Fuad Abbasov

Vikipediya, açıq ensiklopediya
Jump to navigation Jump to search
Fuad Abbasov
Fuad Abbasov.jpg
Doğum tarixi 15 dekabr 1976(1976-12-15) (42 yaş)
Doğum yeri Bakı, Azərbaycan SSR, SSRİ
Peşəsi Jurnalist
Təhsili İstanbul Universiteti

Fuad Abbasov (15 dekabr 1976, Bakı) — Azərbaycan jurnalisti.[1]

Həyatı[redaktə | əsas redaktə]

Fuad Abbasov 1976-cı il dekabr ayının 12-də Bakı şəhərində doğulub. 1990-cı illərdə İstanbul Universitetinin jurnalistika fakultetini bitirib.[2]

Geniş ictimaiyyət Fuad Abbasovu 2015-ci ildə Suriyada Rusiyanın Su-24 təyyarəsinin vurulması zamanı tanıyıb.[3] Onda Türkiyə Rusiya təyyarəsinin onun sərhədini pozduğunu iddia etmiş, Rusiya isə bunu inkar etmişdi. Həmin vaxt Rusiya ilə Türkiyə arasında gərgin münasibət yaranmışdı. Rusiya televiziyalarında tez-tez bu məsələ müzakirə edilir, Türkiyənin də mövqeyini çatdırmaqdan ötrü ora, əsasən, jurnalist Fuad Abbasov dəvət olunurdu.

Fuad Abbasov Rusiya televiziyalarında tək Türkiyənin yox, elə Azərbaycanın mövqeyindən də dəfələrlə çıxış edib.[3]

Rusiyadan deportasiyası[redaktə | əsas redaktə]

Fuad Abbasov 2019-ci il mayın 16-da Moskva vilayətinin Ximki şəhərində saxlanılıb.[3] Moskva Şəhər Məhkəməsi Rusiya Federal Təhlükəsizlik Xidmətinin iddiası əsasında Fuad Abbasovun Rusiyada müvəqqəti yaşamaqdan ötrü icazəsini ləğv edib.[3]

İyunun әvvәlində Moskva Apellyasiya mәhkәmәsi birinci institutiyası mәhkәmәsinin qәrarını qüvvәdә saxlayıb.[3] Jurnalist saxlanarkən təzyiqlərə məruz qalıb.[3] İyunun 19-da Rusiyanın Moskva vilayətinin Korolyov şəhərində yerləşən miqrantlar üçün xüsusi saxlanma məntəqəsində 12 gündür aclıq edən Fuad Abbasov aksiyanı dayandırıb.[4]

İstinadlar[redaktə | əsas redaktə]