Halluazit

Vikipediya, azad ensiklopediya
Jump to navigation Jump to search
Halluazit
Mineraly.sk - halloyzit.jpg
Ümumi məlumatlar
Kateqoriya Mineral
Formul
(təkrarlanan vahid)
Al₂Si₂O₅(OH)₄, Al₂(Si₂O₅)(OH)₄
Vikianbarın loqosu Vikianbarda əlaqəli mediafayllar

Halluazit Al4 [(OH)8 |Si4O10] · 4H2O — monoklinik sinqoniya. Rast gəlmə tezliyi şkalası: çox da tez-tez rast gəlməyən

Növ müxtəliflikləri:[redaktə | mənbəni redaktə et]

Ferri (qinzburqit) -, kupro -, xromhalluazit (~ 0,6 %  Cr2O3).

Xassələri[redaktə | mənbəni redaktə et]

Rəng – müxtəlif çalarlı – sarımtıl, bozumtul, yaşılımtıl ağ, həmçinin qonur, sarı, bəzən qırmızı; Mineralın cizgisinin rəngi – ağ; Parıltı – tutqun, dəyişilməmiş aqreqatlarda – sədəfi, mum parıltı; Şəffaflıq – yarımşəffafdan qeyri-şəffafadək, suda şəffafdır; Sıxlıq – 2,0-2,6; Sərtlik – 1-2; Kövrəkdir; Ovuntulu kütlələri əllə toxunduqda talkvaridir; Ayrılma– yoxdur; Sınıqlar – qabıqlı; Morfologiya – kristallar: ultramikroskopik boruşəkilli; Mineral aqreqatları: massiv, gel kimi, torpaqvari, konkresiya şəkilli.

Mənşəyi və yayılması[redaktə | mənbəni redaktə et]

Səciyyəvi ekzogen mineral olub, ən çox qabbro və diabazların və bəzi Ni, Cu və Zn yataqlarının aşınma qabıqlarında inkişaf edir. Həmçinin turş torpaqlarda, əhəngdaşlarının karst boşluqlarında və gillərin tərkibində qeyd edilir. Mineralın kaolinit, allofan və alunitin parçalanması prosesində əmələ gələn aqreqatları məlumdur. Diagenetik mənşəli halluazit konkresiyalar şəklində kaolinit yataqlarında müşahidə edilir. Birlikdə rast gəldiyi minerallar: kaolinit, illit, montmorillonit, alunit, nisbətən az hallarda – diaspor. Mineralın tapıldığı yerlər: Anqlyer (Belçika); Altenberq (Almaniya); Juravlinski, Aydırlinski yataqları (Rusiya); Zakarpatye (Ukrayna) və b. Azərbaycanda Kiçik və Böyük Qafqazın bir srıa məntəqələrində – Tutqunçay hövzəsinin qızıl filizi zolağında, Çıraqdərə-Toğanalı filiz sahəsində, Bittibulaq, İtqırılan, Nəsirvaz, Filizçay yataqlarında və başqa yerlərdə qeyd edilmişdir.

Tətbiqi[redaktə | mənbəni redaktə et]

Kaolinitlə birlikdə keramik məmulatların hazırlanması üçün xammal kimi istifadə edilir.

İstinadlar[redaktə | mənbəni redaktə et]

Mənbə[redaktə | mənbəni redaktə et]

  • Azərbaycan mineralları. Bakı: Nafta-Press, 2004.

Xarici keçidlər[redaktə | mənbəni redaktə et]