Gülarə Cabbarlı

Vikipediya, açıq ensiklopediya
Jump to navigation Jump to search
Picto infobox character.png
Gülarə Cabbarlı
Gülarə Cəfər qızı Cabbarlı

Doğum tarixi11 fevral 1930(1930-02-11)
Doğum yeri Bakı
Vəfat tarixi 12 fevral 2018 (88 yaşında)
Vəfat yeri Bakı
Atası Cəfər Cabbarlı
Anası Sona Cabbarlı
TəhsiliBakı Dövlət Universiteti
Mükafatları“Fəxri Mədəniyyət İşçisi”

Gülarə Cabbarlı — Görkəmli dramaturq Cəfər Cabbarlının qızı, filoloq, uzun illər Cəfər Cabbarlının ev-muzeyinin direktoru olub."C.Cabbarlı adına mədəniyyət, elm və təhsilin inkişafına yardım İctimai Birliyi”nin rəhbəri, “Cəfər Cabbarlı Mükafatı” komissiyasının sədri.

Həyatı və fəaliyyəti[redaktə | əsas redaktə]

Gülarə Cabbarlı 1930-cu ildə Bakıda Cəfər Cabbarlının ailəsində dünyaya gəlib. 1948-ci ildə Bakı Dövlət Universitetinin filologiya fakültəsinə daxil olaraq 1953-cü ildə ali təhsilini başa vurub. 1968-ci ildə Cəfər Cabbarlı adına Azərbaycan Dövlət Teatr Muzeyində baş elmi işçi kimi işə başlayıb, 1979-cu ildə C.Cabbarlının ev-muzeyinə direktor vəzifəsinə təyin olunub[1]. Fəaliyyəti dövründə onun muzeydə gerçəkləşdirdiyi layihələr sırasında yazıçının 100 illik yubileyi münasibətilə təsis olunmuş “Cəfər Cabbarlı Mükafatı”nı, yazıçının əsərlərinin toplandığı “Mənim tanrım—gözəllik”, “XX əsr Azərbaycan incəsənətinin inkişafında Cəfər Cabbarlının rolu” adlı kitablarını, həmçinin, ədibin öz sözlərinə bəstələdiyi mahnılardan və şeirlərdən ibarət “Azad bir quşdum” adlı musiqi albomunu göstərmək olar. 2001-ci ildən ömrünün sonunadək Gülarə xanım eyni zamanda “C.Cabbarlı adına mədəniyyət, elm və təhsilin inkişafına yardım İctimai Birliyi”nin rəhbəri, “Cəfər Cabbarlı Mükafatı” komissiyasının sədri olmuşdur.[2]

Gülarə Cabbarlı 2018-ci ildə 88 yaşında dünyasını dəyişmişdir.[3]

Mükafatları[redaktə | əsas redaktə]

2014-cü ildə Azərbaycan Respublikası Mədəniyyət və Turizm Nazirliyinin “Fəxri Mədəniyyət İşçisi” döş nişanı ilə təltif edilmişdir.

İstinadlar[redaktə | əsas redaktə]