Frankfurt Kitab Sərgisi

Vikipediya, açıq ensiklopediya
Jump to navigation Jump to search
Frankfurt Kitab Sərgisi
Frankfurter Buchmesse 2011 logo.svg
FrankfurterBuchmesse2008.JPG
2008-ci ildə sərgi zalı.
Statusaktiv
Janrmüxtəlif
Tezliyihər il oktyabr ayının ortalarında
YerFrankfurt
ÖlkəFlag of Germany.svg Almaniya
YaradılıbXVII əsr
1949 (müasir)
Qeydiyyatvar
Vebsayt
www.book-fair.com

Frankfurt Kitab Sərgisi (alm. Frankfurter Buchmesse) – hər il Almaniyanın Frankfurt şəhərində təşkil olunan kitab sərgisi. iştirakçı nəşriyyat şirkətlərinin və sərgiyə gələnlərin sayına görə dünyanın ən böyük kitab sərgisi hesab olunur. Bu sərgi beynəlxalq sazişlərin bağlanması və ticarət əlaqələrinin yaranması sahəsində də liderdir. Beş günlük tədbir oktyabr ayının ortalarında keçirilir. Sərginin ilk üç günü məhz qonaqlar üçün nəzərdə tutulur, ictimaiyyət nümayəndələri isə adətən həftəsonu sərgiyə gəlirlər.[1]

Haqqında[redaktə | əsas redaktə]

Frankfurt Kitab Sərgisi 600 ildən çox tarixə malikdir. Alman ixtiraçı Yohan Qutenberq tarixdə ilk dəfə metal lövhələrin köməyi ilə kitab çapı üsulunu tətbiq edib. 1440-cı il kitab çapının ixtirası ili hesab olunur. Bu ixtiradan təxminən on beş il sonra, 1454-cü ildə yerli kitab satıcıları Frankfurtda ilk kitab sərgisi təşkil etdilər. Bu dövrə qədər Frankfurt əlyazmaların satış məkanı hesab edilirdi. İlk sərgidə isə artıq çap kitabları diqqət mərkəzində idi. XVII əsrin sonuna qədər Frankfurt Kitab Sərgisi Avropanın ən mühüm kitab sərgisi hesab edilib. Siyasi və mədəni inkişafı əks etdirən Maarifçilik dövründə 1632-ci ildən Leypsiqdə keçirilməyə başlayan Leypsiq Kitab Sərgisi Frankfurt Kitab Sərgisinin rolunu bir qədər azaltdı.[1]

İkinci dünya müharibəsindən sonra Frankfurt sərgisi yenidən keçirilməyə başladı və 1949-cu ildə yenidən əvvəlki özəlliyini bərpa etdi. Sərgi Almaniya Naşirləri və Kitab Satıcıları Assosiasiyasının nəzdində olan Frankfurt Kitab Sərgisi MMC (Frankfurter Buchmesse GmbH) tərəfindən təşkil edilir. 2017-ci ildə 100-dən çox ölkənin 7.000 iştirakçısının eksponatları nümayiş olunan sərgini 280.000-dən çox insan seyr edib.[1]

İstinadlar[redaktə | əsas redaktə]

  1. 1,0 1,1 1,2 "Dünyanın 7 məşhur kitab sərgisi" (azərbaycanca). Aydın Yol. 30 iyul 2018. http://aydinyol.az/newsview/1233/Dunyanin-7-meshhur-kitab-sergisi-. İstifadə tarixi: 6 avqust 2018.

Xarici keçidlər[redaktə | əsas redaktə]

Vikianbarda Frankfurt Kitab Sərgisi ilə əlaqəli mediafayllar var.