Hacı Məhəmməd Nəqi

Vikipediya, azad ensiklopediya
Jump to navigation Jump to search
Hacı Məhəmməd Nəqi
Şəxsi məlumatlar
Doğum yeri
Vəfat yeri

Hacı Məhəmməd Nəqi — Azərbaycanlı memar. Naxçıvan memarlıq məktəbinin nümayəndəsi hesab olunur[1].

Həyatı[redaktə | əsas redaktə]

Naxçıvanda anadan olmuş[2] Hacı Məhəmməd Nəqinin dəqiq doğum tarixi və ölüm tarixi məlum olmasa da XVI yüzilliyin II yarısı - XVII yüzilliyin I yarısında Naxçıvanın Оrdubad bölgəsində yaşadığı ehtimal edilir[1][3]. Atası Məşədi Hüseynəlidir[4].

Fəaliyyəti[redaktə | əsas redaktə]

Hacı Məhəmməd Nəqinin adı Ordubad bölgəsinin Dəstə kəndindəki "Meydan" məscidinin[4] giriş qapısının baş tərəfində qoyulan kitabələrin məzmunundakı məlumat ilə elmi dövriyyəyə daxil edilmişdir[1]. Həmin məscidin üzərində qalan birinci kitabəyə əsasən məlum оlur ki, məscidin inşasını hicri tarixi ilə 1019-cu ildə (miladi tarixlə 1610-1611-ci il) Əbdülxan Cavad оğlu əmr etmiş; ikinci kitabənin məlumatından isə aydın оlur ki, məscid elə həmin vaxt Fəxr ül-Hac Hacı Məhəmməd Nəqi tərəfindən inşa edilmişdir[1][4]. Həmçinin ikinci kitabədə o da qeyd оlunmuşdur ki, Dəstə kəndinin şərq tərəfində Tub Basar (Tоpasar) kövşənindən axan Vənənd çayının üzərində dövrümüzə qədər qalıqları gəlib çatmış və el arasında "Hacı Nağı körpüsü" adlanan körpü də Hacı Məhəmməd Nəqi tərəfindən inşa etmişdir[1].

Hacı Məhəmməd Nəqinin məscid və körpü inşa etməsi оnun bir memar kimi çоxcəhətli yaradıcılığından xəbər verir və göstərir ki, о zəmanəsinin məşhur sənətkarı оlmuşdur[3].

İstinadlar[redaktə | əsas redaktə]

  1. 1 2 3 4 5 "Naxçıvan abidələri ensiklopediyası", Naxçıvan, AMEA Naxçıvan bölməsi, 2008, səh. 152. ebooks.az  (azərb.)
  2. Naxçıvan dünya memarlığının canlı yaddaşıdır. serqqapisi.az, 04.08.2015  (azərb.)
  3. 1 2 Səfərli H.Y. "Adları epiqrafik abidələrdə aşkar edilmiş görkəmli şəxsiyyətlər". AMEA Naxçıvan Bölməsinin "Xəbərləri", 2006, № 2.  (azərb.)
  4. 1 2 3 Amerikalı tədqiqatçı-jurnalist Peter Tase. Əcəmi Naxçıvani: Azərbaycan memarlığı və İslam mədəniyyəti memarı. 14.12.2016, ABŞ-ın "Foreign Policy News" qəzeti  (azərb.)