Həbibulla Hüseynov

Vikipediya, açıq ensiklopediya
Jump to navigation Jump to search
Hüseynov Həbibulla
Həbibulla Hüseynov.jpg
Doğum tarixi 9 oktyabr 1910(1910-10-09)
Doğum yeri Ərdəbil İran
Vəfat tarixi 16 aprel 1945 (34 yaşında)
Vəfat yeri Qaydau kəndi
Vətəndaşlığı
Atası Hüseynov Eynulla
Milliyyəti azərbaycanlı
Fəaliyyəti hərbi qulluqçu
Mükafatları Sovet İttifaqı Qəhrəmanı
"Lenin" ordeni

Hüseynov Həbibulla Eynulla oğlu - Sovet İttifaqı Qəhrəmanı

Həyatı[redaktə | əsas redaktə]

Həbibulla Hüseynov 9 oktyabr 1910-cu ildə Ərdəbil şəhərində anadan olub[1]. 1928-ci ildə Tiflis hərbi məktəbini bitirib. Müharibənin ilk günlərindən komandir divizion vəzifəsində düşmənlə qərb istiqamətində vuruşub.

1943-cü ildə müdafiə nazirinin əmri ilə 658-ci zenit-artileriya diviziyası 268-ci qvardiya zenit-artileriyası ilə əvəz edildi və polkovnik Həbubulla Hüseynov komandir təyin edildi.

Hüseynov birləşmələri Pribaltikanın və Şərqi Prussiyanın azad edilməsində1-ci Pribaltika cəbhəsinin tərkibində vuruşub. 1945-ci ilin yazında 3-cü Belarus cəhbəsi Zenlaynd yarımadasının düşməndən azad edilməsinə başladı. Faşistlərin əks hücümlarının ardı-arası kəsilmirdi. Düşmən nəyin bahasına olursa-olsun Pillau rayonuna daxil olmaq istəyirdi, çünki oradan gəmilər vasitəsilə təxliyə olmaq hələ də mümkün idi. Əsasən Qaydau kəndi yaxınlığında vəziyyət daha da gərgin idi. Burada almanlar tankların köməyi ilə sovet müdafiəsini yarıb keçmişdilər. Bu vəziyyətdə polkovnik zenit hissələrinə irəli əmrini verir və düşmənin tanklarını birbaşa hədəfə alır.

6 aprel 1945-ci ildə 35 yaşlı komandir komanda məntəqəsini tərk edir və döyüşə şəxsən rəhbərlik edir. Düşmən durdurulur və geriyə cəkilməyə məcbur olur. Bu döyüşdə diviziya komandiri polkovnik Həbibulla Hüseynov qəhrəmancasına həlak oldu.

29 iyun 1945-ci ildə SSRI ALi Sovetinin Rəyasət Heyətinin Fərmanı ilə qvardiya polkovniki Hüseynov Həbibulla Eynulla oğlu Sovet ittifaqı qəhramanı adına layiq görüldü( ölümündən sonra). Düşmənlə döyüşdə göstərdiyi igidlik və şücaətinə görə polkovnik Hüseynov Həbibulla Eynulla oğlu aşağıdakı orden və medallara layiq görülmüşdü.

  • İki Döyüş Qırmızı Bayraq ordeni
  • Qırmızı Ulduz ordeni
  • Birinci dərəcəli Böyük Vətən Müharibəsi ordeni
  • Stalinqadın qorunması üçün verilən orden
  • Kenisberqin alınması üçün verilən orden

İstinadlar[redaktə | əsas redaktə]

  1. Гусейнов Габибулла Эйнулла оглу

Mənbə[redaktə | əsas redaktə]

Həmçinin bax[redaktə | əsas redaktə]

  • "Azərbaycan Respublikası Xatirə Kitabı", V cild, H hərfi, Respublika Xatirə Kitabı Redaksiyası, Bakı, 2005. səh.612