Hüseyn Əliyev (rəssam)

Vikipediya, azad ensiklopediya
Jump to navigation Jump to search
Hüseyn Əliyev
Hüseyn Əlirza oğlu Əliyev
Stamps of Azerbaijan, 2011-949.jpg
Doğum tarixi 22 aprel 1911(1911-04-22)
Doğum yeri Comardlı, Zəngəzur
Vəfat tarixi 25 may 1991 (80 yaşında)
Vəfat yeri Bakı, Azərbaycan SSR, SSRİ
Milliyyəti azərbaycanlı
Vətəndaşlığı
Uşağı
Fəaliyyəti Rəssamlıq
Təhsili İ.Y.Repin adına Leninqrad Rəssamlıq, Memarlıq və Heykəltəraşlıq İnstitutu
Janrı peyzaj, qrafika, portret, natürmort
Mükafatları "Qafqazın müdafiəsinə görə" medalı "1941-1945-ci illər Böyük Vətən müharibəsində qələbənin 30 illiyi" yubiley medalı SU Order of Friendship of Peoples ribbon.svg
Commons-logo.svg Vikianbarda əlaqəli mediafayllar

Hüseyn Əlirza oğlu Əliyev (22 aprel 1911(1911-04-22), Comərdli, Yelizavetpol quberniyası5 iyul 1991(1991-07-05) və ya 25 may 1991(1991-05-25), Bakı, Azərbaycan SSR, SSRİ) — görkəmli fırça ustası, Azərbaycan xalq rəssamı (1982). Bakı Rəssamlıq Texnikumunu bitirmiş (1932), Leninqrad Rəssamlıq, Memarlıq və Heykəltəraşlıq İnstitutunda oxumuşdur (1932-1935). Yaradıcılığında portret və mənzərələr mühüm yer tutur. 1922-1931-ci illərdə "Molla Nəsrəddin" jurnalı ilə əməkdaşlıq etmiş, onun bir sıra karikaturaları jurnalın səhifələrində çap olunmuşdur.

Həyatı[redaktə | əsas redaktə]

Əliyev Hüseyn Əlirza oğlu 1911-ci il aprelin 22-də Comərdli kəndində Kərbəlayı Cəfər oğlu Əlirzanın və Narıngül[1] xanımın ailəsində dünyaya göz açmışdır. Rəssam kimi ilk təbiət mənzərəsini çəkəndə onun 12 yaşı olub[2]. Bakıda Rəssamlıq Texnikumunda oxumuşdur (1927-1932).

1922-1931-ci illərdə "Molla Nəsrəddin" jurnalı ilə əməkdaşlıq etmiş, onun bir sıra karikaturaları jurnalın səhifələrində çap olunmuşdur[3].

Hüseyn Əliyev Leninqrad Rəngkarlıq, Heykəltəraşlıq və Memarlıq İnstitutunu bitirdiyi ildən (1932-1935) təqaüdə çıxanadək «Xalq qəzeti»nin («Kommunist») bədii tərtibat şöbəsində əvvəlcə baş rəssam, sonra da bədii tərtibat şöbəsinin müdiri vəzifəsində işləyib (1935-ci il oktyabr ayının 4-dən).

Böyük Vətən Müharibəsinin iştirakçısı olmuşdur. O, «Qafqazın müdafiəsinə görə», «1941-1945-ci illərdə arxa cəbhədəki şərəfli əməyinə görə», «Böyük Vətən müharibəsinin 30 illiyi» medalları və «Xalqlar dostluğu» ordeni ilə təltif olunub[4].

Hüseyn Əliyev bacarıqlı rəssam kimi üç dəfə Azərbaycan, bir dəfə Ukrayna Ali Sovetinin fəxri fərmanlarına layiq görülüb. 1940-cı ildən Rəssamlar İttifaqının üzvü olan Hüseyn Əliyev 1977-ci ildə Əməkdar rəssam, 1982-ci ildə Xalq rəssamı fəxri adına layiq görülüb[2].

Azərbaycan xalq rəssamı Hüseyn Əliyevin müxtəlif sərgilərdə nümayiş etdirilən rəsm əsərləri arasında, onun Comərdli kəndində çəkdiyi «Yəhər Təpə» və «Mahmud bulağı» tabloları özünəməxsus yer tutur.

Hüseyn Əliyevin «Göygöl mənzərələri» adlı çap edilən albomunda rəssamın 17 mənzərəsi verilmişdi.

Hüseyn Əlirza oğlu Əliyev 25 may 1991-ci ildə vəfat edib[5].

Mükafatları[redaktə | əsas redaktə]

  • Ermənistan SSR əməkdar incəsənət xadimi — ?[6]
  • Azərbaycan SSR əməkdar rəssamı — 05.12.1977[7]
  • Azərbaycan SSR xalq rəssamı — 01.12.1982[8]

Şəcərəsi[redaktə | əsas redaktə]

  • Mirzə Əbdül
    • Mirzə Əli
      • Alagöz Məhəmməd
        • Məşədi Əli
          • Kərbəlayı Cəfər
            • Əlirza

Hüseyn Əliyev

Həsən Əliyev, Heydər Əliyev, Aqil ƏliyevCəlal Əliyevin qardaşıdır.

Haqqında yazılan məqalələr[redaktə | əsas redaktə]

  • "Xalq rəssamı Hüseyn Əliyevin 100 illiyi qeyd olunmuşdur". Azərbaycan.- 2011.-23 aprel.- S.7.
  • Əfsanə BAYRAMQIZI. "Xalq rəssamı Hüseyn Əliyevin xatirəsi dərin hörmət və ehtiramla anıldı" Xalq qəzeti. - 2011. - 23 aprel. - S.7.
  • Sadıxova Səyyarə "Xalq rəssamı Hüseyn Əliyevin boyakarlığında “Göygöl” mövzusu", "Elmi Əsərlər", Naxçıvan: NDU, Qeyrət, 2014, №5 (61), səh. 189-193
  • Sadıxova Səyyarə "Akril kağız və pleksiqlas üzərində sənət", "Mədəniyyət.az" jurnalı, 4. 2015, səh. 86-89
  • Sadıxova Səyyarə "Müxtəlif incəsənət cərəyanlarının Hüseyn Əliyev yaradıcılığında təcəssümü", "Elmi Əsərlər", Naxçıvan: NDU, "Qeyrət", 2016 № 4(78), səh. 161-166
  • Sadıxova Səyyarə "Техники художеств Азербайджанского художника Гусейна Алиева", "AMEA-nin Naxçıvan bölməsi, İncəsənət, dil və ədəbiyyat institutu. Axtarışlar", 2016, cild 6, № 4(22)səh.200-202
  • Sadıxova Səyyarə "Hussein Aliyev’s life-memories and creative activity in his partners’ impressions", "Elmi Əsərlər, Naxçıvan": NDU, Qeyrət, 2017, № 1(82) səh..274-277
  • Sadıxova Səyyarə "Hüseyn Əliyevin yaradıcılığında natürmort janrı", "Elmi Əsərlər, Naxçıvan": NDU, Qeyrət, 2017 № 5(86) səh.,151-154

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Hüseyn Əliyev (rəssam) ilə əlaqəli mediafayllar var.