Fərhad Səmədov

Vikipediya, azad ensiklopediya
Jump to navigation Jump to search

Fərhad Astan oğlu Səmədov (d. 23 aprel 1959, Qardabani, Gürcüstan SSR, SSRİ) — Başqırdıstan Respublikası baş Nazirinin müavini[1]. Rusiya Federasiyasının fəxri kimyaçısı. Texnika elmləri namizədi.

Fərhad Astan oğlu Səmədov 23 aprel 1959-cu ildə Gürcüstanın Qardabani şəhərində anadan olub[2].

Moskvada Mühəndis-İnşaat İnstitutunu bitirib[2]. Texnika elmləri namizədidir[2].

Əmək fəaliyyətinə 1982-ci ildə Azərbaycanda başlayıb, mühəndis və böyük mühəndis vəzifələrində çalışıb[2].

1994-1998-ci illərdə “Eksimer” Elm-istehsalat müəssisəsinin baş direktorunun müavini olub[2].

2000-ci illərin əvvəllərindən başlayaraq 2009-cu ilə qədər Başqırdıstanın iri müəssisələri olan “Kaustik” QSC-yə, “Soda” ASC-yə rəhbərlik edib[2].

Daha sonra “Birləşmiş neftkimya şirkəti”nin prezidenti olub[2].

2016-cı ilin yanvarında Rusiyanın Başqırdıstan Respublikası Prezidentinin fərmanı ilə Baş nazirin müavini təyin olunub[2]. O, bu vəzifədə Başqırdıstan Respublikasının sənaye, innovasiya proseslərinə, informasiya texnologiyalara nəzarət edir[2].

İstinadlar[redaktə | əsas redaktə]

  1. pravitelstvorb.ru
  2. 1 2 3 4 5 6 7 8 9 Fərhad Səmədov baş nazirin müavini təyin edildi. qaynarinfo.az, 27.01.2017  (azərb.)