| Doğum yeri | |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Təhsili | |
| İxtisası | filoloq |
| Fəaliyyəti | yazıçı |
| Əsərlərinin dili | azərbaycanca |
| Janrlar | şeir, hekayə |
| Mükafatları | Prezident təqaüdçüsü (2008-2009) |
| bashkecid.blogspot.com | |
Muradov Etimad Murtuz oğlu (Etimad Başkeçid; 14 iyul 1966, İpnari, Dmanisi rayonu) — azərbaycanlı şair, yazıçı, jurnalist, tərcüməçi.
Həyatı[redaktə | mənbəni redaktə et]
Etimad Başkeçid 1966-cı il iyulun 14-ü Gürcüstanın SSR-in Dmanisi rayonunun Kirovisi kəndində anadan olub. 1973-1983-cü illərdə Kirovisi orta məktəbində təhsil alıb. 1988-1993-cü illərdə M.Qorki adına Moskva Ədəbiyyat İnstitutunda oxuyub. Bakı Slavyan Universitetinin Filologiya fakültəsinin Jurnalistika şöbəsinin (2007-2008) və "Tərcümə nəzəriyyəsi və praktikası" kafedrasının müdiri (2011), "Tərcümə problemləri" elmi tədqiqat laboratoriyasının elmi işçisi (2004-2005), universitetin "Tələbə dünyası" qəzetinin baş redaktoru (2005-2007), Jurnalistika kafedrasının müəllimi və Folklor araşdırması ETL-in aparıcı elmi işçisi (2009-2010), Folklor araşdırmaları ETL-in böyük elmi işçisi və Jurnalistika nəzəriyyəsi və praktikası kafedrasının müəllimi (2011-2012) olub. Hazırda Nazirlər Kabineti yanında Azərbaycan Tərcümə Mərkəzinin əməkdaşıdır. [1]
2009-cu ildən AMEA Folklor İnstitutunun dissertantıdır. "Məhsəti türklərinin sürgün folkloru" mövzusunda elmi iş üzərində işləyir.
2004-cü ildən Azərbaycan Yazıçılar Birliyinin, eləcə də birliyin Gənclər şurasının üzvüdür. AYB-nin "Dünya ədəbiyyatı" jurnalının redaksiya heyətinin üzvü, "Mütərcim" jurnalının redaktoru, Prezident təqaüdçüsü (2008-2009) olmuşdur.
Çox sayda publisistik məqalənin, bir neçə elmi məqalənin, bir çox bədii və elmi kitabın redaktoru və önsözünün müəllifidir.
Rus və türk dillərini bilir.
Evlidir. İki oğlu var.
Kitabları[redaktə | mənbəni redaktə et]
- Panoptikum (şeirlər və hekayələr)
- Y.Polyakov. Süddə çəpiş.
- L.Anninski. Ceviz ləpəsi.
- S.Kinq. Ölü zona.
- V.Jirmunski. Xalq qəhrəmanlıq eposu[2]
İstinadlar[redaktə | mənbəni redaktə et]
- ↑ "Etimad Başkeçid: "Nə yaxşı Allah məni Tərcümə Mərkəzinə ürcah elədi" (müsahibə)". 2021-09-17 tarixində arxivləşdirilib. İstifadə tarixi: 2020-05-02.
- ↑ "Viktor Jirmunskinin "Xalq qəhrəmanlıq eposu" Azərbaycan dilində nəşr olunub". 2021-04-10 tarixində arxivləşdirilib. İstifadə tarixi: 2020-05-02.
Xarici keçidlər[redaktə | mənbəni redaktə et]
- 14 iyulda doğulanlar
- 1966-cı ildə doğulanlar
- Yaşayan insanlar
- Dmanisi rayonunda doğulanlar
- Maksim Qorki adına Ədəbiyyat İnstitutunun məzunları
- Əlifba sırasına görə yazıçı və şairlər
- Azərbaycan yazıçıları
- Azərbaycanlı yazıçılar
- Azərbaycan şairləri
- Azərbaycanlı şairlər
- Azərbaycan tərcüməçiləri
- Azərbaycanlı tərcüməçilər