Fatimə Alkərəmova

Fatimə Alkərəmova
Şəxsi məlumatları
Tam adı	Fatimə Alkərəmova Vüqar qızı
Vətəndaşlığı	Azərbaycan
Doğum tarixi	26 iyun 2002 (2002-06-26)
Doğum yeri	Bakı, Azərbaycan
Boyu	175 sm.
Çəkisi	60 kq.
İdman növü	Üzgüçülük
Medallar İslam Həmrəyliyi Oyunları Bürünc 2017 Bakı 4 x 100 m., sərbəst Bürünc 2017 Bakı 4 x 100 m., kompleks Dövlət təltifləri

Fatimə Alkərəmova (d. 26 iyun 2002; Bakı, Azərbaycan) — Azərbaycanlı üzgüçü. Fatimə Alkərəmova, 2017-ci ildə baş tutan IV İslam Həmrəyliyi Oyunlarında 2 bürünc medal qazanıb.

Həyatı

Fatimə Alkərəmova 26 iyun 2002-ci ildə Bakı şəhərində anadan olub.

Karyerası

Fatimə Alkərəmova, 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarına qatıldı. Fatimə Alkərəmova, Azərbaycanı Olimpiya Oyunlarında təmsil edən ən gənc idmançı oldu. 100 metr məsafəyə sərbəst üzmə yarışlarının təsnifat mərhəıəsində o, 59.43 saniyə nəticə göstərdi. Həmin nəticə ilə Fatimə Alkərəmova, 3-cü yeri tutdu. O, yalnızca Uruqvay və Anqola üzgüçülərindən geri qaldı və Rio-de-Janeyro Olimpiadasında mübarizəni dayandırdı.

Fatimə Alkərəmova, 2017-ci ildə Azərbaycan bayrağı altında IV İslam Həmrəyliyi Oyunlarına qatıldı. Fatimə Alkərəmova, 4 x 100 metr məsafəyə sərbəst estafet yarışlarında Alsu Bayramova, Yuliya Stisyuk və İlahə Reciyeva ilə birgə çıxış etdi və 4 dəqiqə 8.37 saniyə nəticə ilə 3-cü yeri tutaraq yarışların bürünc medalına layiq görüldü. 4 x 100 metr məsafəyə kompleks estafet yarışlarında isə o, yenə Alsu Bayramova, Yuliya Stisyuk və İlahə Rəciyeva ilə birgə çıxış etdi. Komanda, 4 dəqiqə 34.42 saniyə nəticə ilə yenə 3-cü yeri tutdu və IV İslam Həmrəyliyi Oyunlarının bürünc medalına sahib oldu.

Həmçinin bax

• Azərbaycan 2015 Avropa Oyunlarında
• Azərbaycan 2017 İslam Həmrəyliyi Oyunlarında