Ettore Buqatti

Vikipediya, açıq ensiklopediya
Jump to navigation Jump to search
Ettore Buqatti
Ettore Buqatti 1932-ci il
Ettore Buqatti 1932-ci il
Doğum tarixi: 15 sentyabr 1881(1881-09-15)
Vəfatı: 21 avqust 1947 (65 yaşında)

Ettore Buqatti (d.15 sentyabr, 1881 - ö.21 avqust, 1947) — italyan avtomobil mühəndisi və dizayneri

Həyatı[redaktə | əsas redaktə]

Ettore Buqatti 15 sentyabr 1881-ci ildə Milanda anadan olub[1]. Uşaqkən onu Milanda incəsənət məktəbinə qoyurlar. Ettore burada rəssamlıq və arxitektura öyrənib.

Ettore Bugatti 1947-ci ildə 66 yaşında beyninə qan sızması nəticəsində Parisdə vəfat edib[1].

Ailəsi[redaktə | əsas redaktə]

Buqattilər ailəsi İtaliyaya məşhur rəssam və arxitektorlar bəxş edib. Ettorenin qardaşı Rembrandt da məşhur rəssam olub.

Ettore 2 dəfə ailə həyatı qurub. 2 nikahdan onun 5 övladı dünyaya gəlib. Bunlardan ən məşhuru isə şübhəsiz Jan olub. Jan 1909-cu ildə anadan olub[1].

Fəaliyyəti[redaktə | əsas redaktə]

1933 Bugatti Type 59 Grand Prix 34.jpg

14 yaşında ona hədiyyə edilən velosipedi modifikasiya etdikdə isə valideynləri onun mexanikaya olan həvəsini dəyərləndirirlər. 17 yaşında o, velosiped istehsal edən “Prinetti & Stucchi” şirkətinə işə düzəlir. Yaşı az olduğundan əmək müqaviləsinə atası imza atır. Sonra özünün bu şirkətdə hazırladığı nəqliyyat vasitəsində çempion olur. 1900-cü ildə italyan maliyyəçinin dəstəyi ilə hazırladığı “Bugatti Type 2” avtomobili ilə də o böyük uğur əldə edir[1].

Ettore sonrakı taleyini bütünlükdə Fransa ilə, daha doğrusu Fransanın Elzas bölgəsi ilə bağlayıb. Əvvəllər o, 2 avtomobil istehsalçısı ilə birgə layihələr həyata keçirməyə çalıçsa da, iş uğurlu alınmır. Başqası üçün işləməyi qəbul etməyən Ettore nəhayət 1909-cu ildə öz müəssisəsini qurmağa nail olur.

Üstün texniki göstəricilərə malik “Bugatti” avtomobilləri 1910-cu ildə Paris avtomobil sərgisində çox böyük uğur əldə edir. Gözəl dizayn, keyfiyyətli yığma və yüksək estetika modelə böyük uğur gətirir.

Ettorenin uğurunu zəhmli, tələbkar, lakin hər zaman ədalətli davranış nümayiş etdirən iş adamı olması ilə əlaqələndirirlər. Patron ləqəbli Ettore işçilərin ən xırda təkliflərini belə dəyərləndirirdi. Bununla da yanında çalışan mühəndisləri innovasiyalara həvəsləndirirdi.

37 il ərzində o, hər zaman avtomobil kolleksiyaçılarının diqqətini çəkəcək 7500 avtomobil istehsal etdi. Onun modelləri 10000 qələbəyə və 37 rekorda imza atıb. Ettore özü isə 37 müəlliflik şəhadətnaməsinə sahib idi[1].

Ettore bu sözləri özünə deviz seçmişdi: "Heç nə çox baha, heç nə də çox gözəl deyil". Ilk vaxtlar isə ona avtomobilin tormoz sisteminin zəif olduğunu bildirəndə, Ettorenin cavabı belə olub: "Mənim avtomobillərim getmək üçündür, dayanmaq üçün yox"[1].

Ettore Buqattinin qurduğu şirkət hələ də fəaliyyətini davam etdirir.

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 Lent.az (15.09.2010/19:01). "Bu gün məşhur konstruktor Ettore Buqattinin doğum gündür" (az). news.lent.az. http://news.lent.az/news/44210. İstifadə tarixi: 31-03-2014.

Həmçinin bax[redaktə | əsas redaktə]

Vikianbarda Ettore Buqatti ilə əlaqəli mediafayllar var.