Fatimə Ağamirzəyeva

Vikipediya, azad ensiklopediya
Jump to navigation Jump to search
Fatimə Ağamirzəyeva
Doğum tarixi 10 yanvar 1953(1953-01-10) (70 yaş)
Fəaliyyəti xalçaçı, siyasətçi
Partiyası
Mükafatları Azərbaycan Respublikasının əməkdar incəsənət xadimi

Fatimə Ağamirzəyeva Ayıbxan qızı (10 yanvar 1953) — Azərbaycanlı xalçaçı, sahibkar.

Bioqrafiya[redaktə | mənbəni redaktə et]

Təhsil[redaktə | mənbəni redaktə et]

Fatimə Ağamirzəyeva 1953-cü ildə anadan olub. 1967-ci ildə KT Texnikumuna daxil olub və 1971-ci ildə bitirib. 1974-cü ildə Dağıstan Mahaçkala şəhərində Politexnik İnstitutunun Texnologiya fakültəsinə daxil olub.

1974-cü ilin martında Quba Müəllimlər Evində biçmə-tikmə kursları açıb və 1988-ci ilə dək kurslar fasiləsiz davam edib. Bu kurslar eyni zamanda Bakıda Folklyer sarayında 3 il davam etmişdir. Kursları aparmaq üçün tədris proqramının olmadığına görə, "Biçməyi-Tikməyi öyrənin" adlı tədris kitabı hazırlayır və bu kitab Azərnəşrdə dövlət proqramına qəbul olunur və tiraja çıxarılır. Daha sonra "Biçib-tikmənin praktikası", "Gözəllik ondur" kitabları da dövlət tərəfindən qəbul olunub templanda qalmışdır.[1]

Sahibkarlıq fəaliyyəti[redaktə | mənbəni redaktə et]

1988-ci ildə sahibkarlıq fəaliyyətinə başlayıb və modelyerlik və xalçaçılıq üzrə xüsusi peşə məktəbini yaradıb. "AYGÜN" Tədris İstehsalat Firması adlanan bu müəssisə İngiltərə, Kanada, ABŞFransadan beynəlxalq ekspertləri dəvət edərək beynəlxalq bazarın araşdırılması, bazarın problemlərini və həlli yollarını öyrənməklə məşğul olmuşdur. Avropanın "Lider xanımlar", ERENET kimi təşkilatların fəxri üzvüdür, Cenevrədə Layihələr üzrə Komitədə layihələr müzakirəsində iki dəfə iştirak edib. 2002-ci ildə 55 Avropa ölkəsi arasında aparılan müsabiqədə birinci yer alaraq "İlin ən yaxşı sahibkarı" mükafatını alıb. Türkiyənin Beynəlxalq KAGİDER təşkilatının üzvüdür.[1] ABŞRumıniyada dövlət proqramlarında "Biznes inkubatorların yaranması", TOT təlim proqramlarında iştirak edib. Almaniya və Türkiyədə keçirilən sərgilərdə iştirak edib. 2014-cü ildə xaricdə fəaliyyət göstərən "Sənətkarları Dünyaya Tanıdaq" dərnəyinin dəvəti ilə 2014-cü ildə Küveyt, Türkiyədə, 2015-ci ildə İranda Beynəlxalq dərnəklərdə Azərbaycan xalçalarını təqdim edən çıxışları və master-klassları olub. 2006-cı ildə Xalça Dünyası Assosiasiyası (XDA) İB yaradıb, hazırda assosiasiya YUNESKO-nun rəsmi üzvüdür. XDA dövlət strukturları qarşısında xalçaçıların və xalça sahəsində yaranmış problemlərin qaldırılması və həlli yollarını tapmaqla məşğuldur.[1]

Mükafatlar[redaktə | mənbəni redaktə et]

2017-ci ildə Azərbaycan Respublikası Prezidentinin sərəncamı ilə "Əməkdar İncəsənət işçisi" adına layiq görülüb və medalla təltif olunub.[1]

İstinadlar[redaktə | mənbəni redaktə et]

  1. 1 2 3 4 "Xarici ölkələrdə başqa xalqların xalçası kimi təqdim olunan xalçalarımız var". 2014-11-01 tarixində orijinalından arxivləşdirilib. İstifadə tarixi: 2018-07-14.