Gerş Budker

Gerş Budker
Doğum tarixi	1 may 1918(1918-05-01)[…]
Vəfat tarixi	4 iyul 1977(1977-07-04) (59 yaşında)
Vəfat səbəbi	ürək tutması
Dəfn yeri	Yujnoye qəbiristanlığı[d]
Elm sahələri	Nüvə fizikası
Elmi dərəcələri	fizika-riyaziyyat elmləri doktoru, 1956
Elmi adları	professor[d]
İş yerləri	Kurçatov İnstitutu[d]
Təhsili	Moskva Dövlət Universiteti, Moskva Dövlət Universiteti Fizika fakültəsi[d]
Elmi rəhbərləri	İqor Tamm, İqor Kurçatov
Üzvlüyü	Rusiya Elmlər Akademiyası, SSRİ Elmlər Akademiyası
Mükafatları

Gerş Budker (1 may 1918^[…] – 4 iyul 1977) – nüvə fizikası və sürətləndiricilər fizikası üzrə ixtisaslaşmış sovet fiziki. Lenin mükafatı və SSRİ Dövlət mükafatı laureatı.

Bioqrafiyası

1941-ci ildə Moskva Dövlət Universitetini bitirmişdir. 1946-cı ildən SSRİ Elmlər Akademiyasının 2 №-li laboratoriyasında (Atom Enerjisi İnstitunda) işləmişdir. SSRİ Elmlər Akademiyası Sibir şöbəsinin Nüvə Fizikası İnstitunun yaradıcısı və direktoru Novosibirsk Universitetinin professoru olmuşdur.

Əsas elmi əsərləri uran-qrafıt nüvə reaktorları nəzəriyyəsinə, sürətləndiricilərin nəzəriyyəsi və hesablanmalarına, yüksək enerjilər fizikasına, plazma fizikasına və idarəolunan termonüvə sintezi probleminə aiddir. Stabilləşdirilmiş relyativist elektron dəstəsinin yaranması şərtlərini hesablamışdır. 1952-ci ildə açıq maqnit tələlərində yüksəktemperaturlu plazmanın saxlanması ideyasını irəli sürmüşdür. Yüksək enerjilər fizikasının yeni istiqamətini qarşılaşan dəstələr metodunu işləyib hazırlamışdır. Onun rəhbərliyi altında ilk dəfə ölkədə qarşılaşan elektron-elektron və elektron-pozitron dəstələrinin sürətləndiriciləri qurulmuşdur. Ağır zərrəciklər dəstəsinin elektron soyudulması və qızmar plazmanın termoizolyasiyası üsullarını təklif etmişdir.