Flora Xəlilzadə

Vikipediya, azad ensiklopediya
Naviqasiyaya keç Axtarışa keç
Flora Xəlilzadə
Doğum tarixi 23 avqust 1955(1955-08-23) (69 yaş)
Doğum yeri
Uşaqları
Fəaliyyəti jurnalist, yazıçı-publisist
Mükafatları "Azərbaycan Respublikasının əməkdar jurnalisti" fəxri adı
"Tərəqqi" medalı "Şöhrət" ordeni
Üzvlüyü

Flora Fətulla qızı Xəlilzadə (Flora Fətulla qızı Xəlilova; 23 avqust 1955, Urud, Sisian rayonu) — azərbaycanlı jurnalist, Azərbaycan Yazıçılar Birliyinin və Azərbaycan Jurnalistlər Birliyinin üzvü.

Həyatı

[redaktə | vikimətni redaktə et]

Flora Xəlilzadə 23 avqust 1953-ci ildə Zəngəzur mahalının Sisian rayonunun Urud kəndində anadan olub. Rayonun Vağədi kənd orta məktəbini bitirdikdən sonra ADU-nun Jurnalistika fakültəsinə daxil olub və 1977-ci ildə oranı bitirib. "Azərbaycan təbiəti" jurnalında, "Azərbaycan müəllimi", "Azərbaycan" qəzetlərində işləyib. Bir müddət "Azərbaycan qadını" jurnalının redaktoru olub. Uzun müddət İctimai televiziyada layihə rəhbəri, "Yadigarlar" verilişinin müəllifi və aparıcısı olub. Hazırda Azərbaycan Televiziyasının (AzTV) Ədəbi-dram verilişləri" Baş Redaksiyasının baş redaktoru vəzifəsində çalışır. Prezident İlham Əliyevin göstərişi ilə Azərbaycan Televiziyasında yaradılan və verilişlərin keyfiyyətinə nəzarət edən Bədii Şuranın üzvüdür.

1972-ci ildən mətbuatda publisistik və bədii yazıları dərc olunur. Peşəkar jurnalist kimi mətbuatda çalışdığı dövrdə yüzlərlə elmi, ədəbi, publisistik, tənqidi məqalələri çap edilib. 20 — yə yaxın kitabın müəllifidir. Azərbaycan Yazıçılar Birliyinin və Azərbaycan Jurnalistlər Birliyinin üzvüdür. Bir çox mükafatların sahibidir.

4 mart 2013-cü ildə jurnalistika sahəsindəki səmərəli fəaliyyətinə görə Azərbaycan Respublikası Prezidentinin Sərəncamı ilə "Əməkdar Jurnalist" Fəxri adına layiq görülüb[1]. Azərbaycan Respublikası Prezidentinin fərdi təqaüdçüsüdür. 07 sentyabr 2023-cü ildə Azərbaycan Prezidenti İlham Əliyevin Sərəncamı ilə Azərbaycan Respublikasının ictimai həyatında uzunmüddətli səmərəli fəaliyyətinə görə "Şöhrət" ordeni ilə təltif edilib

Ailəlidir, 2 oğlu və 5 nəvəsi var.

Jurnalist, filologiya üzrə fəlsəfə doktoru Elnur Niftəliyevin anasıdır.

Jurnalist, prezident mükafatçısı, sənətşünaslıq üzrə fəlsəfə doktoru Bəhruz Niftəliyevin anasıdır.

Mükafatları

[redaktə | vikimətni redaktə et]
  1. "Əməkdar Jurnalist" fəxri adı [2]
  2. "Tərəqqi" medalı[3]
  3. Prezident mükafatçısı (2009-cu il üzrə)
  4. Şöhrət ordeni (2023)
  5. Türkiyə Diyanet Vaqfının türkdilli xalqlar arasında keçirdiyi "Peyğənbərin nəthi" yarışmasında Türkiyədə aldığı Beynəlxalq mükafat
  6. Azərbaycan Jurnalistlər Birliyinin təsis etdiyi "Həsənbəy Zərdabi mükafatı".
  7. KİV Həmkarlar İttifaqının "Qızıl qələm", "Xan qızı Natəvan" , "Səməd Vurğun-90", "Şərəf" və "İnam" mükafatları
  8. Respublika Mətbuat Fondunun "Dan ulduzu" mükafatı (iki dəfə).
  9. Qorqud Assosiasiyasının təsis etdiyi "Məmməd Araz mükafatı"
  10. Nabat xanım adına xeyriyyə cəmiyyətinin təsis etdiyi "Nabat xanım mükafatı"
  11. Lider Qadınlar İctimai Birliyinin təsis etdiyi "Salatın Əsgərova mükafatı"
  12. Yazdığı "Yolum düşə Zəngəzura" kitabı Yeni Yazarlar və Sənətçilər Qurumu tərəfindən 2007-ci ilin publisistik-sənədli kitabı adına layiq görülmüşdür.
  13. 2007-ci ildə Jurnalist Qadınlar Assosiasiyası tərəfindən ilin qadın jurnalisti elan olunub.
  14. 2011-ci ildə Azərbaycan mətbuatındakı səmərəli fəaliyyətinə görə Mətbuat Şurasının Ali Media Mükafatını alıb.
  15. 2017-ci ildə Cəfər Cabbarlı mükafatına layiq görülmüşdür.[4][5]
  16. "Şöhrət" ordeni (2023)[6]

Kitabları

[redaktə | vikimətni redaktə et]
  • "Ruhumun ehtiyacı" (Şeirlər)
  • "Bənövşə ətirli səs" (Flora Kərimova haqqında)
  • "Aysel adını itirib" (uşaq hekayələri)
  • "Analar" (Publisistika)
  • "Bu mənim tale yolum" (Afaq Bəşirqızı haqqında)
  • "Ürəyim aldatdı məni" (Şeirlər)
  • "Taleyimdən keçən adamlar" (Publisistika)
  • "İgidliyin son zirvəsi" (Şəhid Cəmşid Teymurov haqqında)
  • "Məmməd Araza məktub" (elmi-ədəbi toplu)
  • "Yuxular" (Şeirlər)
  • "Yolum düşə Zəngəzura" (Tarixi, etnoqrafik, bədii nəşr)
  • "Dağları tərpədən fəryad" (Yaqut Abdullayeva haqqında)
  • "Yazıçılar təşkilatının rəhbərləri" (Ədəbi tədqiqatlar)
  • "Yazdıqlarım" (Ədəbiyyat-əbədiyyət) I cild
  • Yazdıqlarım (Mədəniyyət- mənəviyyat) II cild
  • "Ruhumuzun ünvanı Şuşa"
  • Hökmdar qadınlar
  • Abidə

İstinadlar

[redaktə | vikimətni redaktə et]
  1. ↑ "Azərbaycan qadınlarının bir qrupuna fəxri adların verilməsi haqqında Azərbaycan Respublikası Prezidentinin Sərəncamı". President.az (az.). president.az. 04 mart 2013, 19:05. 2021-04-16 tarixində arxivləşdirilib. İstifadə tarixi: 2014-09-16.
  2. ↑ President.az. "Azərbaycan qadınlarının bir qrupuna fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 2013-03-04. 2023-09-07 tarixində arxivləşdirilib. İstifadə tarixi: 2013-03-04.
  3. ↑ ""Azərbaycan mətbuat işçilərinin təltif edilməsi haqqında" Azərbaycan Respublikası Prezidentinin 21 iyul 2005-ci il tarixli, 924 saylı Sərəncamı". Azərbaycan Respublikası Milli Televiziya və Radio Şurasının saytı (az.). ntrc.gov.az. 2014. 2018-06-08 tarixində orijinalından arxivləşdirilib. İstifadə tarixi: 2015-06-10.
  4. ↑ publika.az. ""Cəfər Cabbarlı Mükafatı- 2017" təqdim edildi" (az.). Publika.az. 21.05.2017. 2021-04-12 tarixində arxivləşdirilib. İstifadə tarixi: 2017-05-21.
  5. ↑ Ülviyyə Həsənqızı. "2017-ci ilin Cəfər Cabbarlı mükafatı təqdim olunub. Akademik Milli Dram Teatrında təqdimat mərasimi keçirilib" (az.). Primetime.az. 21.05.2017. 2017-05-24 tarixində orijinalından arxivləşdirilib. İstifadə tarixi: 2017-05-21.
  6. ↑ "F.F.Xəlilovanın "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). İstifadə tarixi: 2023-09-07.


Ədəbiyyat

[redaktə | vikimətni redaktə et]
  • Vaqif Bayramov, "Qürbət havasında yaddaş ağrısı" (Flora Xəlilzadənin poeziyası haqqında düşüncələr), "Bütöv Azərbaycan" qəzeti, № 23,(242), 11–17 sentyabr 2014. səh.8–9.
Mənbə — "https://az.wikipedia.org/w/index.php?title=Flora_Xəlilzadə&oldid=7381759"