Həsənqaya (Tərtər)

Vikipediya, azad ensiklopediya
Jump to navigation Jump to search
Həsənqaya
40°19′31″ şm. e. 46°50′52″ ş. u.
Ölkə  Azərbaycan
Rayon Tərtər
Tarixi və coğrafiyası
Saat qurşağı
Həsənqaya xəritədə

HəsənqayaAzərbaycan Respublikasının Tərtər rayonunun inzibati ərazi vahidində kənd.

Tərtər rayonunun Şıxarx inzibati ərazi vahidində kənd. Dağətəyi ərazidədir. Keçmış adı Buruc olmuşdur. Yaşayış məntəqələri Həsənqaya adlı yerdə salındığına görə belə adlandırılmışdır.[1].

Tarixi[redaktə | mənbəni redaktə et]

Həsənqaya kəndi əvvəllər Dağlıq Qarabağ Muxtar Vilayətində Ağdərə rayonu inzibati ərazisinə aid idi, lakin 1992-ci ildə Ağdərə rayonu ləğv edilərək ərazisi qonşu Ağdam, Tərtər və Kəlbəcər rayonları arasında bölüşdürüldü. Həsənqaya kəndi də Tərtər rayonuna birləşdirilən kəndlərdən biridir.

Kənd Qarabağ müharibəsinin əvvəlində Ermənistan ordusu tərəfindən işğal olunub, lakin 1992-ci ilin Ağdərə əməliyyatı zamanı erməni işğalçılarından azad edilib.

2008-ci ilin mart ayında Erməni silahlı qüvvələri 1994-cü ildə imzalanmış Ermənistan-Azərbaycan atəşkəsini pozması nəticəsində bu kənd istiqamətində də şiddətli döyüşlər olmuşdur. Azərbaycan Silahlı Qüvvələri Ermənistan ordusunun işğal etdikləri bəzi hərbi mövqeləri azad etmişlər. Müdafiə nazirliyinin məlumatına görə yaranmış hərbi münaqişə nəticəsində dörd azərbaycanlı əsgər şəhid olub və 12 erməni əsgər öldürülüb. Məlumata görə döyüş zamanı Azərbaycan Silahlı Qüvvələri artilleriyadan istifadə edib.

Həsənqaya kənd İƏD üzrə icra nümayəndəsi Qarabağ müharibəsi veteranı Qasımov İlqar İnqilab oğludur.

Həsənqaya kəndi döyüş bölgəsinə ən yaxın məsafədə yerləşdiyinə görə Azərbaycan Silahlı Qüvvələrinin nəzarəti altındadır.

Əhalisi[redaktə | mənbəni redaktə et]

Kənddə işğal olunmuş ərazilərdən qovulmuş Azərbaycanlılar məskunlaşıb. Burada əsasən Kəlbəcər və Laçın rayonundan olan qaçqınlar məskunlaşıb.

Təxminən 20 ailə evini burada qismən düzəldə bilib və kənddə yaşayış davam edir.

İqtisadiyyatı[redaktə | mənbəni redaktə et]

Həsənqaya kəndində nə poliklinika, nə də uşaq bağçası var. Kənd məktəbi 2009-cu ildə tam şəkildə təmir edilmişdir və kənddəki 35 şagird burada öz təhsillərini rahat şəkildə ala bilirlər. Bundan başqa Beynəlxalq Qızıl Xaç Komitəsi həmin ildə bu kəndə içməli su ilə təchiz edib.[2]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]