Hətəm Quliyev

Vikipediya, açıq ensiklopediya
Jump to navigation Jump to search
Picto infobox character.png
Hətəm Quliyev

Doğum tarixi 1908-ci il noyabrın 8
Doğum yeri Şuşa
Mükafatları"Şərəf Nişanı" ordeni"Qırmızı Əmək Bayrağı" ordeni (SSRİ)

Hətəm Musa oğlu Quliyev- Musa Quliyevin oğlu Hətəm Musa oğlu Quliyev 1908-ci il noyabrın 8-də Şuşa şəhərində müəllim ailəsində anadan olmuşdur. Bakı realnı məktəbində oxuduqdan sonra o, Tərtər Mexanizasiya Texnikumunu bitirir. Bir müddət kolxozda mühasib-iqtisadçı vəzifəsində işlədikdən sonra yenidən Bakıya gələrək ali iqtisadiyyat kursunda təhsil alır. Hətəm Quliyev komsomol və partiya işlərində, kolxoz quruculuğunda fəal iştirak edir. 1927- 28-ci illərdə Azərbaycan LKGİ özəl təşkilatının katibi işləyir, banditizmə qarşı mübarizənin ön sıralarında olur. 1930-cu ildə partiya sıralalarına daxil olan H. Quliyev 1933-35-ci illərdə Laçın Rayon Partiya Komitəsində təlimatçı (şöbə müdiri yazıçı Əli Vəliyev olub — Q.P.) işləyir. 1935-ci ildə Tərtər elmi tədqiqat seleksiya bazasının müdiri vəzifəsinə təyin olunur. Burada o, kənd təsərrüfatı məhsullarının, xüsusən məhsuldar pambıq və taxıl növlərinin yetişdirilməsi işinə öz töhfəsini verir, təşkilatçılıq qabiliyyəti diqqəti cəlb edir. 1938-ci ildə Tərtər Maşın Traktor Stansiyası (MTS) müdirinin müavini vəzifəsinə göndərilir. İki il sonra MTS-in direktoru vəzifəsinə təyin edilir və 1942-ci ilədək bu vəzifədə çalışır. Hətəm Quliyevə 1942-ci ildə daha məsul vəzifə — Bərdə Rayon Siyasi Şöbəsinin rəisi vəzifəsi tapşırılır. Hətəm Quliyevin xidmətləri “Şərəf nişanı” (1945-ci ildə), “Qırmızı Əmək Bayrağı” (1966) ordenlərinə, onlarca medala, SSRİ və Azərbaycan SSR Ali sovetlərinin, ittifaq və respublika nazirliklərinin çoxsaylı fəxri fərmanlarına və digər mükafatlara layiq görülüb. [1]

Həyatı[redaktə | əsas redaktə]

İstinadlar[redaktə | əsas redaktə]