FK Qarabağ Vyana

Vikipediya, açıq ensiklopediya
Jump to navigation Jump to search
Disambig.svg Bu məqalə Vyana şəhərini təmsil edən FK Qarabağ haqqındadır. Digər mənalar üçün Qarabağ FK (dəqiqləşdirmə) səhifəsinə baxın.
Soccerball mark.svg
FK Qarabağ Vyana
FC-Karabakh-Wien.png
Klubun tam adı Futbol Klubu Qarabağ
Yaranma tarixi 22 sentyabr, 2014
Stadionu Wiener Sportclub-Platz
Tutumu 7,828
Sahibi Flag of Azerbaijan.svg Orxan Vəliyev
Prezidenti Flag of Azerbaijan.svg Orxan Vəliyev
MenecerFlag of Azerbaijan.svg Ramin Şükürov
Baş məşqçisiFlag of Turkey.svg Volkan Kahraman
LiqaAvstriya Stadt Ligada
Rəsmi saytı

FK Qarabağ Vyana (alm. Fußballclub Karabakh Wien‎) — paytaxt Vyananı təmsil edən Avstriya Futbol Federasiyası klubudur və hazırda Avstriya Stadt Ligada mübarizə aparır. Klub ev oyunlarında rəqiblərini 7.828 nəfərlik Wiener Sportclub-Platz arenasında qəbul edir.

Tarixi[redaktə | əsas redaktə]

Qarabağ Vyana futbol klubu 2014-cü ildə Vyana Futbol Federasiyasında (WFV) rəsmi qeydiyyatdan keçərək, Oberliga A da mübarizə aparmaq üçün lisenziya əldə etmişdir. Oberliga rəsmi olaraq Vyana Futbol Federasiyasının 3-cü, Avstriya Futbol Federasiyasının isə 6-cı liqasıdır.

2014-2015 mövsümü[redaktə | əsas redaktə]

2014-2015-ci il mövsümündə Oberliga A-da FK Qarabağ Vyana keçirdiyi 26 oyundan 17 qalibiyyət, 2 bərabərlik və 7 məğlubiyyət ilə sezon sonunda 55 xal toplayaraq, sadəcә 2 xallıq fәrqlә 14 klubun iştirak etdiyi liqanı ikinci olaraq bitirmişdir. Klub eyni sezonda parallel olaraq Vyana kubokunda iştirak etmiş və 5 mərhələ ard-arda qələbə qazanmışdır. Yeni qurulan bir klub üçün əldə olunmuş nəticə yerli ekspertlər tərəfindən yüksək qiymətləndirilmişdir.

2015-2016 mövsümü[redaktə | əsas redaktə]

FK Qarabağ Vyana 2015-2016 ci il mövsümünə isə bir liga daha yüksək olan 2 Landesliga-dan başlamışdır. 2 Landesliga Vyana Futbol Federasiyasının rəsmi olaraq 2-ci liqası, Avstriya Futbol Federasiyasının isә 5-ci liqası hesab olunur. İdarə heyəti tərəfindən əsas komanda qarşısında bu liqada ilk dəfə çıxış etməsinə baxmayaraq, əsas məqsəd kimi sadəcə çempionluq qoyulmuşdur. Belə ki, FK Qarabağ Vyana 2 Landesligada 30 görüş keçirdərək, 21 qalibiyyət, 4 bərabərlik və 5 məğlubiyyət nəticəsində 67 xal toplamış və 16 komandanın mübarizə apardığı liqada ən yaxın izləyicisini 4 xal qabaqlayaraq çempion olmuşdur.[1]

Eyni sezonda klub Vyana Kubokunda da parallel iştirak edərək, böyük uğur əldə etmişdir. Vyana Futbol Federasiyasının 289 klubunun iştirak etdiyi Vyana kubokunda klubumuz finala qədər yüksəlmiş və Avstriya milli futbol komandasının ev oyunlarını keçirtdiyi Ernst-Happel Stadionunda digər finalist SV Gersthof üzərində 2-0 inamlı qələbə qazanaraq, çempion olmuşdur. FK Qarabağ Vyana 2 Landesliga tarixinə ilk dəfə eyni sezon liqanı və şəhər kubokunu qazanan klub olaraq keçmişdir.

Kluba sezonun 3-cü çempionluğunu isə C liqasında mübarizə aparan U 18 komandası gətirmişdir. Beləliklə, 2015-2016-cı illərdə FK Qarabağ Vyana aktivinə 3 çempionluq yazdıraraq, tarixi bir sezon keçirtmişdir.

2016-2017 mövsümü[redaktə | əsas redaktə]

2016-2017-ci il sezonunda FK Qarabağ Vyana ən yüksək şəhər liqasında mübarizəyə start verəcəkdir. Bu sezon klubun mübarizə aparacağı Stadtliga Vyana Futbol Federasiyasının 1-ci liqası , Avstriya Futbol Federasiyasının isə 4-cü liqasıdır. Sezona ciddi hazırlaşan klub, ilk olaraq 2016-cı il 19 avqust tarixində səfər oyununa çıxacaqdır. Stadtligada ümumilikdə 16 klub arasında 30 görüş keçirəcək olan FK Qarabağ Vyana yerli ekspertlər tərəfindən çempionluq tituluna əsas namizəd kimi göstərilir.

2016-2017- ci il sezonunda FK Qarabağ Vyana ilk dəfə olaraq Vyana əyalət çempionu kimi, Avstriya kubokunda iştirak hüququ qazanmış[2]2016-cı il 8 iyul tarixində Avstriyanın ən tanınmış klubu olan Rapid Vyana FK klubu ilə qarşılaşmışdır. İki klub arasında istər tarixi, istər büdcə, istərsə də güc nisbətinə baxmayaraq, FK Qarabağ Vyana yerli ictimaiyyəti təəccübləndirəcək dərəcədə yüksək mübarizə aparmış və 1-3 hesabı ilə Rapid Vyana FK qarşısında məğlub olmuşdur.[3]

Gənclər məktəbi[redaktə | əsas redaktə]

“Qarabağ Vyana” futbol məktəbi U-7, U-9, U-10, U-11, U-12, U-13, U-14, U-16 və U-18 fərqli yaş qruplarından ibarət olmaqla, 9 uşaq-gənclər komandasına sahibdir. Paralel olaraq, uşaqların kiçik yaşlardan etibarən tam potensialını üzə çıxarmaq və doğru inkişaf etmələri üçün futbol məktəbində fitnes, mental və texnika üzrə tədris bazası təcrübəli məşqçilərin iştirakı ilə səmərəli və planlı şəkildə qurulmuşdur. Klubun uşaq-gənclər idman məktəbi 20 fərqli millətdən olan 200 kiçik yaşlı və gənc futbolçudan, 25 nəfərlik məqşçi heyətindən və 5 əlavə texniki işçidən ibarətdir. “Qarabağ Vyana” futbol klubu multikultural uşaq-gənclər idman məktəbi heyəti ilə Vyana futbolunda seçilən müsbət xüsusiyyətə malikdir.

Mütəxəssislərin rəyi[redaktə | əsas redaktə]

Almaniya və Avstriya futbol liqalarının mütəxəssis saytı fanreport.com internet portalı tərəfindən Karabakh Vyana futbol klubu son 1 ildə göstərdiyi uğura görə Vyana Əyalətinin ən yaxşı 100 klubu arasında ilk 5-də qərarlaşmışdır.

Uğurlar[redaktə | əsas redaktə]

Avstriya 2. Landesliga

  • Çempionluq : 2015/2016 2 Landesliga,
  • 2015/2016 Vyana Kuboku

Hazırki Heyət[redaktə | əsas redaktə]

Əsas Heyət[redaktə | əsas redaktə]

3 İyul 2016-ya olan heyət. [4]

Nömrə Ölkə Mövqeyi Futbolçu
Flag of Austria.svg GK Michael Harrauer
Flag of Turkey.svg GK Kemal Yarar
Flag of Serbia.svg GK Nemanja Marković
Flag of Turkey.svg DF Mustafa Erdoğan
Flag of Turkey.svg DF Selçuk Kılıç
Flag of Austria.svg DF Sasa Sormaz
Flag of Austria.svg DF Aykut Tekinsoy
Flag of Turkey.svg DF Kerim Gündemir
Flag of Austria.svg DF Burak Aksoy
Flag of Bosnia and Herzegovina.svg DF Aleksandar Ivanović
Flag of Austria.svg DF Christian Thonhofer
Flag of Turkey.svg MF Emre Kara
Flag of Austria.svg MF Tolgahan Medet
Flag of Austria.svg MF Ali Cetiner
Nömrə Ölkə Mövqeyi Futbolçu
Flag of Turkey.svg MF Ersan Gültekin
Flag of Serbia.svg MF Marko Stevanović
Flag of Austria.svg MF Milan Sapardić
Flag of Austria.svg MF Erkut Tekinsoy
Flag of Serbia.svg MF Nemanja Stojanović
Flag of Turkey.svg MF Muhammed Keskin
Flag of Germany.svg MF Markus Aigner
Flag of Poland.svg MF Bartlomiej Dolubizna
Flag of Austria.svg MF Deniz Saritas
Flag of Austria.svg FW Manuel Tichy
Flag of Austria.svg FW Kenan Çolakoğlu
Flag of Turkey.svg FW Erdal Kara
Flag of Austria.svg FW Edip San
Flag of Austria.svg FW Ercan Kara

Əvəzedici heyət[redaktə | əsas redaktə]

Nömrə Ölkə Mövqeyi Futbolçu
Flag of Austria.svg DF Kamran Afzali
Flag of Austria.svg DF Ahmed Mostafa
Flag of Austria.svg MF Oliver Ifkovits
Nömrə Ölkə Mövqeyi Futbolçu
Flag of Turkey.svg MF Volkan Atak
Flag of Afghanistan.svg MF Ziajan Sharifi

İdarə heyəti[redaktə | əsas redaktə]

Klub idarə heyətində 4 azərbaycanlı, 1 avstriyalı və 1 türk təsisçi var.

  • Klubun ideya müəllifi və təsisçisi Orxan Vəliyevdir. Vyana İqtisadiyyat Universitetinin məzunudur.Gənc iş adamıdır.
  • Ramin Şükürov klubun baş meneceridir. Vyana Universitetinin hüquq fakultəsinin məzunudur. Gənc hüquqşünasdır. Klubun təsisçilərindən biridir.
  • Ülvi Rzayev klubun vitse-prezidentidir.Vyana İqtisadiyyat Universitetinin məzunudur. Gənc iş adamıdır. Klubun təsisçilərindən biridir.
  • Sanan Ahmadov klubun maliyyə şöbəsinin rəhbəridir. Vyana Universitetinin tələbəsidir. Klubun təsisçilərindən biridir.
  • Kamuran Kuş klubun idarə heyətinin üzvüdür. Vyana Universitetinin məzunudur. Gənc iş adamıdır. Turkiyə vətəndaşıdır. Klubun təsisçilərindən biridir.
  • Manfred Modli klubun vitse prezidentidir. Avstriya vətəndaşıdır. Avstriya Avarçəkmə Federasiyasının prezidentidir. Vyana ictimaiyyətində tanınan şəxslərdən biridir.

Məşqçi tarixi[redaktə | əsas redaktə]

3 İyul 2016-ya olan məlumat. [5]

  • İlija Sormaz (2014-2015)
  • Hans Slunecko (2015-2016)
  • Volkan Kahraman (2016-indiyə qədər)

İstinadlar[redaktə | əsas redaktə]

Xarici keçidlər[redaktə | əsas redaktə]