Georgi Akropolit

Vikipediya, azad ensiklopediya
Naviqasiyaya keç Axtarışa keç
Georgi Akropolit
Doğum tarixi 1217[1][2]
Doğum yeri
Vəfat tarixi avqust 1282[1]
Vəfat yeri
Elm sahəsi tarix

Georgi Akropolit (yun. Γεῶργιος Ἀκροπολίτης, lat. Georgios Akropolites; 1217[1][2], Konstantinopol[2] – avqust 1282[1], Konstantinopol[2]) — Bizans tarixşünası. XIII əsrin ən önəmli Bizans tarixçilərindən biri olan Akropolitin əsərləri Nikeya imperiyasının tarixi üçün istifadə edilən əsas mənbələrdəndir.

Həyatı[redaktə | mənbəni redaktə et]

Georgi Akropolit 1217-ci ildə, Bizans imperiyasının paytaxtı olan Konstantinopol şəhərində, bir zadəgan ailəsində anadan olmuşdur. O, 16 yaşında ikən təhsilini davam etdirmək üçün atası tərəfindən imperator III Duka İoann Vatasın sarayına göndərilmişdir. Nikeyada o, şagirdlərinə hesab, müstəvi və sferik cisimlərin həndəsəsi, optika, astronomiya, məntiq, sillogistika və tibb fənlərini öyrədən məşhur filosof Nikifor Blemmidin müəllimliyi altında təhsil almışdır. Akropolit təxminən 1239-cu ildə III Duka İoann Vatasın saray həkimi olmuş, bir neçə il sonra dostu və Nikeya taxtının varisi II Feodor Laskarisin müəllimi təyin edilmişdir. Feodor 1254-cü ildə taxta çıxmış və Akropoliti özünə məsləhətçi təyin etmişdir. O, 1257-ci ildə baş komandan təyin edilmiş, daha sonra diplomatik arenaya daxil olmuşdur. Akropolit 1282-ci ildə Trabzon imperiyasına səfir təyin edilmiş, lakin elə həmin il orada vəfat etmişdir.

Əsas əsəri olan "Tarix" Nikeya imperiyasının tarixi üçün istifadə edilən əsas mənbələrdəndir.

İstinadlar[redaktə | mənbəni redaktə et]

  1. ↑ 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
  2. ↑ 1 2 3 4 5 6 Roux P. d. Nouveau Dictionnaire des œuvres de tous les temps et tous les pays (fr.). 2 Éditions Robert Laffont, 1994. Vol. 1. P. 11. ISBN 978-2-221-06888-5

Mənbə[redaktə | mənbəni redaktə et]

  • Жаворонков, П. И. Личность и творчество Георгия Акрополита // Георгий Акрополит (rus). Sankt-Peterburq: История. 2005. səh. 14—44.
  • Акрополит  // Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890–1907.
  • Лавров, П. Л. Акрополита Георгій // Энциклопедический словарь, составленный русскими учеными и литераторами. II. Sankt-Peterburq: Тип. И. И. Глазунова и Комп. 1862. səh. 384.
  • Lomouri, N. ენციკლოპედია საქართველო (gürcü). 2. Tbilisi. 2012. səh. 24.
  • გამყრელიძე, ა. გიორგი აკროპოლიტესი და მისი ცნობები საქართველოს შესახებ (gürcü). Tbilisi: «მასალები საქართველოსა და კავკასიის ისტორიისათვის». 1954. səh. 31.
  • Macrides, R. George Akropolites' Rhetoric // Jeffreys, E. (redaktor ). Rhetoric in Byzantium. Papers from the Thirty-fifth Spring Symposium of Byzantine Studies, Exeter College (ingilis). University of Oxford. March 2001. səh. 201-211.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Georgi_Akropolit&oldid=5856622"