Georgi Abaşvili

Vikipediya, azad ensiklopediya
Naviqasiyaya keç Axtarışa keç
Georgi Abaşvili
Doğum tarixi 7 oktyabr 1910(1910-10-07) və ya 8 yanvar 1910(1910-01-08)
Doğum yeri
Vəfat tarixi 26 sentyabr 1982(1982-09-26)
Vəfat yeri
Vəfat səbəbi insult
Dəfn yeri
  • Serafimovskoye qəbiristanlığı[d]
Təhsili
  • Sankt-Peterburq Hərbi Dənizçilik İnstitutu[d]
Fəaliyyəti donanma zabiti[d]
Partiyası

Georgi Abaşvili[1] (7 oktyabr 1910 və ya 8 yanvar 1910, Tiflis – 26 sentyabr 1982, Leninqrad) — Sovet hərbi lideri, vitse-admiral (1955); dəniz elmləri namizədi (1971), dosent (1965).

Bioqrafiya[redaktə | mənbəni redaktə et]

1931-ci ilin oktyabrında Sankt-Peterburq Hərbi Dəniz Məktəbinin şturman sinifini bitirir.

Ştureman olaraq Volodarski (1931 oktyabr - 1932 avqust), Lenin (1932 avqust - 1934 yanvar) esmineslərində, patrul gəmilərində diviziya şturmanı (yanvar 1934 - aprel 1935), təlim gəmisinin komandir köməkçisi olaraq xidmət edir. Leningradsovet (1935 -ci il aprel - 1936 -cı il martınadək) gəmisində komandir köməkçisi, Purga patrul gəmisində isə komandir (1936-cı il mart - 1938 -ci il martınadək) işləyir.

1937-ci ildə minadaşıyan gəmilərin komandirləri üçün bir illik kursları bitirir. Sonra "Smetlivıy" (mart - sentyabr 1938), "Qnevnıy" (1938 -ci il sentyabr - 1939-cu il fevralınadək) esmineslərinin komandiri, 1-ci patrul gəmilərinin batalyon (1939-cu il fevral - 1940-cı il aprelinədək) komandiri vəzifələrini tutur.

1939-1940-cı illər Sovet-Finlandiya müharibəsinin iştirakçısı olur. Baltik Donanmasının 4-cü məhvedici batalyonunun komandiri (1940-cı ilin fevral - dekabr ayları), 1940-cı ilin dekabrından Baltik Donanmasının 2-ci esas batalyonunun komandiri olur.

Böyük Vətən müharibəsi[redaktə | mənbəni redaktə et]

İkinci Dünya müharibəsinin başlaması ilə, 2-ci esmines batalyonunun komandiri olaraq, mina döşəməsini həyata keçirir. Riqa körfəzində, Ezel və Daqo adalarının müdafiəsində düşmən konvoylarının axtarışı əməliyyatlarında iştirak edir.

1941-ci ilin sentyabr-oktyabr aylarında Su Bölgəsinin Mühafizəsi Baş Qərargah rəisinin müavini olur.

1941-ci ilin noyabrında, Martı minadöşəyən gəminin komandiri olaraq, Hanko dəniz bazası qarnizonunun Leninqrad şəhərinə köçürülməsində iştirak edir. 1942-ci ilin yanvar-iyul aylarında Leningradsovet təlim gəmisinin komandiri olur.

1942-ci ilin iyul-dekabr aylarında "Zeya" kanoner qayığına komandanlıq edir, Ust-Tosno əməliyyatına və qoşunların artilleriya atəşi ilə enməsinə dəstək verir[2].

1942-ci ilin dekabrından 1943-cü ilin sentyabrına qədər "Leninqrad" esminesinin komandiri, 2-ci dərəcəli kapitan olur.

1943-cü ilin sentyabrından 2-ci esmines batalyonuna komandanlıq edir[3], 1944-cü ildə Leninqrad yaxınlığında və Kareliya bərzəğində almanların məğlub edilməsində iştirak edir. 1944-cü ildən Baltik Donanması Baş Qərargah rəisinin müavini olur.

Müharibədən sonrakı xidmət[redaktə | mənbəni redaktə et]

Müharibədən sonrakı dövrdə Maksim Qorki kreyserinə rəhbərlik edir (mart 1946 - oktyabr 1948). Sovet gəmilərinin Polşaya (1953), Finlandiyaya (1954) səfərlərinə rəhbərlik etmişdir. 8 avqust 1955-ci ildə vitse-admiral rütbəsinə layiq görülür.

1957-ci ilin fevralından Tallindəki donanma bazasına komandanlıq edir. 1960-cı ilin avqustundan isə Baltik Donanması Hərbi Şurasının 1-ci komandirin müavini olur.

1962-ci ilin iyulundan 1963-cü ilin avqustuna qədər Sovet Ordusunun Kubadakı Hərbi Dəniz Qüvvələri komandirinin müavini (Anadır əməliyyatı) olur. 1962-ci il oktyabrın 28-nə keçən gecə raket buraxma əmrinin icrasını 6 dəqiqə gecikdirməsi il, Üçüncü Dünya müharibəsinin başlamasının qarşısını almışdır.

1964-cü ilin yanvar ayından etibarən dəniz gəmilərinin dövlət qəbulunun Baltikyanı qrupuna rəhbərlik edir. 1964 -cü ilin mayından 1970-ci ilin dekabrına qədər Hərbi Dəniz Qüvvələrinin Ali Xüsusi Zabit siniflərinin rəisi olur.

1971-ci ilin aprelindən ehtiyata buraxılır. 26 sentyabr 1982-ci ildə dünyasını dəyişir.

Leninqradın Serafimovskoye qəbiristanlığında dəfn edilir.

Ailəsi[redaktə | mənbəni redaktə et]

Qızı - Zaira (1948), dəniz rəssamı.

Mükafatlar[redaktə | mənbəni redaktə et]

"Lenin" ordeni (1953);

Dörd dəfə "Qırmızı Bayraq" ordeni (1944[4][5], 1947, 1956, 1963);

İki dəfə "Qırmızı Ulduz" ordeni (1940, 1944[6]));

II dərəcəli Naximov ordeni (20.07.1945)[7];

"Qırmızı əmək bayrağı" ordeni (1968);

"Leninqradın müdafiəsinə görə" medalı (1943)[8];

"1941-1945-ci illər Böyük Vətən müharibəsində Almaniya üzərində qələbəyə görə" medalı[9].

İstinadlar[redaktə | mənbəni redaktə et]

  1. ↑ "Послужной список к наградному листу от 3 ноября 1944 года". 2014-07-14 tarixində arxivləşdirilib. İstifadə tarixi: 2021-10-06.
  2. ↑ "Абашвили Георгий Семёнович 1910г.р.: № записи: 50967708" (rus). Подвиг народа. 2018-01-24 tarixində arxivləşdirilib. İstifadə tarixi: 2015-05-08.
  3. ↑ "Послужной список Г. С. Абашвили (1944)" (rus). Подвиг народа. 2014-07-14 tarixində arxivləşdirilib. İstifadə tarixi: 2015-05-08.
  4. ↑ "Орден Красного Знамени (1944). Архивные документы о данном награждении из электронного банка документов «Подвиг Народа в Великой Отечественной войне 1941—1945 гг.»". 2012-02-12 tarixində arxivləşdirilib. İstifadə tarixi: 2021-10-06.
  5. ↑ "Приказ Командующего Краснознамённым Балтийским флотом № 1 от 8.1.1944" (rus). Подвиг народа. 2018-01-24 tarixində arxivləşdirilib. İstifadə tarixi: 2015-05-08.
  6. ↑ "Абашвили Георгий Семёнович 1910г.р.; № записи: 50637255" (rus). Подвиг народа. 2018-01-24 tarixində arxivləşdirilib. İstifadə tarixi: 2015-05-08.
  7. ↑ "Абашвили Георгий Семёнович 1910г.р.; № записи: 50434666" (rus). Подвиг народа. 2018-01-24 tarixində arxivləşdirilib. İstifadə tarixi: 2015-05-08.
  8. ↑ "Медаль «За оборону Ленинграда» (1943). Архивные документы о данном награждении из электронного банка документов «Подвиг Народа в Великой Отечественной войне 1941—1945 гг.»". 2012-02-12 tarixində arxivləşdirilib. İstifadə tarixi: 2021-10-06.
  9. ↑ "Медаль «За победу над Германией в Великой Отечественной войне 1941—1945 гг.» (1945). Архивные документы о данном награждении из электронного банка документов «Подвиг Народа в Великой Отечественной войне 1941—1945 гг.»". 2012-02-12 tarixində arxivləşdirilib. İstifadə tarixi: 2021-10-06.
Mənbə — "https://az.wikipedia.org/w/index.php?title=Georgi_Abaşvili&oldid=6621325"