Harri Hole

Harri Hole
Harry Hole
Harri Hole personajı
Harri Hole obrazını canlandıran Fassbender
İlk görünmə	Yarasa
Yaradan	Yu Nesbö
Canlandıran	Maykl Fassbender
Məlumat
Cinsi	Kişi
Peşə	Polis
Ailə	Atası - Ulav Hole, bacısı - Ses Hole

Harri Hole — Yu Nesbö tərəfindən yazılmış və dünyada 18 000 000 tirajla satılmış romanlar seriyasının (hal hazırda 11 roman) baş qəhrəmanıdır. Harri Holenin adı Şerlok Holms, Erkül Puaro, Komissar Meqre, Niro Vulf kimi tanınmış ədəbi detektivlərlə yanaşı çəkilir. Hole qeyrikonservativ metodlara malik parlaq və aktiv detektiv olmaqla yanaşı, sərrast atıcılıq qabiliyyətinə malikdir.

Tərcümeyi Halı

Harri Hole 20 yaşında xərçəng xəstəliyi səbəbi ilə anasını itirir və keçmiş müəllim olan atası Ulav Hole ilə də sıx əlaqə saxlamır. O, Oslo Polis İdarəsinin Kriminalistika bölməsinin əməkdaşıdır. Harrinin daun sindromlu bir bacısı var. O, evli deyil, lakin on roman boyu bir çox qadınlarla sıx əlaqədə olub.

Harri siqaret və alkoqol aludəçisi olmağına baxmayaraq, zaman zaman alkoqol qəbulunu kontrol edə bilir. Onun problemləri vaxtaşırı rəhbərlik və bəzi əməkdaşlarla konfliktlə nəticələnməyinə baxmayaraq, onun güclü detektiv olduğuna inanan bölmə rəisi Byarne Möller və onun iş yoldaşı və yaxın dostlarından biri onun işdən azad edilməsinin qarşısını ala bilirlər. Harri Federal Təhqiqat Bürosunda atıcılıq və Polis sorğulaması texnikası üzrə təlim keçmiş azsaylı orqan işçilərindən biridir. Harrinin bir neşə nəfər istisna olmaqla demək olar ki, dostu yoxdu. Onun dostlar siyahısına məhkəmə ekspertizasında işləyən Beate Lyönü, Byern Xolmu və keçmiş rəhbəri olan Qunnar Haqeni aid etmək olar.

Bir çox hallarda müəllifin doğma şəhəri olan Oslo Harri Hole haqqında yazılmış romanlarda baş rolda çıxış edir. Əsərlərdə adı çəkilən yerlər-Harrinin sevimli yerləri, onun yeyib-içdiyi və tez-tez baş çəkdiyi yerlər, yolların "Nəqliyyat sistemi", Norveç polis idarəsinin qərargahı, Froqner parkındakı hovuz, narkotik aludəçilərinin və fahişələrin sığınacaqları-hamısı realdır. Xarrinin dostları kimi müxtəlif sosial təbəqələrə aid şəhər sakinlərini, xarici dövlətlərdən ölkəyə gələn immiqrantlardan tutmuş onun köhnə sinif yoldaşlarına qədər bir çox insanları misal gətirmək olar. Onun ən yaxın dostu keçmiş sinif yoldaşı olan taksi sürücüsü Oysten Ekelanddır.

İştirak etdiyi kitabların siyahısı

• 1997 - Yarasa - Norveç kinoulduzunun ölmünün üstünün açılmasında Avstraliya polisinə kömək etməsi üçün Harri Avstraliyaya ezam olunur.
• 1998 - Tarakanlar - Norveç səfirinin ölümü barədə təhqiqat aparmaq üçün Harri Taylanda ezam olunur.
• 2000 - Qızılgərdan - Harri çox vazib bir insanı oldurbəyi planlaşdıran qatilin pusqusundadır.
• 2002 - Nemesis - Harri insan ölümü ilə nəticələn bank soyğunu barədə təhqiqat aparir və növbəti dəfə keçmiş rəfiqəsinin ölmünə cəlb olunmuş vəziyyətə düşür.
• 2003 - Şeytanın ulduzu - Harri ölümlər silsiləsini tədqiq edir və bu ölümlərin törədilməsində polis əməkdaşından şüpələnir.
• 2005 - Xilaskar - Harri yeni ilə həsr olunmuş küçə konsertində "Xilasedici Ordu" cəmiyyətinin üzvünü öldürən Xorvatiyalı muzdlu qatilin izinə düşür.
• 2007 - Qar adam - Harri Norveçdə ilk seriyalı qatili tapmaq üçün əlindən gələni edir.
• 2009 - Bəbir - Harri öz xoşu ilə göndərildiyi Honq Konqdan qayıdır və qeyri rəsmi olaraq seriyalı qatil ilə bağlı təhqiqat aparır.
• 2011 - Kabus - Harri növbəti dəfə ölüm işini təhqiq etmək üçün Honq Konqdan qayıdır. Bütün dəlillər ölümü Harrinin potensial oğlu olan Oleqin törətdiyini göstərir və cinayətkarın izi Harrini Oslonun narkotik bazarına gətirib çıxarır.
• 2013 - Polis -Harrini növbəti dəfə Oslonun küçələrində gəzən və üstü açılmamış cinayətlərin təhqiqatında iştirak edən polisləri öldürən seriyalı qatilin şəxsiyyətini müəyyən etməyə çağırırlar.
• 2017 - Yanğı -Harri Vampirizmlə bağlı cinayətin təhqiqatına cəlb olunub.