Hər şeyi riktırlamaq

Vikipediya, azad ensiklopediya
Jump to navigation Jump to search
"Hər şeyi riktırlamaq"
"ing. Total Rickall"
Total Rickall.png
Parazitlər Smit ailəsinin yaddaşı ilə oynayıb evi ələ keçirirlər.
Seriya nöm.Mövsüm 2
Seriya 4
RejissorXuan Meza-Leon
SsenaristMayk Makmehen
İstehsal kodu204
İlk efir tarixi16 avqust 2015
Vaxt21:54
Seriya xronologiyası
← Əvvəlki
"Avto erotik assimilasiya"
Sonrakı →
"Şvifti olmaq"
Rik və Morti (II mövsüm)
Rik və Morti seriyalarının siyahısı

Hər şeyi riktırlamaq (ing. Total Rickall) – ABŞ elmi fantastikaqara komediya sitkomu "Rik və Morti"nin ikinci mövsümünün 4-cü, ümumilikdə isə 15-ci seriyası. Xuan Meza-Leonun rejissorluğu və Mayk Makmehenin ssenaristliyi ilə çəkilən seriya ilk öncə 16 avqust 2015-ci ildə Adult Swim vasitəsilə yayımlanmışdır.

Seriya Rikin ailənin içində yaddaşla oynaya bilən kosmik parazitin məskunlaşdığını öyrənməsi ilə başlayır. Bu kosmik parazitlər insanların yaddaşına saxta xatirələr daxil edərək onlarla birgə yaşayır və çoxalırlar. Rik evi karantinaya alıb kimin parazit, kimin əsl olduğunu müəyyənləşdirməyə çalışır.

Məzmun[redaktə | əsas redaktə]

Smit ailəsi Cerrinin qardaşı Stiv ilə səhər yeməyi edir və Cerri elektron poçt vasitəsilə səyahət biletləri əldə etdiklərini deyir. Stiv bildirir ki, bu biletləri onlara ona burada bir il qalmasına icazə verdikləri üçün alıb. Bu zaman Rik otağa daxil olur və lazer tapançası ilə Stivin başından vurur. Bütün ailə dəhşətə düşür, lakin Stivin əsl olmadığı məlum olur. Rik onlara başa salır ki, Stiv əslində kosmik parazitdir: kosmik parazitlər sağ qalmaq üçün başqalarına saxta xatirələr daxil edirlər və onlarla birlikdə yaşayıb çoxalırlar.

Rik bildirir ki, evdə cəmi 6 nəfər olmalıdır: Rik, Morti, Sammer, Bet, Cerri və yeni təqdim olunmuş qəribə personaj Mister Poppibatthol. Əgər bu say keçsə, bu o deməkdir ki, aralarında parazitlər var. Rik ailəni qorumaq və parazitləri çölə çıxmağa qoymamaq üçün evin qalxanlarını işə salır. Tezliklə ailə Nikki ilə olan xatirələrini yada salır və nəticədə parazit çoxalır. Lakin Rik onun parazit olduğunu müəyyənləşdirə bilib onu öldürür. Ailə keçmiş xatirələrini yada salmağa başlayır və parazitlər bundan istifadə edib çoxalıb evi işğal edirlər: Mister Böriqard, Frankenşteyn bədheybəti, Yuxulu Geri (Betin əri olur), yemək mövzulu döyüşçülər və digər əcaib personajlar. Rikin yaddaşı artıq tamamilə dəyişdirilib və o kimin əsl, kimin parazit olduğunu müəyyənləşdirə bilmir. Parazitlər Riki evin qalxanlarını endirməyə inandırmağa çalışırlar. Lakin Rik bunu rədd edir. Rik də keçmiş xatirələrini nəzər salandan sonra parazitlərin sayı daha da artır və vəziyyət kritik həddə çatır. Cerri parazit olduğundan şübhələnməyə başlayır və bu haqda Yuxulu Geriyə danışır, lakin Yuxulu Geri onun yaddaşı ilə oynayaraq bir-birini sevdiklərini deyir.

Evdən çıxmaq istəyən parazitlər Smit ailəsini Rikin parazit olduğunu haqda inandırırlar. Smit ailəsi qalxanları endirməyi tələb edir. Rik bunu rədd edir və Morti onun öldürməyə qərar verir. Pensilvestr adlı personajın qabağında Riki öldürmək istəməyən Morti Riki bir neçə parazitlə qarajda öldürməyə qərar verir. Amma Morti son anda hər şeyi başa düşür: parazitlər ancaq yaxşı xatirələri yarada bilirlər, pis xatirələri yarada bilmirlər. Riklə olan pis xatirələrinin olduğunu xatırlayan Morti qarajdakı iki paraziti öldürüb Riki xilas edir.

Evə qayıdan Rik və Morti evdəkilərə hər şeyə başa salır. Bet, Sammer və Cerrinin parazit olmadıqları üzə çıxır, onlar çünki onların hər birinin bir-biri haqda pis xatirələri var. Ailə evdəki qalan bütün qəribə personajlara hücum çəkir və bütün parazitləri öldürür.

Ailə axşam yeməyinə oturur: Rik, Morti, Sammer, Bet, Cerri və Mister Poppibatthol. Bu zaman Bet Mister Poppibattholla bağlı heç bir pis xatirəsinin olmadığı fərqinə varır və ona atəş açır. Lakin Mister Poppibattholun parazit olmadığı məlum olur və ağır yaralanır. Bet etdiyi hərəkətdən çox peşman olur.

Ən son səhnədə Mister Poppibattholun sağ olduğu məlum olur və tibb bacısından ailəyə bu mesajın çatdırmasını istəyir: "Sizə pis xatirələr yaşatmadığım üçün üzr istəyirəm".

İstehsal[redaktə | əsas redaktə]

Seriyanın adı 1990-cı il istehsalı "Hər şeyi xatırlamaq" (ing. Total Recall) elmi fantastika filminə istinaddır.[1]

İstinadlar[redaktə | əsas redaktə]

  1. "All the Rick and Morty Easter Eggs You Missed in Seasons One and Two". Time (ingiliscə). 27 iyul 2017. İstifadə tarixi: 30 oktyabr 2017.

Xarici keçidlər[redaktə | əsas redaktə]