Hüseynqulu Ağaməmmədov

Vikipediya, açıq ensiklopediya
Jump to navigation Jump to search
Hüseynqulu Ağaməmmədov
foto foto

Doğum tarixi 1905(1905)
Doğum yeri Ağdam rayonu Qaradağlı kəndi
Vəfat tarixi 1988(1988)
Vəfat yeri Ağdam rayonu Qaradağlı kəndi
Vətəndaşlıq Azərbaycan
Milliyyəti Azərbaycanlı
Fəaliyyəti Pedaqoji, ictimai
Mükafatları Lenin ordeni, I dərəcəli Vətən Müharibəsi Ordeni, 1941-1945-ci illər Böyük Vətən müharibəsində rəşadətli əməyə görə medalı

Hüseynqulu Həsən oğlu Ağaməmmədov 1905-ci ildə Ağdamın Qaradağlı kəndində anadan olub. Hüseynqulu Ağaməmmədov Qaradağlı kəndinin ilk ziyalısıdır. İlk təhsilini Ağdamda alan Hüseynqulu Ağaməmmədov 1930-cu ildən Qaradağlı kəndində müəllimlik edib.

Hüseynqulu Ağaməmmədov 1935-ci ildə Azərbaycan Kommunist Partiyası Mərkəzi Komitəsi yanında fəaliyyət göstərən Ali Partiya Məktəbinə qəbul olub. 1938-1941-ci illərdə Ağdam rayon partiya komitəsində işləyib.

Hüseynqulu Ağaməmmədov 1941-1943-cü illərdə Böyük Vətən Müharibəsində iştirak edib. 1943-cü ildə yaralanaraq, ordudan tərxis olunub.

Hüseynqulu Ağaməmmədov 1947-ci ildə Qaradağlı kəndində 350 nüsxə kitabdan ibarət ilk kitabxana açıb. İki il kitabxana müdiri işləyib.

Hüseynqulu Ağaməmmədov 1949-1971-ci illərdə Ağdam rayonu Qaradağlı kənd sovetində sədr işləyib.

Hüseynqulu Ağaməmmədov 1948-ci ildə SSRİ-nin ən yüksək mükafatı olan “Lenin” ordeni ilə, 1985-ci ildə “I dərəcəli Vətən Müharibəsi Ordeni” ordeni ilə, həmçinin "1941-1945-ci illər Böyük Vətən müharibəsində rəşadətli əməyə görə" medalı ilə təltif edilib.

Hüseynqulu Ağaməmmədov 19 mart 1988-ci ildə vəfat edib.