Həsən Səfərli

Vikipediya, azad ensiklopediya
Jump to navigation Jump to search
Həsən Səfərli
Həsən Səfər oğlu Səfərli
Həsən Səfərli.jpg
Doğum tarixi
Doğum yeri Naxçıvan, İrəvan quberniyası, Rusiya İmperiyası
Vəfat tarixi (71 yaşında)
Vəfat yeri Naxçıvan, Naxçıvan MSSR, Azərbaycan SSR, SSRİ
Dəfn yeri Naxçıvan

Həsən Səfər oğlu Səfərli (23 noyabr 1888 – 2 iyun 1960) — aktyor, rejissor, müəllim, Naxçıvan MSSR əməkdar müəllimi (1960).

Həyatı[redaktə | mənbəni redaktə et]

Həsən Səfərli Naxçıvan şəhərində anadan olub. Yerli ibtidai məktəbi bitirib, 1909-cu ildə ilk dəfə səhnəyə Hüseyn Ərəblinskinin tamaşaya qoyduğu "Nadir şah" pyesindəki rolu ilə qədəm qoyub. İrəvan Müəllimlər Seminariyasında təhsil alıb. Seminariyadakı dram dərnəyinin fəal üzvlərindən olub. İrəvanın teatr truppasında da epizod rollarda səhnəyə çıxıb. Seminariyanı 1917-ci ildə bitirərək Naxçıvana qayıdıb. Həmin ildən müəllimlik fəaliyyəti ilə yanaşı, həvəskarların truppasında, 1931-ci ilə qədər Naxçıvan Dövlət Dram Teatrında aktyor, rejissor, baş rejissor kimi çalışıb.[1][2] "Rüşdiyyə", "Məktəbi-xeyriyyə" məktəblərində, Müəllimlər Seminariyasında, Pambıqçılıq texnikumunda, ikiillik Müəllimlər İnstitutunda dərs deyib. 18 may 1960-cı ildə Naxçıvan Muxtar Sovet Sosialist Respublikasının əməkdar müəllimi fəxri adına layiq görülüb.[1]

İstinadlar[redaktə | mənbəni redaktə et]

  1. 1 2 İlham Rəhimli. Azərbaycan Teatr Ensiklopediyası. II cild. Azərnəşr. Bakı, 2017. s.70
  2. Naxçıvan maarifçilərinin hünəri