Fuad Əliyev (həkim)
| Fuad Əliyev | |
|---|---|
| Fuad Şamil oğlu Əliyev | |
| Doğum tarixi | 1 yanvar 1965 (59 yaş) |
| Doğum yeri | |
| Atası | Şamil Əliyev |
| Təhsili | Tümen Dövlət Tibb Universiteti |
| Mükafatları |
 |
Fuad Şamil oğlu Əliyev (1 yanvar 1965, Dmanisi) — Rusiya Federasiyasının əməkdar həkimi (2017), professor.
Həyatı[redaktə | mənbəni redaktə et]
Fuad Əliyev 1965-ci il yanvar ayının 1-də Gürcüstan Respublikasının Dmanisi (Başkeçid) şəhərində həkim ailəsində anadan olub. 1981-ci ildə Dmanisidə orta məktəbi bitirib və həmin il Tümen Dövlət Tibb Universitetinə daxil olub. Universitetin Müalicə işi fakültəsini Cərrah ixtisası üzrə bitirib.
Fəaliyyəti[redaktə | mənbəni redaktə et]
Fuad Əliyev ali təhsilini başa vurduqdan sonra elmi tədqiqatla məşğul olub. 1992-ci ildə dissertasiya müdafiə edərək tibb elmləri namizədi elmi dərəcəsinə, daha sonra isə professor elmi adına layiq görülüb. Fuad Əliyev 5 monoqrafiyanın, 280 elmi məqalənin, 10 ixtiranın müəllifidir. Fuad Əliyev hal-hazırda Tümen Dövlət Tibb Universitetində kafedra müdiri, professorudur. O, 2017-ci il noyabr ayının 4-də Rusiya Federasiyasının Prezidenti V. Putinin sərəncamı ilə Rusiya Federasiyasının "Əməkdar həkim" adına layiq görülüb. 2001-ci ilin noyabrında Dünya Azərbaycanlılarının I Qurultayında Tümendən gəlmiş nümayəndə heyətinə başçılıq edərək qurultayda çıxış etmişdir.[1]
Həmçinin bax[redaktə | mənbəni redaktə et]
Xarici keçidlər[redaktə | mənbəni redaktə et]
İstinadlar[redaktə | mənbəni redaktə et]
- ↑ "Putin azərbaycanlı həkimlə bağlı sərəncam imzalayıb". 2017-11-07 tarixində orijinalından arxivləşdirilib. İstifadə tarixi: 2017-11-07.