Fuad Allahverdiyev

Vikipediya, açıq ensiklopediya
Keçid et: naviqasiya, axtar
Fuad Allahverdiyev
Allahverdiyev Fuad at work.jpg
Şəxsi məlumat
Doğum tarixi: 8 iyun 1975(1975-06-08)
Doğum yeri: Bakı, Flag of Azerbaijan.svg Azərbaycan
Vətəndaşlıq: Flag of Azerbaijan.svg Azərbaycan
Milliyyəti: Azərbaycanlı
Təhsili: Ali

Fuad Allahverdiyev Razim oğlu[1][2]Azərbaycanlı iş adamı

Həyatı[redaktə | əsas redaktə]

Fuad Allahverdiyev 8 iyun 1975-ci ildə Bakı şəhərində anadan olub. 1992-ci ildə Bakı Dövlət Universitetində "Tətbiqi Riyaziyyat" fakültəsinin İqtisadi-Kibernetika şöbəsində təhsil alıb.  F.Allahverdiyev “Times Higher Education World Reputation Rankings” reytinqinə daxil olmuş dünya universitetləri arasında nüfuzlu M. V. Lomonosov adına Moskva Dövlət Universitetinin məzunudur və bu universiteti «MBA Executive» proqramı üzrə bitirib. F.Allahverdiyev Azərbaycanda telekomunikasiya və yüksək texnologiyalar sahəsində bir neçə startapların müəllifi və yaradıcısıdır. O Azərbaycan Respublikasında telekommunikasiya sektorunda fəaliyyət göstərən bir sıra şirkətlərin Baş direktoru olaraq çalışıb. Hazırda F.Allahverdiyev İKT sahəsində qabaqcıl şirkətlərdən biri olan BBTV Communications kabel televiziyası şirkətinin Baş direktoru və həmçinin “Azərfon” MMC (NAR Mobile) şirkətinin Biznesin İnkişafı üzrə Baş direktorudur.

Ailəsi[redaktə | əsas redaktə]

Ailəlidir, dörd övladı var.

Karyera[redaktə | əsas redaktə]

Əmək fəaliyyətində zəngin təcrübəyə malik olan F.Allahverdiyev müxtəlif start apların müəllifi və bir neçə biznes strukturların təsisçilərindən biridir. F.Allahverdiyev müxtəlif dövrlərdə «Rosiyskiy Kredit Bank», «United Credit Bank», «Amrahbank», «Atlantbank» və «NikoilBank»kimi banklarda çalışıb və müxtəlif departamentlərə rəhbərlik edib. Bank sahəsində informasiya texnologiyaları, biznesin kreditləşməsi, plastik kartlar, marketinq sferalarında, eləcə də bank filialı rəhbəri kimi də fəaliyyət göstərib.

1998-ci ildə “Smart Systems Technology” MMC şirkətini təsis edib. O “SMART-BANK”, “Phone to Phone”, “İnternet Service Bank”, “SMS-Bank”, “Wap-Bank” layihələrininin müəllifidir.

2004-cü ildə lokal kabel televiziya şəbəkələrinin yaradılması ilə məşğul olan “SKY” MMC[3] şirkətini təsis edib. “SKY” MMC daha sonra “Ailə TV”brendi altında kabel televizyası və “Ailə NET”brendı altında internet provayder xidmətləri göstərməyə başlayıb. 2010-cu ildən, “Ailə TV” kabel televiziyası və “Ailə NET” internet provayderinə Caspian Telecom MMC şirkəti sahib olub və Fuad Allahverdiyev 2015-ci ilə qədər Caspian Telecom MMC şirkətinin rəhbəri olaraq fəaliyyət göstərib.[4][5] Fuad Allahverdiyev tərəfindən Caspian Telecom MMC şirkətində həyata keçirilən layihələr şirkətin fəaliyyətinin effektivliyini daha da artırıb və hal-hazırda şirkət Azərbaycanda İKT sektorunun inkişafında vacib rol oynayır.[6][7]

2015-2016-cı il dövründə F.Allahverdiyev Azərbaycanın telekommunikasiya sektorunda aparıcı şirkətlərdən biri olan "CONNECT" MMC-nin Baş direktoru vəzifəsində çalışıb.

2016-cı ilin mart ayından etibarən Azərbaycanda informasiya və kommunikasiya texnologiyaları sahəsində fəaliyyət göstərən BBTV Communications kabel televiziyası şirkətinin Baş direktoru və həmçinin Azərfon MMC (NAR Mobile) şirkətinin Biznesin İnkişafı üzrə Baş direktoru vəzifəsində çalışır.

Layihələri[redaktə | əsas redaktə]

Smart-Bank[8] –bank sistemlərinin avtomatlaşdırılması
Phone to Phone –Azərbaycanda ilk İP telefoniya layihəsi
SMS-Bank – SMS vasitəsi ilə hesabdan çıxarış
Ailə TV- kabel televiziyası operatoru
AiləNET - fiber-optik internet provayder
A-Billing-kabel televiziyası və internet provayder xidmətləri üçün avtomatlaşdırılmış ödəniş sistemi
MyQUEUE – avtomatlaşdırılmış növbə sistemi
AZTG – Azerbaijan Travel Guide layihəsi

Hobbi[redaktə | əsas redaktə]

F.Allahverdiyev motosiklet və veloidmanla maraqlanır, “MotoBaku” motoklubunun üzvüdür. Mütəmadi olaraq mütaliə etmək, İKT sferası, yüksək texnologiyalar, süni intellekt və marketinq kimi sahələri əhatə edən müxtəlif ədəbiyyatları oxumaq onun maraq dairəsinə daxildir.

İstinadlar[redaktə | əsas redaktə]

Xarici keçidlər[redaktə | əsas redaktə]